08th Apr2022

ຮອງລັດຖະມົນຕີ ຮັບເງິນຊຸກຍູ້ຈາກກະຊວງໂຍທາທິການ ແລະ ຂົນສົ່ງ.

by somchan

ໃນວັນທີ 8 ເມສາ 2022 ນີ້ ພົນໂທ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຮັບເງິນຊຸກຍູ້ ຈຳນວນ 500 ລ້ານກ່ວາກີບ. ເຊິ່ງມອບໂດຍ ທ່ານ ລັນ ແສງອາພອນ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ເງິນທີ່ນຳມາມອບຄັ້ງນີ້ແມ່ນ ການຊຸກຍູ້ເຂົ້າໃນຂະບວນການກິລາຕີກ໋ອບ ມິດຕະພາບ ເພື່ອຂ່ຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫົງບ ປະຊາຊົນ ຄົບຮອບ 61 ປີ. ໂອກາດດັ່ງກ່າວ ພົນໂທ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ກ່າວສະແດງຄວາມຂອບໃຈມາຍັງກະຊວງໂຍທາທິການ ແລະ ຂົນສົ່ງ ທີ່ໄດ້ປະກອບສ່ວນອັນສຳຄັນເຂົ້າໃນວຽກງານປ້ອງກັນຄວາມສະຫງົບ ແລະ ເຫັນໄດ້ຄວາມໝາຍສຳຄັນຂອງວັນດັ່ງກ່າວ, ເງິນຈຳນວນດັ່ງກ່າວໄດ້ປະກອບສ່ວນເຂົ້າໃນຂະບວນການຢ່າງມີປະສິດທິຜົນ. ພ້ອມດຽວກັນນີ້ກໍໄດ້ມອບໃບຊົມເຊີຍໃຫ້ກະຊວງໂຍທາທິການ ແລະ ຂົນສົ່ງຕື່ມອີກ.

 

Off

Comments are closed.