30th Mar2022

ເຈົ້າໜ້າທີ່ ປກສ ເມືອງຊໍາໃຕ້ ຈັບຕົວຜູ້ຖືກຫາ ຄ້າ – ຂາຍຢາເສບຕິດ

by somda phoneor

ເຈົ້າໜ້າທີ່ ປກສ ເມືອງຊໍາໃຕ້ ໄດ້ຮັັບລາຍງານຈາກພົນລະເມືອງດີວ່າ: ມີຄົນບໍ່ດີມີການເຄື່ອນໄຫວ ຄ້າ – ຂາຍ ຢາເສບຕິດຢູ່ບ້ານປັກປຸກ ກູ່ມວຽງພັນ ເມືອງຊໍາໃຕ້ ແຂວງຫົວພັນ.

ຈາກນັ້ນເຈົ້າໜ້າທີ່ວິຊາສະເພາະ ຈຶ່ງໄດ້ຂື້ນເປົ້າໝາຍຕິດຕາມ ມາຮອດ ເວລາ 10 ໂມງຂອງວັນທີ່ 29 ມີນາ 2022 ຈື່ງໄດ້ແຕ່ງຕັ້ງກໍາລັງລົງໄປສົມທົບກັບ ອົງການປົກຄອງບ້ານ, ປກສ ບ້ານ ເພື່ອເຂົ້າກວດຄົ້ນເຄຫາສະຖານ ເຊີ່ງເປັນເຮືອນ ຂອງທ້າວ ກາເດົ່າ ອາຍຸ 40 ປີ ປະຊາຊົນ ບ້ານ ປັກປຸກ ກູ່ມວຽງພັນ ເມືອງຊໍາໃຕ້ ແຂວງຫົວພັນ ຜ່ານການກວດຄົ້ນຂອງເຈົ້າໜ້າທີ່ ແລະ ພາກສ່ວນທີ່ກ່ຽວຂ້ອງໄດ້ພົບເຫັນຂອງກາງປະເພດຢາບ້າ ຈໍານວນ 59 ເມັດ, ອາວຸດລ່າເນື້ອ 01 ກະບອກ ( ປືນແກັບ ) ແລະ ອຸປະກອນການເສບຈໍານວນໜື່ງ ທີ່ຊຸກເຊື່ອໄວ້ຢູ່ພາຍໃນຫ້ອງນອນຂອງຜູ່ກ່ຽວ. ສະນັ້ນເຈົ້າໜ້າທີ່ຈື່ງໄດ້ຈັບຕົວຜູ່ກ່ຽວພ້ອມທັງຂອງກາງຈໍານວນດັ່ງກ່າວມາສືບສວນ – ສອບສວນຫາຂໍ້ມູນ ທີ່ໄປທີ່ມາ ຂອງຢາເສບຕິດດັ່ງກ່າວ ພ້ອມທັງດຳເນີນຄະດີຕາມຂັ້ນຕອນຂອງກົດໝາຍ.

Off

Comments are closed.