04th Apr2022

ພິທີມອບຂັນລາງວັນ ໃບກຽດຕິຄຸນ ໃຫ້ແກ່ນັກກິລາຕີກ໋ອຟ ຊິງຂັນທ່ານ ລັດຖະມົນຕີ ກະຊວງ ປກສ

by Peaung Thanonkeo

ເພື່ອເປັນການສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆ ຂອງພັກ, ຂອງຊາດ ເວົ້າລວມ ເວົ້າສະເພາະກໍ່ແມ່ນເພື່ອເປັນການຂໍ່ານັບຮັບຕ້ອນວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 61 ປີ ໃຫ້ເປັນຂະບວນຟົດຟື້ນ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ຄື: ວາລະແຫ່ງຊາດວ່າດ້ວຍການແກ້ໄຂຂໍ້ຫຍຸ້ງຍາກທາງດ້ານເສດຖະກິດ , ການເງິນ ແລະ ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ດັ່ງນັ້ນ ໃນວັນທີ 2 ເມສາ 2022 ກະຊວງປ້ອງກັນຄວາມສະຫງົບ ຮ່ວມກັບກະຊວງໂຍທາທິການ ແລະ ຂົນສົ່ງ ຈັດການແຂ່ງຂັນກິລາກ໊ອຟມິດຕະພາບ ຊິງຂັນທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ ໃຫ້ກຽດເຂົ້າຮ່ວມໃນພິທີຄັ້ງນີ້ ກໍມີ ບັນດາການນໍາພັກ-ລັດ, ອາດີດການນໍາພັກ-ລັດ, ກະຊວງ, ອົງການອ້ອມຂ້າງສູນກາງ ຕະຫຼອດຮອດແຂກຮັບເຊີນເຂົ້າຮ່ວມ.

ທ່ານ ພົຕ ສົມວັນ ຊາຍລອງພາ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ກ່າວວ່າ: ການແຂ່ງຂັນກິລາຕີກ໊ອກ ຄັ້ງນີ້ ກໍເພື່ອເປັນການຂ່ຳນັບຊົມເຊີຍວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 61 ປີ ທີ່ຈະໝູນວຽນມາ ອີກຄັ້ງຕະຫຼອດໄລຍະ ຜ່ານມາ ກຳລັງປ້ອງກັນຄວາມສະຫງົບ ໄດ້ຜ່ານຂະບວນວິວັດແຫ່ງການເຕີບໃຫຍ່ ຂະຫຍາຍຕົວ ທັງທາງດ້ານປະລິມານ ກໍ່ຄື ຄຸນນະພາບ, ໄດ້ປະກອບສ່ວນອັນໃຫຍ່ຫຼວງໃນການປົດປອ່ຍຊາດ, ປະກອບສ່ວນໃນການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ທາງສັງຄົມ, ສ້າງບັນດາເງື່ອນໄຂເຮັດໃຫ້ປະເທດຊາດມີການຂະຫຍາຍຕົວທາງ ດ້ານເສດຖະກິດ-ສັງຄົມຢ່າງຕໍ່ເນື່ອງ ກາຍເປັນການປະກອບສ່ວນຢ່າງຕັ້ງໜ້າໃນການຈັດຕັ້ງປະຕິບັດຍຸດທະສາດໃນ ການປົກປັກຮັກສາ ແລະ ສ້າງສາພັດທະນາປະເທດຊາດ, ກ່າວຂື້ນສູ່ຈຸດປະສົງ, ເປົ້າໝາຍຂອງ ພັກ-ລັດ ກໍ່ຄື ຄວາມມຸ່ງມາດປາຖະໜາຂອງປະຊົນລາວບັນດາເຜົ່າ ເລີ່ມແຕ່ມື້ສ້າງຕັ້ງຈົນມາເຖິງທຸກມື້ນີ້ກໍາລັງປ້ອງກັນຄວາມ ສະຫງົບ ກໍ່ຍັງເປັນກຳລັງທີ່ປະຈັນບານເຊິ່ງໜ້າກັບກຸ່ມຄົນບໍ່ດີ,ພວກອາຊະຍາກໍາຢູ່ທຸກມື້ທຸກເວລາ. ຜ່ານການແຂ່ງຂັນສາມາດຮູ້ໄດ້ວ່າ: ຜູ້ທີ່ໄດ້ຮັບລາງວັນ ກຽດຕິຍົດແມ່ນ ພົອ ວິໄລຫຼ້າ ຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ເຊີ່ງໃຫ້ກຽດມອບໂດຍ ທ່ານ ວຽງສະຫວັດ ສີພັນດອນ ລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ຮັບຂັນລາງວັນຊະນະເລີດຂອງ ພົອ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໂດຍຕາງໜ້າຮັບແມ່ນ ທ່ານ ວິລະກອນ ພັນທະນຸສີ ຈາກກ້ວນ 34 ຮອງຊະນະເລີດອັນດັບ 2 ໄດ້ແກ່ ທ່ານ ເພັດສະຫວັນ ຈາກ ກວ້ນ 15 ແລະ ລາງວັນອື່ນໆ

Off

Comments are closed.