30th Mar2022

ກອງປະຊຸມຂັ້ນວິຊາການ ວິທະຍາສາດ 4 ສະຖາບັນການສຶກສາຊັ້ນສູງ.

by somda phoneor

ວິທະຍາຄານຕຳຫຼວດ ປະຊາຊົນ ກະຊວງ ປກສ ໄດ້ຈັກອງປະຊຸມຂັ້ນວິຊາການ ວິທະຍາສາດຮ່ວມ 4 ສະຖາບັນການສຶກສາຊັ້ນສູງ ຄັ້ງທີ 3 ໃນວັນທີ 24 ມີນາ 2022 ທີ່ ຫ້ອງປະຊຸມວິທະຍາຄານ ຕໍາຫຼວດປະຊາຊົນ ເປັນປະທານໂດຍ ພົຈວ ວົງເຊໂດນ ພັນທະແກ້ວ ຜູ້ອຳນວຍການວິທະຍາຄານຕຳຫຼວດ ປະຊາຊົນ, ມີຜູ້ຕາງໜ້າຈາກວິທະຍາຄານສັນຕິບານ ປະຊາຊົນ, ສະຖາບັນການເມືອງ-ການປົກຄອງແຫ່ງຊາດ, ວິທະຍາຄານປ້ອງກັນຊາດໄກສອນ ພົມວິຫານ, ວິທະຍາຄານເຕັກນິກການທະຫານ, ສູນ 206 ພ້ອມດ້ວຍພາກສ່ວນທີ່ກຽ່ວຂ້ອງ  ເຂົ້າຮ່ວມ.

ກອງປະຊຸມຄັ້ງນີ້ ຜູ້ເຂົ້າຮ່ວມ ໄດ້ພ້ອມກັນຄົ້ນຄວ້າ, ປbກສາຫາລື ແລກປ່ຽນຄໍາຄິດຄໍາເຫັນ ເພື່ອປັບປຸງ, ຮັບຮອງເອົາ 1 ຫົວຂໍ້ໃຫຍ່ທີ່ເປັນຫົວຂໍ້ກອງປະຊຸມສຳມະນາ ແລະ 8 ຫົວຂໍ້ນ້ອຍເປັນຫົວຂໍ້ວິທະຍາສາດຕິດພັນກັບຫົວຂໍ້ໃຫຍ່, ໃນການກະກຽມຄວາມພ້ອມ ເພື່ອຈັດກອງປະຊຸມສຳມະນາວິທະຍາສາດ ຮ່ວມ 4 ສະຖາບັນການສຶກສາ ທີ່ ວິທະຍາຄານ ຕຳຫຼວດ ປະຊາຊົນ ເປັນເຈົ້າພາບ, ເພື່ອຂໍານັບຮັບຕ້ອນວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 61 ປີ ໃຫ້ມີບັນຍາກາດຟົດຟື້ນ(ທີ່ຈະຈັດຂຶ້ນໃນລະຫວ່າງວັນທີ 4-5 ເມສາ 2022 ) ເປັນຕົ້ນແມ່ນ ແຜນການ, ວັນ, ເວລາ ສະຖານທີ່ ຈຳນວນພົນທີ່ຈະເຂົ້າຮ່ວມ, ການແຕ່ງກາຍ ແລະ ບັນດາເນື້ອໃນເອກະສານຕ່າງໆທີ່ຈະນຳໃຊ້ເຂົ້າໃນກອງປະຊຸມ.

ພ້ອມດຽວກັນນັ້ນ, ໃນກອງປະຊຸມ ຜູ້ຕາງໜ້າຈາກ  4 ສະຖາບັນການສຶກສາ ກໍໄດ້ຜັດປ່ຽນກັນຂຶ້ນສະເໜີ, ປະກອບຄຳຄິດ, ຄໍາເຫັນຢ່າງມີວິທະຍາສາດ ແລະ ກົງໄປກົງມາ ໃນຫົວຂໍ້ “ ຄວາມເປັນລະບຽບຮຽບຮ້ອຍ ປອດໄພ ຂອງສັງຄົມ ແມ່ນໜ້າທີ່ ພື້ນຖານ ໃຫ້ແກ່ການພັດທະນາປະເທດຊາດ ໃນເງື່ອນໄຂໃໝ່” ທັງນີ້ ກໍເພື່ອເຮັດໃຫ້ມີຄວາມເປັນເອກະພາບກັນທາງຮູບການ ແລະ ເນື້ອໃນ.

Off

Comments are closed.