05th Apr2022

ການກຳເນີດເຕີບໃຫຍ່ຂອງກຳລັງ ປກສ ຕະຫຼອດໄລຍະ 61 ປີ

by Peaung Thanonkeo

ເນື່ອງໃນໂອກາດວັນສ້າງຕັ້ງກໍາລັງ ປ້ອງກັນຄວາມສະຫົງບ ທີ 5 ເມສາ ຄົບຮອບ 61 ປີ.     ພົຕ ວັນທອງ ກອງມະນີ ຮອງລັດຖະມົນຕີ ຫົວໜ້າກົມໃຫຍ່ການເມືອງປ້ອງກັນຄວາມສະຫົງບ ໄດ້ສະແດງທັດສະນະຕໍ່ວັນສຳຄັນດັ່ງກ່າວວ່າ: 61 ປີ ແຫ່ງການກໍາເນີດເຕີບຫຍ່ຂະຫຍາຍຕົວຂອງກຳລັງປ້ອງກັນຄວາມສະຫົງບ ປະຊາຊົນ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງ ໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກກະລາດຂອງຊາດ , ຕະຫຼອດໄລຍະອັນລະອິດລະອຽດຍຸ້ງຍາກລຳບາກທີ່ສຸດນັ້ນ ແຕ່ກໍ່ປຽບລົ້ນໄປດ້ວຍຜົນງານສູງສົ່ງ ວິລະກຳອັນພິລະອາດຫານ ແລະ ໄຊຊະນະອັນສະຫງ່າລາສີ ພາຍໃຕ້ການນຳພາອັນສະຫຼາດສ່ອງໃສຂອງພັກເຮົາ , ກຳລັງພວກເຮົາໄດ້ສາມັກຄີເປັນຈິດໜຶ່ງໃຈດຽວໃນການປະຕິບັດໜ້າທີ່ການເມືອງ ທັງປະສານກົມກຽວ ຕໍ່ສູ້ຢ່າງມີໄຊ ຕິດພັນກັບການອອກແຮງແຂງຂັນປັບປຸງກໍ່ສ້າງກຳລັງຂອງຕົນໃຫ້ນັບມື້ເຂັ້ມແຂງ ແລະ ຂະຫຍາຍຕົວເປັນກ້າວໆມາ , ຕະຫຼອດໄລຍະຜ່ານ ໃນການປະຕິວັດ 2 ໜ້າທີ່ຍຸດທະສາດຂອງພັກເຮົາຄື ປົກປັກຮັກສາ ແລະ ສ້າງສາພັດທະນາປະເທດຊາດ ,ກໍາລັງປະກອບອາວຸດປະຕິວັດ ເວົ້າລວມເວົ້າສະເພາະກໍາລັງ ປກສ ປະຊາຊົນ ໄດ້ກາຍເປັນກໍາລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ປະຕິບັດຂະບວນການຮັກຊາດ ແລະ ພັດທະນາ ຕິດພັນກັບວຽກງານ 3 ສ້າງຢ່າງແຂງແຮງ ເດັດດ່ຽວປະຕິບັດແນວທາງປ່ຽນແປງໃໝ່ຂອງພັກ ຮັກສາ ແລະ ເສີມຂະຫຍາຍທາດແທ້ປະຕິວັດ ມູນເຊື້ອອັນດີງາມຂອງຊາດ ກໍ່ຄືທາດແທ້ມູນເຊື້ອຂອງກຳລັງ ປກສ ປະຊາຊົນ ເຝິກຝົນເດັດດ່ຽວໜຽວ  ແໜ້ນກ້າວເດີນຕາມອຸດົມການສັງຄົນນີຍົມຂອງພັກ ບົນເສັ້ນທາງກ້າວຂຶ້ນຂອງປະເທດຊາດ ພັກເຮົາໄດ້ກຳນົດທິດທາງໜ້າທີ່ສຶບຕໍ່ ແນວທາງປຽນແປງໃໝ່ຢ່າງຮອບດ້ານ.  ສຳລັບກຳລັງປ້ອງກັນຄວາມສະຫງົບ ເຖິງແມ່ນວ່າໄດ້ເຮັດລອ້ນໜ້າທີ່ ແລະ ມີຜົນງານຢ່າງຫຼວງຫຼາຍກໍ່ຕາມ , ແຕ່ເມື່ອທຽບໃສ່ຄວາມຮຽກຮ້ອງຕ້ອງການໃນສະພາບການໃໝ່ໂດຍສະເພາະການປະຕິບັດໜ້າທີ່ການເມືອງຂອງຕົນ ຍັງມີຫຼາຍດ້ານທີ່ຕ້ອງໄດ້ເອົາໃຈໃສ່ ເພື່ອສ້າງການຫັນປຽນໄປສູ່ຄຸນນະພາບໃໝ່ຢ່າງຕັ້ງໜ້າ ແລະ ເຂັ້ມແຂງຮອບດ້ານ  ຕໍ່ໜ້າສະພາບການດັງກ່າວ ເພື່ອຕອບສະໜອງກັບໜ້າທີ່ການເມືອງຂອງພັກໃນໄລຍະໃໝ່ ທ່ານໄດ້ເໜັ້ນໜັກໃຫ້ ກຳລັງປ້ອງກັນຄວາມສະຫງົບໃນທົ່ວປະເທດໃຫ້ຕັ້ງໜ້າປະກອບສວ່ນໜ້າທີ່ຂອງຕົນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫົງບຢ່າງເຂັ້ມງວດ.

Off

Comments are closed.