31st Mar2022

ສູນຄວບຄຸມລະບົບວົງຈອນປິດ ກົມໃຫຍ່ຕຳຫຼວດ ກະຊວງ ປກສ ສະຫຼູບວຽກງານປະຈຳປີ 2021.

by somchan

ໃນວັນທີ 30 ມີນາ 2022 ນີ້ ສູນຄວບຄຸມລະບົບວົງຈອນປິດ ກົມໃຫຍ່ຕໍາຫຼວດ ກະຊວງ ປກສສະຫຼູບວຽກງານປະຈຳປີ 2021 ແລະ ວາງທິດທາງແຜນການ ປີ 2022, ເຂົ້າຮວ່ມໂດຍ: ພັອ ຄອນສີ ເນົາວະລາດ ຫົວໜ້າສູນຄວບຄຸມລະບົບວົງຈອນປິດ, ມີພະງານຫຼັກແຫຼ່ງ, ພະນັກງານ-ນັກຮົບພາຍໃນສູນ ຕະຫຼອດຮອດແຂກຖືກເຊີນເຂົ້າຮວ່ມ.

ໃນກອງປະຊຸມ ພັທ ບໍລິວົງ ວົງຫຼວງລາດ ຮອງຫົວໜ້າສູນຄວບຄຸມລະບົບວົງຈອນປິດ ໄດ້ລາຍງານໃຫ້ຮູ້ໃນການເຄື່ອນໄຫວວຽກງານໃນໄລຍະ 1 ປີຜ່ານມາ: ສູນຄວບຄຸມລະບົບວົງຈອນປິດ ໄດ້ສຸມໃສ່ຈັດຕັ້ງກຳລັງປະຈຳການໃນການລໍ່ຖ້າຮັບແຈ້ງເຫດສຸກເສີນຜ່ານສາຍດວ່ນ 1191 ຕະຫຼອດ 24 ຊົ່ວໂມງ ເພື່ອສະໜອງຂໍ້ມູນສົ່ງໃຫ້ພະແນກທີ່ກ່ຽວຂ້ອງປະສານແກ້ໄຂເຫດການ ເປັນຕົ້ນໂທແຈ້ງເຫດການເກີດອຸປະຕິເຫດ, ອາລະວາດ, ມົ້ວສຸມຢາເສບຕິດ, ຫຼິ້ນການພະນັນ, ລັກຊັບ, ຊິງຊັບ, ສໍ້ໂກງ, ອັກຄີໄພ, ຄ້າມະນຸດ, ທຳມິດສະຈານ, ທຳຮ້າຍຮ່າງກາຍ, ກຸ່ມແກ້ງກວນເມືອງ, ທຳລາຍຊັບ, ຊຸມແຊວກໍ່ຄວາມວຸ້ນວາຍ, ລົດເສຍ ອື່ນໆ.

ກ້ອງວົງຈອນປິດທົ່ວປະເທດມີທັງໝົດ 1,535 ໜ່ວຍ, ສະເພາະນະຄອນຫຼວງ 1,079 ໜ່ວຍ, ພະນັກງານ-ນັກຮົບພາຍໃນສູນ ໄດ້ເອົາໃຈໃສ່ໃນການກວດກາ ຕິດຕາມເຝົ້າລະວັງຜ່ານລະບົບກ້ອງ CCTV ເພື່ອກວດກາສະພາບຕ່າງໆ ເປັນຕົ້ນໃນສະຖານທີ່ສຳຄັນຂອງພັກ-ລັດ, ກວດກາການສັນຈອນແອອັດໃນໂມງເລັ່ງດວ່ນໃນທົ່ວນະຄອນຫຼວງຢ່າງເປັນປົກກະຕິ ສະແດງອອກ: ໄດ້ຄົ້ນຫາເປົ້າໝາຍຜ່ານກ້ອງ CCTV ຕາມການສະເໜີຂອງພາກສ່ວນຕ່າງໆທັງໝົດ 95 ກໍລະນີ ເຊິ່ງມີເຫດການອຸປະຕິເຫດ 43 ກໍລະນີ, ລັກຊັບ 36 ກໍລະນີ, ຊິງຊັບ 2 ກໍລະນີ ອື້ນໆ.

ຜ່ານການເຄື່ອນໄຫວປະຕິບັດໜ້າທີ່ວຽກງານວິຊາສະເພາະໃນໄລຍະຜ່ານມາສູນຄວບຄຸມລະບົບວົງຈອນປິດຖືເປັນສູນລວມໃນການສະໜອງຂໍ້ມູນຂອງເປົ້າໝາຍໃນການແກ້ໄຂ, ມ້າງຄະດີ, ແກ້ໄຂເປົ້າໝາຍຕ່າງໆຮ່ວມກັບກົມກອງວິຊາສະເພາະທີ່ກ້ຽວຂ້ອງເຊິ່ງສະແດງອອກໃນບັນດາ 19 ສະຖານີ, ໄດ້ອອກກວດກາລາດຕະເວນ 2,672 ຄັ້ງ , ສາມາດກັກຕົວຜູ້ຖືກຫາໄດ້ 333 ຄົນ, ຢືດຢາບ້າໄດ້ຈຳນວນ 94 ເປົາ ກັບອີກ 16,900,000 ເມັດ ແລະ 14 ມັດ, ຢາໄອ 10 ເປົາ,ເຮໂລອິນ 2 ເປົາ ປືນ 11 ກະບອກອື່ນໆ.

Off

Comments are closed.