12th Apr2022

ສະຫະພັນແມ່ຍິງກົມຕໍາຫຼວດຄຸມຂັງ-ດັດສ້າງຈັດກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ.

by somda phoneor

ສະຫະພັນແມ່ຍິງກົມຕໍາຫຼວດຄຸມຂັງ-ດັດສ້າງຈັດກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ03 ດີ ໄລຍະ 5 ປີ ,2016-2020,ໃນວັນທີ 12ເມສາ 2022 ນີ້ ພາຍໃຕ້ການເປັນປະທານຂອງ ພັທ ນາງ ອ່ອນສີ ສີລາວົງ ປະທານສະຫະພັນແມ່ຍິງກົມຕໍາຫຼວດຄຸມຂັງ-ດັດສ້າງ ໃຫ້ກຽດເຂົ້າຮ່ວມຂອງ ພັອ ຄໍາພອນ ແສງສາລີຈັນ ຮອງຫົວໜ້າກົມຕໍາຫຼວດຄຸມຂັງ-ດັດສ້າງ,ມີບັນດາຄະນະສະຫະພັນແມ່ຍິງ,ໜ່ວຍສະຫະພັນແມ່ຍິງແລະສະມາຊິກແມ່ຍິງກົມກອງອ້ອມຂ້າງກົມຕໍາຫຼວດຄຸມຂັງ-ດັດສ້າງເຂົ້າຮ່ວມ.

ພັຕ ນາງປານີ ໄຊບຸນເຕີນ ປະທານກວດກາສະຫະພັນແມ່ຍິງກົມຕໍາຫຼວດຄຸມຂັງ-ດັດສ້າງ,ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດຂໍ້ແຂ່ງຂັນ03 ດີ ໄລຍະ 5 ປີຜ່ານມາທ່ານໄດ້ຍົກໃຫ້ເຫັນ ດ້ານດີ ແລະຜົນໄດ້ຮັບເປັນຕົ້ນ:ໃນໄລຍະຜ່ານມາສະຫະພັນແມ່ຍິງກົມຕໍາຫຼວດຄຸມຂັງ-ດັດສ້າງໄດ້ເອົາໃຈໃສ່ໂຄສະນາເຜີຍແຜ່ບົດແນະນໍາຂອງສູນກາງຂອງສະຫະພັນແມ່ຍິງລາວ ແລະ ສະຫະພັນແມ່ຍິງ

ກະຊວງປ້ອງກັນຄວາມສະຫງົບ,ເນື້ອໃນຄໍາຂັວນ ແລະ ຂໍ້ແຂ່ງຂັນ 3 ດີ ໃຫ້ແກ່ພະນັກງານ-ນັກຮົບ ແລະສະມາຊິກສະຫະພັນແມ່ຍິງເພື່ອເຊື່ອມຊຶມກໍາແໜ້ນ ນໍາພາການເປີດຂະບວນການແຂ່ງຂັນ ແລະ ສະຫຼຸບປະເມີນການຈັດຕັ້ງປະຕິບັດວຽກງານສ້າງຄອບຄົວແມ່ຍິງ 3 ດີ ຕິດພັນກັບການສ້າງບ້ານພັດທະນາຕາມທິດ 3 ສ້າງ ປະຈໍາປີ 2018. ໄດ້ນຳພາສະຫະພັນແມ່ຍິງແຕ່ລະຫນ່ວຍຮາກຖານດໍາເນີນຊີວິດການເມືອງການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈໍາປີ 2019 ແລະ ໄລຍະ 5 ປີ ( 2016-2020 ) ເພື່ອລາຍງານສະຫະພັນ ແມ່ຍິງກະຊວງປ້ອງກັນຄວາມສະຫງົບ,ເອົາໃຈໃສນໍາພາສໍາຫຼວດກວດກາຕີລາຄາແບ່ງປະເພດ3ດີ,ປະຈໍາເດືອນ,ໄຕມາດ, 6 ເດືອນ, 1 ປີ ແລະ3 ປີ, ສະມາຊິກສະຫະພັນແມ່ຍິງແຕ່ລະຄົນໄດ້ຖືເອົາເນື້ອໃນຂໍ້ແຂ່ງຂັນ 3 ດີ ເປັນເນື້ອໃນດໍາເນີນຊີວິດການເມືອງພ້ອມທັງສະຫຼຸບ-ວາງແຜນການ,ສ່ອງແສງລາຍງານຂັ້ນເທິງ ຕາມສາຍຕັ້ງສາຍຂວາງປົກກະຕິ.

