01st Apr2022

ກອງປະຊຸມພົບປະສອງຝ່າຍ ກົມຮ່ວມມືສາກົນ ລະຫວ່າງ ກະຊວງປ້ອງກັນຄວາມສະຫງົບລາວ ແລະ ສປ ຈີນ.

by somchan

ຫ້ອງວ່າການກະຊວງ ປກສ ຈັດກອງປະຊຸມພົບປະສອງຝ່າຍກັບກົມຮ່ວມມືສາກົນ ກະຊວງປ້ອງກັນຄວາມສະຫງົບ ສປ ຈີນ ຜ່ານລະບົບການປະຊຸມວີດີທາງໄກ.ໃນວັນທີ 31 ມີນາ 2022 ນີ້ ຝ່າຍລາວນຳໂດຍ: ພັອ ກີ້ ຈັນທະວົງສາ ຫົວໜ້າກົມພົວພັນຕ່າງປະເທດ ກະຊວງ ປກສ , ຝ່າຍຈີນນຳໂດຍ: ທ່ານ ເວີ້ຍ ສ່ຽວຈູນ ເລຂາພັກກົມຮ່ວມມືສາກົນ ກະຊວງປ້ອງກັນຄວາມສະຫງົບ ສປ ຈີນ ພ້ອມຄະນະທັງສອງຝ່າຍ.

ກອງປະຊຸມພົບປະແລກປຽນໃນຄັ້ງນີ້ ໄດ້ສະຫຼຸບຖອດຖອນບົດຮຽນກ່ຽວກັບການຈັດຕັ້ງປະຕິບັດບົດບັນທຶກການຮ່ວມມືໃນໄລຍະຜ່ານມາ ພ້ອມທັງປຶກສາຫາລືວຽກງານທີ່ກ່ຽວຂ້ອງ ແລະ ແຜ່ນການຮ່ວມມືໃນຕໍ່ໜ້າ ເຖິງຈະເກີດມີສະພາບຜັນແປຢ່າງສັບສົນ ແຕ່ພາຍໃຕ້ຄວາມພະຍາຍາມຮ່ວມກັນຂອງສອງກະຊວງປ້ອງກັນຄວາມສະຫງົບຂອງສອງປະເທດ ໄດ້ເຮັດໃຫ້ການຮ່ວມມືໃນວຽກງານປະຕິບັດກົດໝ່າຍ ແລະ ວຽກງານອື່ນໆ ມີຄວາມສະນິດແໜ້ນ ແລະ ເກີດດອກອອກຜົນຍິ່ງຂຶ້ນ ໂດຍສະເພາະການຮ່ວມກັນສ້າງສູນຮ່ວມມືວຽກງານຕຳຫຼວດລາວ-ຈີນ, ການຮ່ວມກັນສຶບສວນ-ສອບສວນຄະດີ, ການໄລ່ຊອກໄລ່ຈັບຜູ້ຖືກຫາທີ່ເອົາໂຕລົບໜີ, ການສະກັດກັ້ນ ແລະ ຕ້ານຢ່າເສບຕິດ, ການຄ້າມະນຸດ, ການສໍ້ໂກງທາງໂທລະຄົມ ເປັນຕົ້ນແມ່ນໄລ່ຊອກໄລ່ຈັບຜູ້ຖືກຫາເອົາຫຼົບໜີ ແຕ່ປີ 2018 ຮ່ວມກັນຈັບກຸມ ແລະ ສົ່ງມອບຜູ້ຖືກຫາໃນຄະດີສໍ້ໂກງທາງໂທລະຄົມ 300 ກວ່າຄົນ ແລະ ອື່ນໆ.

ສ່ວນການຝຶກອົບຮົມວຽກງານວິຊາສະເພາະ ໃນໄລຍະການລະບາດຂອງພະຍາດໂຄວິດ-19 ຝ່າຍຈີນໄດ້ສົ່ງຄະນະຊ່ຽວຊານ ເດີນທາງມາຂຶ້ນຫ້ອງເຝິກອົບຮົມວຽກງານປ້ອງກັນທາງລົດໄຟລາວ-ຈີນ ໃຫ້ແກ້ເຈົ້າໜ້າທີ່ລາວ, ການຝຶກອົບຮົມວຽກງານຢາເສບຕິດຜ່ານລະບົບອອນລາຍ ແລະ ອື່ນໆ.

ນອກນີ້ຍັງໄດ້ຊວ່ຍເຫຼືອອຸປະກອນຮັບໃຊ້ວຽກງານວິຊາສະເພາະພາຫະນະຈໍານວນ 32 ຄັນ, ສຳເລັດການຕິດຕັ້ງ ແລະ ມອບຮັບກ້ອງວົງຈອນປິດຢູນະຄອນຫຼວງ , ພ້ອມດຽວກັນນີ້ຝ່າຍຈີນຍັງໄດ້ໃຫ້ການຊ່ວຍເຫຼືອອຸປະກອນຮັບໃຊ້ເຂົ້າໃນວຽກງານສະກັດກັ້ນ ແລະ ຄອບຄຸມ ການແຜລະບາດພະຍາດໂຄວິດ-19 ໃຫ້ແກ້ລາວຈໍານວນຫຼວງຫຼາຍ.

ນອກຈາກນີ້ ໃນຂອບການຮ່ວມມືຂອງສູນການຮ່ວມມືປະຕິບັດກົດໝາຍຮັກສາຄວາມປອດໄພແມ່ຂອງຂອງ-ແມ່ນ້ຳລ້ານຊ້າງກໍ່ໄດ້ປະກອບສ່ວນໃຫ້ການຊ່ວຍເຫຼືອໃຫ້ຝ່າຍລາວໃນຫຼາຍດ້ານ ເປັນຕົ້ນແມ່ນການຊ່ວຍເຫຼືອສ້າງຈຸດກວດກາຢາເສບຕິດ ແລະ ສະໜອງອຸປະກອນໃຫ້ກົມໃຫຍ່ຕຳຫຼວດ ກະຊວງ ປກສ ລາວ ແລະ ສະໜອງຊ່ວຍເຫຼືອເຮືອ ລາດຕະເວນໃຫ້ແກ້ກະຊວງປ້ອງກັນປະເທດ ແລະ ອື່ນໆ.

Off

Comments are closed.