12th Apr2022

ກົມຄົ້ນຄວ້າວິທະຍາສາດ-ປະຫວັດສາດ ຈັດກອງປະຊຸມເປີດກວ້າງ ປະຈຳໄຕມາດ 1 ແລະ ທິດທາງແຜນການໄຕມາດ 2.

by somda phoneor

ຄະນະພັກຮາກຖານ ກົມຄົ້ນຄວ້າວິທະຍາສາດ-ປະຫວັດສາດ ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມເປີດກວ້າງ ປະຈຳໄຕມາດ 1 ແລະ ທິດທາງແຜນການໄຕມາດ 2 ໃນວັນທີ 12 ເມສາ ນີ້. ໂດຍການເປັນປະທານຂອງ ພົຈວ ສະແຫວງ ພົມມະລີ ຄະນະພັກກະຊວງ ເລຂາຄະນະພັກ ຫົວໜ້າກົມຄົ້ນຄວ້າວິທະຍາສາດ-ປະຫວັດສາດ, ມີຄະນະພັກ, ຄະນະກົມ, ໜ່ວຍພັກ ແລະ ສະມາຊິກພັກເຂົ້າຮ່ວມ.
ພັອ ປອ ບັນເທົາ ພິມພິສານ ຮອງເລຂາຄະນະພັກ ຮອງຫົວໜ້າກົມຄົ້ນຄວ້າວິທະຍາສາດ-ປະຫວັດສາດ ໄດ້ກ່າວວ່າ: ໃນໄລຍະຜ່ານມາຄະນະພັກໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດໃຫ້ສະມາຊິກພັກ ນາຍ ແລະ ພົນຕຳຫຼວດພາຍໃນກົມກອງຢ່າງເປັນປົກກະຕິ ເຮັດໃຫ້ສະພາບການເມືອງແນວຄິດສະມາຊິກພັກກໍຄືນາຍ ແລະ ພົນຕຳຫຼວດໃນກົມກອງມີຄວາມສະຫງົບຢ່າງໜັກ ແໜ້ນ, ມີສະຕິຕໍ່ການຈັດຕັ້ງ, ປະຕິບັດມະຕິຄຳສັ່ງ, ລະບຽບວິໄນເຂັ້ມງວດ, ກຳແໜ້ນແນວທາງຂອງພັກ-ລະບຽບກົດໝາຍຂອງລັດ ແລະ ມີສະຕິຕໍ່ທຸກກົນອຸບາຍຂອງກຸ່ມຄົນບໍ່ຫວັງດີ, ພ້ອມທັງປັບປຸງແບບແຜນວິທີການນຳພາ, ແບບແຜນວິທີເຮັດວຽກດ້ວຍຫຼາຍຮູບການຢ່າງປະດິດສ້າງ ສະມາຊິກພັກມີຄວາມໜັກແໜ້ນ, ເຂັ້ມແຂງເປັນກ້າວໆ ເປັນເຈົ້າການໃນການຄຸ້ມຄອງປ້ອງກັນຕິດຕາມກວດກາ ແລະ ສະກັດກັ້ນບັນດາປະກົດການຫຍໍ້ທໍ້ທີ່ອາດຈະເກີດຂື້ນຢູ່ພາຍໃນໄດ້ທັນການ, ຊຸກຍູ້ບັນດາໜ່ວຍພັກ, ຈຸພັກ ດຳເນີນບົດບາດນຳໜ້າໃນທຸກໜ້າທີ່ວຽກງານ, ໄດ້ປັບປຸງຊັບຊ້ອນຄືສະມາຊິກພັກຈຸພັກ ເພື່ອເຮັດໃຫ້ການຈັດຕັ້ງພັກມີຄວາມເຂັ້ມແຂງ, ໜັກແໜ້ນ, ສອດຄ່ອງກັບໜ້າທີ່ຄວາມຮັບຜິດຊອບຂອງແຕ່ລະສະຫາຍ ທັງເປັນການສົ່ງເສີມກໍ່ສ້າງພະນັກງານສືບທອດປ່ຽນແທນຢ່າງຕໍ່ເນື່ອງ, ໄດ້ປະຕິບັດນະໂຍບາຍດ້ານຕ່າງໆຕໍ່ສະມາຊິກພັກ ນາຍ ແລະ ພົນຕຳຫຼວດຕາມແນວທາງນະໂຍບາຍຂອງພັກ-ລັດຂໍ້ກຳນົດທີ່ກະຊວງ, ກົມກອງວາງອອກຢ່າງຖືກຕ້ອງພາວະວິໃສ ແລະ ທັນການ ເພື່ອເປັນສິ່ງກະຕຸກຊຸກຍູ້ໃຫ້ພະນັກງານ-ນັກຮົບມີຄວາມຫ້າວຫັນບຸກບືນເຮັດສຳເລັດໜ້າທີ່ວຽກງານທີ່ໄດ້ມອບ ໝາຍໄດ້ຮັບນະໂຍບາຍເລື່ອນຊັ້ນ 13 ສະຫາຍ, ຮັບການຍ້ອງຍໍໃນໄລຍະສະເຫຼີມສະຫຼອງວັນສ້າງຕັ້ງກຳລັງ ປກສ ຄົບຮອບ 60 ປີ ຈຳນວນ 13 ສະຫາຍ.

Off

Comments are closed.