ຜ່ານການປະຕິບັດຂໍ້ແຂ່ງຂັນ 3 ດີ ໄດ້ເຮັດໃຫ້ສະມາຊິກສະຫະພັນແມ່ຍິງສ່ວນຫຼາຍໄດ້ຮັບການສຶກສາ ອົບຮົມການເມືອງນໍາພາແນວຄິດໃຫ້ກາຍເປັນພົນລະເມືອງດີ, ມີນ້ໍາໃຈຮັກຊາດຮັກບ້ານເກີດເມືອງນອນ, ຮັກລະບອບປະຊາທິປະໄຕປະຊາຊົນ, ມີຄວາມຈົງຮັກພັກດີ, ເຊື່ອຫມັ້ນຕໍ່ການນໍາພາຂອງພັກ, ມີແບບແຜນການດໍາລົງຊີວິດ, ບໍລິສຸດສັດຊື່, ມີສະຕິເຄົາລົບລະບຽບກົດໝາຍ, ເອົາໃຈໃສ່ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທໍາຮີດຄອງປະເພນີອັນດີຂອງຊາດ, ຂອງແມ່ຍີງລາວ ແລະ ທາດແທ້ມູນເຊື້ອຂອງກໍາລັງປ້ອງກັນຄວາມສະຫງົບປະຊາຊົນ, ສະມາຊິກແມ່ຍິງສ່ວນຫຼາຍແມ່ນໄດ້ຮັບການພັດທະນາຫຼາຍດ້ານຄື: ຄຸນສົມບັດສິນທໍາປະຕິວັດ, ຄວາມຮູ້ຄວາມສາມາດ ເຮັດໃຫ້ການຈັດຕັ້ງພັກ-ລັດມີຄວາມເຊື່ອໝັ້ນ, ໄດ້ຮັບການຍ້ອງຍໍ, ເລື່ອນຊັ້ນເລື່ອນຕໍາແໜ່ງ ແລະ ໄດ້ຮັບນະໂຍບາຍຕ່າງໆຊຶ່ງໄດ້ເປັນການປະກອບສ່ວນເຮັດໃຫ້ຫນ່ວຍພັກ-ກົມກອງມີຄວາມເຂັ້ມແຂງຄະນະສະຫະພັນແມ່ຍິງແຕ່ລະຂັ້ນໄດ້ປັບປຸງແບບແຜນວິທີເຮັດວຽກ, ວິທີການນໍາພາໃຫ້ມີວິທະຍາສາດ,ຮູ້ຍາດແຍ່ງເອົາການຊີ້ນໍາ-ນໍາພາການອໍານວຍຄວາມສະດວກຈາກຄະນະພັກ-ຄະນະບັນຊາ,ການພົບປະແລກປ່ຽນບົດຮຽນການສະໜັບສະໜູນພາກສ່ວນຕ່າງໆເຮັດໃຫ້ການຈັດຕັ້ງແມ່ຍິງນັບມື້ນັບເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບກາຍເປັນເສນາທິການທີ່ເຂັ້ມແຂງໃຫ້ແກ່ຄະນະພັກແຕ່ລະຂັ້ນໃນການສຶກສາອົບຮົມເຕົ້າໂຮມຄວາມສາຄີ ແລະ ປຸກລະດົມແມ່ຍິງໃນການປະຕິບັດຫນ້າທີ່ວຽກງານວິຊາ ສະເພາະຕາມພາລະບົດບາດຂອງຕົ້ນ ແລະ ພ້ອມນີ້ສະມາຊິກສະຫະພັນແມ່ຍິງໄດ້ເປັນເຈົ້າການໃນການປະກອບສ່ວນຕ້ານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມກໍຄືຄອບຄົວເປັນຕົ້ນແມ່ນການສ້າງຄອບຄົວດີ,ເອົາໃຈໃສ່ຮັກສາຄວາມສາມັກຄີປອງດອງພາຍໃນຄອບຄົວ,ສຶກສາອົບຮົມລູກຫຼານ ແລະ ສະມາຊິກຄອບຄົວໃຫ້ເປັນພົນລະເມືອງດີ, ພັດທະນາຄອບຄົວໃຫ້ຫຼຸດພົ້ນອອກຈາກຄວາມທຸກຍາກ, ສ້າງຄອບຄົວໃຫ້ມີຄວາມອົບອຸ່ນ, ເຮັດໃຫ້ສັງຄົມມີຄວາມສະຫງົບ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ສັງລວມແລ້ວໃນໄລຍະ 5 ປີຜ່ານມາມີສະມາຊິກແມ່ຍິງກົມຕໍາຫຼວດຄຸມຂັງ-ດັດສ້າງສາມາດຄັດເລືອກໄດ້ ແມ່ຍິງ 3 ດີ ປະເພດ I ມີ 78 ຄົນ, ເທົ່າກັບ 96.29%, ປະເພດ II ມີ 2 ຄົນ ເທົ່າກັບ 2.46%, ບຸກຄົນຕົວແບບດ້ານຕ່າງໆ ມີ 11 ຄົນ ໃນນັ້ນດ້ານວິຊາສະເພາະ ມີ 05 ຄົນ, ດ້ານເສດຖະກິດ ມີ 01 ຄົນ, ດ້ານສ້າງຄອບຄົວດີ ມີ 05 ຄົນ,ໜ່ວຍສະຫະພັນແມ່ຍິງ 3 ດີ 05 ໜ່ວຍເທົ່າກັບ 100%. ພ້ອມນີ້ໃນກອງປະຊຸມຍັງໄດ້ມອບໃບຍ້ອງຍໍ,ໃບຊົມເຊີຍໃຫ້ໜ່ວຍແມ່ຍິງ,ບຸກຄົນທີ່ດີເດັ່ນໃນການການຈັດຕັ້ງປະຕິບັດຂໍ້ແຂ່ງຂັນ03 ດີ ໄລຍະ 5 ປີຜ່ານມາ,ໃຫ້ກຽດມອບໂດຍ ພັອ ຄໍາພອນ ແສງສາລີຈັນ ຮອງຫົວໜ້າກົມຕໍາຫຼວດຄຸມຂັງ-ດັດສ້າງ.

ພ້ອມ,ດຽວກັນນີ້ຍັງໄດ້ຈັດຕັ້ງປະຖະກະຖາວັນສ້າງຕັ້ງວັນແມ່ຍິງສາກົນວັນທີ 8 ມີນາຄົບຮອບ 112 ປີຕື່ມອີກ.

Off

Comments are closed.