06th Apr2022

ຈຳປາສັກ ຫວນຄືນມູນເຊື້ອ ກຳລັງປ້ອງກັນຄວາມສະຫງົບ ປະຊາຊົນ ຄົບຮອບ 61 ປີ

by Peaung Thanonkeo

ວັນທີ 5 ເມສາ 2022 ຜ່ານມານີ້, ແຂວງຈຳປາສັກ ຈັດຕັ້ງປາຖະກະຖາຫວນຄືນມູນເຊື້ອ ກຳລັງປ້ອງກັນຄວາມສະຫງົບປະຊາຊົນລາວ ຄົບຮອບ 61 ປີ  ໂດຍການປາ ຖະກະຖາຂອງ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ທັງເປັນປະທານ ປ້ອງກັນຊາດ-ປ້ອງກັນຄວາມສະຫງົບແຂວງຈຳປາສັກ, ມີບັນດາການນຳແຂວງ, ຫົວໜ້າ ແລະ ຄະນະກຳລັງ ປ້ອງກັນຊາດ-ປ້ອງກັນຄວາມສະຫງົບແຂວງ, ພະແນກການ, ກົມກອງ ອ້ອມຂ້າງແຂວງ, ພ້ອມດ້ວຍ ອະດີດການນຳ, ນາຍ ແລະ ພົນຕຳຫລວດ ເຂົ້າຮ່ວມ.

ໂອກາດນີ້, ທ່ານ ວິໄລວົງ ບຸດດາຄຳ  ຍົກໃຫ້ເຫັນເຖິງຕົ້ນກຳເນີດ, ການເຕີບໃຫຍ່ຂະຫຍາຍຕົວ, ຄວາມອົງອາດກ້າຫານ, ຄວາມເສຍສະຫລະ ແລະ ໄຊຊະນະອັນລ້ຳເລີດ ຂອງກຳລັງ ປກສ ປະຊາຊົນ ໃນແຕ່ລະໄລຍະ ພາຍໃຕ້ການນຳພາອັນສະ ຫລາດສ່ອງໃສຂອງ ພັກ ປະຊາຊົນ ປະຕິວັດລາວ ເຊິ່ງນັບແຕ່ມື້ສ້າງຕັ້ງກຳລັງ ປກສ ໄດ້ເຮັດໜ້າທີ່ຕໍ່ສູ້ປົດປ່ອຍຊາດ ແລະ ເປັນເຈົ້າການຮັກສາຄວາມສະຫງົບປອດໄພໃນສັງຄົມ, ສາມາດປົດປ່ອຍ ແລະ ສະຖາປານາປະເທດ ສປປ ລາວ ໃນວັນທີ 2 ທັນວາ ປີ 1975, ຈາກນັ້ນມາ, ກຳລັງ ປກສ ກໍຍິ່ງມີຄວາມເຕີບໃຫຍ່ ເຂັ້ມແຂງ ເຮັດໜ້າທີ່ອັນໃຫຍ່ຫລວງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເຮັດລ້ອນ ໜ້າທີ່ການເມືອງທີ່ພັກ, ລັດ ແລະ ປະຊາຊົນ ມອບໝາຍໃຫ້.

ການປາຖະກະຖາໃນຄັ້ງນີ້, ແນໃສ່ໃຫ້ພະນັກງານການນຳ, ສະມາຊິກພັກ, ກຳ ລັງ ປກຊ-ປກສ, ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ເນື້ອໃນຈິດໃຈຂອງເອກະສານມູນເຊື້ອຂອງກຳລັງ ປກສ ປະຊາຊົນ ເພື່ອນຳໄປເສີມຂະ ຫຍາຍ ແລະ ໝູນໃຊ້ ເຂົ້າໃນການປະຕິບັດໜ້າທີ່ ກໍຄື ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຮັບປະກັນໃຫ້ແຂວງຈຳປາສັກ ມີຄວາມສະຫງົບສຸກໂດຍພື້ນຖານ, ເສດຖະກິດມີການພັດທະນາ ມັ່ງຄັ່ງເຂັ້ມແຂງ ຈະເລີນຮັ່ງມີ ກ້າວຂຶ້ນຕາມຈຸດໝາຍ ທີ່ພັກໄດ້ວາງໄວ້.

Off

Comments are closed.