11th Nov2015

ຈັບຕົວກຸ່ມລັກລອບຄ້າຂາຍຢາເສບຕິດ 4 ຄົນພ້ອມຂອງກາງຢາເສບຕິດ 300 ມັດ

by somchan

ໃນວັນທີ 11 ພະຈິກ 2015 ທີ່ຜ່ານມາ ເຈົ້າໜ້າທີ່ພະແນກຕ້ານ ແລະ ສະກັດກັ້ນຢາເສບຕິດ ປກສ ແຂວງບໍ່ແກ້ວ ໄດ້ຈັບຕົວກຸ່ມລັກລອບຄ້າຂາຍຢາເສບຕິດໄດ້ 4 ຄົນພ້ອມຂອງກາງຢາເສບຕິດ 300ມັດເທົ່າກັບ 600.000 ເມັດ, ຢູ່ເຂດບ້ານນ້ຳບອນເມືອງຫ້ວຍຊາຍ ແຂວງບໍ່ແກ້ວ ຜູ້ກະທຳຜິດທັງ 4 ຄົນມີທ້າວຫຸມແພງ ອາຍຸ 39 ແລະ ນາງປັນ ອາຍຸ 39 ປີ ທັງສອງຢູ່ບ້ານມອມເມືອງຕົ້ນເຜີ້ງແຂວງບໍ່ແກ້ວ, ນາງແກ້ວອາຍຸ 40 ປີແລະ ນາງຄຳ ອາຍຸ 33ປີ ທັງສອງຢູ່ບ້ານທ່າຂີ້ເຫັກ ປະເທດມຽນມ້າ.600.000------ ເຈົ້າໜ້າທີ່ພະແນກຕ້ານ ແລະ ສະກັດກັ້ນຢາເສບຕິດແຂວງບໍ່ແກ້ວໃຫ້ຮູ້ວ່າ: ໃນວັນທີ 11 ພະຈິກນີ້ໄດ້ຮັບແຈ້ງຈາກພົນລະເມືອງດີວ່າ: ມີກຸ່ມຄົນບໍ່ດີເຄື່ອນຄ້າຂາຍຢາເສບຕິດແຕ່ເມືອງຕົ້ນເຜີ້ງຫາເມືອງຫ້ວຍຊາຍ ດັ່ງນັ້ນ, ພະແນກຕ້ານ ແລະ ສະກັດກັ້ນຢາເສບຕິດຈຶ່ງໄດ້ສົມທົບກັບພະແນກຈະລາຈອນ ປກສ ແຂວງບໍ່ແກ້ວ ຕັ້ງດ່ານກວດຢູ່ເສັ້ນທາງເຂດບ້ານນ້ຳຍອນ ເມືອງຫ້ວຍຊາຍ ແຂວງບໍ່ແກ້ວ ແລະໄດ້ພົບເຫັນລົດຕູ້ສະຕາແລັກ STAREX ໝາຍເລກທະບຽນ ກທ 7170 ກຳແພງນະຄອນ. ທີ່ເປັນເປົ້າໝາຍຄ້າຂາຍຢາເສບຕິດເຈົ້າໜ້າທີ່ຈຶ່ງໄດ້ທຳການກວດຄົ້ນລົດຄັນດັ່ງກ່າວ ແລະ ໄດ້ພົບເຫັນຢາເສບຕິດ (ປະເພດຢາບ້າ) ຈໍານວນ 2 ເປົາ, ລວມມີ 300 ມັດເທົ່າກັບ 600.000 ເມັດ, ເງິນບາດໄທ 59.000ບາດ,ເງິນ ຢວນ 35 ຢວນ, ເງິນໂດລາ 100 ໂດລາ,ໂທລະສັບ 2 ໜ່ວຍ ແລະ Passport 1 ຫົວ, ດັ່ງນັ້ນ, ເຈົ້າໜ້າທີ່ຈຶ່ງໄດ້ກັກຕົວພວກກ່ຽວມາສອບສວນ-ສອບສວນ.

600.000mand

ຜ່ານການສືບສວນ-ສອບສວນ ໃນເບື່ອງຕົ້ນພວກກ່ຽວທັງ 4 ໄດ້ຮັບສາລະພາບວ່າ: ຢາເສບຕິດດັ່ງກ່າວແມ່ນຢູ່ໃນການຄອບຄອງຂອງພວກກ່ຽວແທ້, ປັດຈຸບັນ ເຈົ້າໜ້າທີ່ພະແນກຕ້ານ ແລະ ສະກັດກັ້ນຢາເສບຕິດ ປກສ ແຂວງບໍ່ແກ້ວໄດ້ດຳເນີນການສືບສວນ-ສອບສວນ ເພື່ອຂະຫຍາຍຜົນຫາກຸ່ມແກ້ງຄ້າຂາຍຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍ.

600.000abc

ຂ່າວຍັງໃຫ້ຮູ້ຕື່ມອີກວ່າ: ໃນວັນທີ 6 ພະຈິກນີ້ ໜ່ວຍສະເພາະກິດ ປກສ ເມືອງປາກທາ ແຂວງບໍ່ແກ້ວສາມາດກັກຕົວຜູ້ລັກລອບຄ້າຂາຍຢາເສບຕິດໄດ້ 2 ຄົນພ້ອມຂອງກາງຢາເສບຕິດ 60 ມັດ ເທົ່າກັບ 120.000 ເມັດ, ຜູ້ກະທຳຜິດທັງສອງມີທ້າວທາຍລີວັນແຊ່ຈ່າວ ອາຍຸ 29 ປີ ແລະ ທ້າວຈານຕອງ ອາຍຸ 40 ປີ ທັງສອງຢູ່ບ້ານຫ້ວຍແມງ ເມືອງປາກທາ ແຂວງບໍ່ແກ້ວຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວທັງສອງຮັບສາລະພາບວ່າ: ຢາເສບຕິດຈຳນວນດັ່ງກ່າວແມ່ນຂອງພວກກ່ຽວແທ້ເຊິ່ງໄດ້ຮັບມາຈາກຜູ້ຮ່ວມຂະບວນການນຳກັນຢູ່ເຂດບ້ານຊາຍຈະເລີນ ເມືອງຫ້ວຍຊາຍ ແຂວງບໍ່ແກ້ວ ແລະ ຈະເອົາຢາເສບຕິດຈຳນວນດັ່ງກ່າວໄປສົ່ງໃຫ້ຜູ້ຮ່ວມຂະບວນການຕໍ່ອີກ ແຕ່ຖືກເຈົ້າໜ້າທີ່ຕຳຫຼວດກັກຕົວໄດ້ກ່ອນ.

120.000-----

 

Off

Comments are closed.