29th Mar2022

ພິທີປະກາດເລື່ອນຊັ້ນໃຫ້ນາຍ ແລະ ພົນຕໍາຫຼວດກອງບັນຊາການ ປກສ ແຂວງຫຼວງພະບາງ.

by somda phoneor

ໃນວັນທີ 23 ມີນາ 2022 ທີ່ກອງບັນຊາການ ປກສ ແຂວງ ຫຼວງພະບາງ ໄດ້ມີພິທີ ປະກາດເລື່ອນຊັ້ນໃຫ້ນາຍ ແລະ ພົນຕໍາຫຼວດທົ່ວກອງບັນຊາການ ປກສ ເເຂວງ ໂດຍພາຍໃຕ້ການ ເປັນປະທານຂອງ ພົຈວ ສົມຈັນ ແກ້ວຈັນດາ ຄະນະປະຈໍາພັກແຂວງ ເລຂາຄະນະພັກຫົວຫນ້າ ກອງບັນຊາການ ປກສ ແຂວງຫຼວງພະບາງ, ເຂົ້າຮ່ວມມີຄະນະພັກຄະນະກອງບັນຊາການ, ຫົວຫນ້າຫ້ອງ,ກອງພັນປ້ອງກັນເຄື່ອນທີ່,ຄ້າຍຄຸມຂັງ-ດັດສ້າງ, ໂຮງຮຽນ ປກສ ຊັ້ນສູງເລກ 2 ຕະຫຼອດຮອດ ນາຍແລະພົນຕໍາຫຼວດທີ່ໄດ້ຮັບການເລື່ອນຊັ້ນໃຫມ່ເຂົ້າຮ່ວມຢ່າງພ້ອມພຽງ.

ໃນພິທີ ພັທ ອ່ອນຈັນ ວິໄລຈິດ ຄະນະພັກກອງບັນຊາການຫົວຫນ້າການເມືອງ ປກສ ແຂວງຫຼວງພະບາງ ໄດ້ໃຫ້ກຽດຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕໍາຫຼວດ ກອງບັນຊາການ ປກສ ແຂວງຫຼວງພະບາງ, ໃນນີ້ຊັ້ນພັຕ ຂື້ນເປັນຊັ້ນພັທ 07 ສະຫາຍ, ຍິງ 01 ສະຫາຍ, ຊັ້ນຮອ ຂຶ້ນເປັນຊັ້ນພັຕ 17 ສະຫາຍ,ຍິງ 02 ສະຫາຍ ຊັ້ນຮ້ອຍໂທຂຶ້ນເປັນຊັ້ນຮ້ອຍເອກ ຈໍານວນ 34 ສະຫາຍຍິງ 08 ສະຫາຍ, ຊັ້ນຮຕ ຂຶ້ນຕອນຊັ້ນ ຮທ 07 ສະຫາຍ, ຊັ້ນ ວທ ຂຶ້ນເປັນ ຊັ້ນ ຮຕ 01 ສະຫາຍ ແລະ ຊັ້ນ ສທ ຂຶ້ນເປັນຊັ້ນ ສອ ຈໍານວນ 99 ຍິງ 16 ສະຫາຍ, ທັງນີ້ເພື່ອເປັນການປະຕິບັດນະໂຍບາຍຂອງພັກ-ລັດທີ່ມີຕໍ່ນາຍ ແລະ ພົນຕໍາຫຼວດ ທີ່ມີຜົນງານດີເດັ່ນຜົນສໍາເລັດໃນຫນ້າທີ່ ວຽກງານຕົວຈິງ ແລະ ຄົບມາດຖານເງື່ອນໄຂຂອງການເລື່ອນຊັ້ນ.

ພົຈວ ສົມຈັນ ແກ້ວຈັນດາ ຄະນະປະຈໍາພັກແຂວງ ເລຂາຄະນະພັກ ຫົວຫນ້າກອງບັນຊາການ ປກສ ແຂວງຫຼວງພະບາງ ໄດ້ໃຫ້ກຽດໂອລົມຕໍ່ພິທີ ກ່ອນອື່ນທ່ານໄດ້ສະແດງ ຄວາມຍ້ອງຍໍຊົມເຊີຍ ຕໍ່ຜົນສໍາເລັດອັນໃຫຍ່ຫຼວງທີ່ນາຍ ແລະ ພົນຕໍາຫຼວດທົ່ວແຂວງ ສາມາດຍາດມາໄດ້ຕະຫຼອດໄລຍະຜ່ານມາ. ແລະ ທ່ານໄດ້ເນັ້ນຫນັກໃຫ້ນາຍ ແລະ ພົນຕໍາຫຼວດຜູ້ທີ່ໄດ້ຮັບການເລື່ອນຊັ້ນໃຫມ່ ຈົ່ງສືບຕໍ່ຮັກສາເສີມຂະຫຍາຍທາດແທ້ມູນເຊື້ອອັນດີງາມຂອງກໍາລັງປ້ອງກັນຄວາມສະຫງົບ ປະຊາຊົນລາວ ເພີ່ມທະວີຄວາມສາມັກຄີພາຍໃນ ເອົາໃຈໃສ່ປະຕິບັດລະບຽບວິໄນຂອງກໍາລັງຢ່າງເຂັ້ມງວດ ພ້ອມກັນຍົກສູງຄວາມຮັບຜິດຊອບຕໍ່ຫນ້າທີ່ວຽກງານທີ່ໄດ້ຮັບການມອບຫມາຍ ແນ່ໃສ່ເຮັດໃຫ້ ແຂວງຫຼວງພະບາງ ມີຄວາມສະຫງົບປອດໄພໂດຍພື້ນຖານ.

 

Off

Comments are closed.