04th Apr2022

ຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງ ມອບເງີນສະໜັບສະໜູນງານແຂ່ງຂັນກິລາກິລາກ໋ອບ ໃຫ້ ກະຊວງ ປກສ

by Peaung Thanonkeo

ໃນວັນທີ 4 ເມສາ 2022 ນີ້ ທ່ານ ລັນ ແສງອາພອນ ຮອງເລຂາຄະນະພັກ ຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງ ພ້ອມດ້ວຍຄະນະ ໄດ້ນຳເອົາເງີນ 160 ລ້ານກີບ ແລະ ເງີນໂດລາ 3,000 ໂດລາ ເທົ່າກັບ 30 ລ້ານກວ່າກີບ ມາມອບໃຫ້ ກະຊວງ ປ້ອງກັນຄວາມສະຫງົບ ຕາງຫນ້າຮັບໂດຍ ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ເງີນຈຳນວນດັ່ງກ່າວ ແມ່ນກະຊວງ ໂຍທາທິການ ແລະ ຂົນສົ່ງ ໄດ້ລະດົມຈາກພາກສ່ວນທີ່ກ່ຽວຂ້ອງ ເພື່ອສະຫນັບຫນູນໃນງານແຂ່ງຂັນກິລາກອ໋ບມິດຕະພາບ ລະຫວ່າງ ກະຊວງ ປ້ອງກັນຄວາມສະຫງົບ ແລະ ກະຊວງ ໂຍທາທິການ ແລະ ຂົນສົ່ງ

ໂອກາດນີ້ ທ່ານ ລັນ ແສງອາພອນ ຮອງເລຂາຄະນະພັກ ຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງພ້ອມດ້ວຍຄະນະ ໄດ້ນຳເອົາກະຕ່າດອກໄມ້ ເຂົ້າອວຍພອນ ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ເນື່ອງໃນໂອກາດວັນສ້າງຕັ້ງກຳລັງ ປ້ອງກັນຄວາມສະຫງົບ ຄົບຮອບ 61 ປີ ພ້ອມທັງສະແດງຄວາມຊົມເຊີຍຕໍ່ຜົນງານ ທີ່ກະຊວງ ປກສ ມາດມາໄດ້ ຕະຫລອດໄລຍະເວລາທີ່ຜ່ານມາ ພ້ອມດຽວກັນນີ້ ຮອງລັດຖະມົນຕີ ກະຊວງ ປ້ອງກັນຄວາມສະຫງົບ ກໍສະແດງຄວາມຂອບໃຈ ຕໍ່ທ່ານຮອງ ລມຕ ກະຊວງ ໂຍທາທິການ ແລະ ຂົນສົ່ງ ທີ່ເຫັນໄດ້ຄວາມຫມາຍຄວາມສຳຄັນ ຂອງກຳລັງ ປກສ ພ້ອມທັງອວຍພອນໃຫ້ທ່ານພ້ອມດ້ວຍຄະນະ ຈົ່ງມີສຸຂະພາບເຂັ້ມແຂງ ມີຄວາມຜາສຸກ ໂຊກດີ ໃນໂອກາດປີໄຫມ່ທີ່ຈະມາເຖີງນີ້

Off

Comments are closed.