11th Apr2022

ກອງປະຊຸມປຶກສາຫາລືອະນຸກໍາມະການ ປກຊ-ປກສ ຄະນະສະເພາະກິດປ້ອງກັນ, ສະກັດກັ້ນ, ຄວບ ຄຸມ ແລະ ການແກ້ໄຂ ການເເຜ່ລະບາດພະຍາດໂດວິດ-19 ຢູ່ນະຄອນຫຼວງວຽງຈັນ.

by somda phoneor

ໃນວັນທີ 6 ເມສາ 2022, ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ຈັດກອງປະຊຸມປຶກສາຫາລືອະນຸກໍາມະການ ປກຊ-ປກສ ຄະນະສະເພາະກິດປ້ອງກັນ, ສະກັດກັ້ນ, ຄວບຄຸມ ແລະ ການແກ້ໄຂການເເຜ່ລະບາດພະຍາດໂຄວິດ- 19 ຢູ່ ນະຄອນຫຼວງວຽງຈັນ, ພາຍໃຕ້ການເປັນປະທານ  ພັອ ສຸກພະຈັນ ບຸດດາຄໍາ ຄະນະປະຈໍາພັກ ນະຄອນຫຼວງວຽງຈັນ, ເລຂາຄະນະພັກ ຫົວຫນ້າກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຮອງຫົວຫນ້າສະເພາະກິດ ນະຄອນຫຼວງວຽງຈັນ, ມີບັນດາຄະນະກອງບັນຊາການທະຫານ ນະຄອນຫຼວງ, ຄະນະກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ, ອະນຸກໍາມະການ ປກຊ-ປກສ, ກອງເລຂາ ເຂົ້າຮ່ວມ.

ພັທ ບຸນລັບ ໄຊຍະວົງ ຮອງຫົວຫນ້າຫ້ອງການ ປກສ ນະຄອນຫຼວງວຽງຈັນ ໄດ້ຜ່ານຂໍ້ຕົກລົງ ຂອງທ່ານ ເຈົ້າຄອງນະຄອນຫຼວງວຽງຈັນ ແລະ ຜ່ານຮ່າງເເຜນການເຄື່ອນໄຫວຂອງອະນຸກໍາມະການ ປກຊ-ປກສ ຄະນະສະເພາະກິດ ເພື່ອປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການເເຜ່ລະບາດຂອງພະຍາດໂຄວິດ- 19 ຢູ່ນະຄອນຫຼວງວຽງຈັນ. ເພື່ອຈັດຕັ້ງຜັນຂະຫຍາຍຄໍາສັ່ງຂອງນາຍົກລັດຖະມົນຕີ ແລະ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ກ່ຽວກັບການປ້ອງກັນ, ສະກັດກັ້ນ, ຄວບຄຸມ, ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ເຂັ້ມງວດ. ເພື່ອຈັດຕັ້ງປະຕິບັດບັນດາມາດຕະການທາງດ້ານກົດຫມາຍ ແລະ ວິຊາສະເພາະ ເຂົ້າໃນການສະກັດກັ້ນ, ຄວບຄຸມ ແລະ ການແກ້ໄຂການແຜ່ລະບາດຂອງພະຍາດໂຄ ວິດ-19. ໂດຍເນັ້ນຫນັກວຽກງານຈຸດສຸມ ສຳຄັນຄື: ວຽກງານໂຄສະນາປະຊາສໍາພັນ, ວຽກງານສະກັດກັ້ນຕາມຊາຍແດນ, ວຽກງານຄຸ້ມຄອງກວດກາປະຕູເຂົ້າ-ອອກ ຢູ່ຕາມດ່ານສາກົນ, ດ່ານປະເພນີ ທັງທາງບົກ, ທາງນ້ໍາ ແລະ ທາງອາກາດ. ວຽກງານຈັດຕັ້ງກໍາລັງປ້ອງກັນຄວາມສະຫງົບ ຢູ່ຕາມຈຸດ ໂຮງຫມໍ, ສູນກັກກັນ, ຈຸດກວດກັ່ນຕອງຫາເຊື້ອ ແລະ ສະຖານທີ່ກັກກັນຢູ່ຕາມ ໂຮງແຮມ, ວຽກງານສືບຄົ້ນຫາ ແລະ ວຽກງານສືບສວນ-ສອບສວນ, ໄລ່ຊອກໄລ່ຫາເປົ້າຫມາຍ. ວຽກງານປ້ອງກັນ, ການແຜ່ເຊື້ອເຂົ້າສູ່ຄ້າຍຄຸມຂັງດັດສ້າງ ແລະ ສູນບໍາບັດ, ວຽກງານປະສານ ສົມທົບໃນການສະກັດກັ້ນ ແລະ ແກ້ໄຂກໍລະນີລະເມີດຄໍາສັ່ງແຈ້ງການ, ວຽກງານແກ້ໄຂປະກົດການຫຍໍ້ທໍ້ໃນສັງຄົມ, ວຽກງານຮັກສາຄວາມປອດໄພ ໃຫ້ແກ່ກອງປະຊຸມ, ຂະບວນຂອງການນໍາລົງຕິດຕາມຊຸກຍູ້. ວຽກງານຄຸ້ມຄອງແຮງງານຢູ່ພາຍໃນ ແລະ ມາຈາກຕ່າງປະເທດ, ວຽກງານກະກຽມ, ພາຫະນະ, ອຸປະກອນປ້ອງກັນ, ຄຸ້ມຄອງຄວາມປອດໄພໃຫ້ແກ່ກໍາລັງ.

ໃນໂອກາດນີ້ ພັອ ສຸກພະຈັນ ບຸດດາຄໍາ ໄດ້ເນັ້ນໜັກໃຫ້ອະນຸກໍາມະການ ປກຊ-ປກສ ນໍາເອົາເນື້ອໃນຈິດໃຈ ໄປເຜີຍແຜ່ ແລະ ນໍາໄປຈັດຕັ້ງປະຕິບັດ, ບັນດາຂະແຫນງການຕ່າງໆ, ເມືອງ, ບ້ານ ຕ້ອງສ້າງແບບແຜນວິທີເຮັດວຽກຊີ້ນໍາບັນຊາ ດໍາເນີນເພື່ອຈັດຕັ້ງປະຕິບັດວຽກງານວິຊາສະເພາະ ຕາມລະບົບສາຍຕັ້ງ ແລ້ວລາຍງານສູ່ຂັ້ນສູນກາງ ປະສານສົມທົບ ຮັບຮູ້ສະພາບ, ສ້າງກົນໄກ ເພື່ອດໍາເນີນວຽກງານໃຫ້ສອດຄ່ອງ ແລະ ທ່ວງທັນ. ເອົາໃຈໃສ່ການສ່ອງແສງລາຍງານຢ່າງເປັນປະຈໍາ ແລະ ປະສານລາຍງານ ຜ່ານກຸ່ມປະສານງານ ໃຫ້ວ່ອງໄວ, ທັນສະພາບ ແລະ ໃຫ້ກອງເລຂາ ປະສານງານກອງເສນາ ຂັ້ນນະຄອນຫຼວງວຽງຈັນໃນແຕ່ລະວັນ, ອາທິດ ເພື່ອສັງລວມຂໍ້ມູນ, ເຮັດບົດລາຍງານ, ເຮັດຫນ້າທີ່ຂຶ້ນແຜນງົບປະມານຕ່າງໆ.

Off

Comments are closed.