13th Apr2022

ປກສ ນວ ປະກາດ ນາຍຕໍາຫຼວດ ພັກການຮັບອຸດໜູນບຳນານ 34 ທ່ານ

by Peaung Thanonkeo

ໃນວັນທີ 12 ເມສາ 2022, ຢູ່ສະໂມສອນກອງບັນຊາການ ປກສ ນະຄອນຫຼວງວຽງຈັນ ໄດ້ຈັດພິທີປະກາດນາຍຕໍາຫຼວດພັກການຮັບອຸດໜູນບໍານານ ຈໍານວນ 34 ທ່ານ, ຍິງ 7 ທ່ານ ໂດຍການເປັນປະທານຂອງ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ , ມີຄະນະພັກ, ຄະນະບັນຊາ ຫ້ອງ, ຄ້າຍຄຸມຂັງ-ດັດສ້າງ, ປກສ ເມືອງ ແລະ ນາຍຕໍາຫຼວດ ທີ່ໄດ້ຮັບການອຸດໜູນບໍານານ ເຂົ້າຮ່ວມ.

ໃນພິທີ, ພັທ ຈໍາປາ ແສງສຸລິຍາ ຮອງຫົວໜ້າຫ້ອງການເມືອງ ປກສ ນະຄອນຫຼວງວຽງຈັນ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງ ປກສ  ວ່າດ້ວຍການອະນຸມັດໃຫ້ນາຍຕຳຫຼວດ ພັກການຮັບອຸດໜູນບຳນານ ຈຳນວນ 34 ທ່ານ, ຍິງ 7 ທ່ານ ໃນນີ້ມີ ຫ້ອງພະລາທິການ 2 ທ່ານ, ຫ້ອງຕໍາຫຼວດ 3 ທ່ານ, ຫ້ອງສັນຕິບານ 5 ທ່ານ, ຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ 3 ທ່ານ, ປກສ ເມືອງໄຊທານີ 5 ທ່ານ, ປກສ ເມືອງປາກງື່ມ 6 ທ່ານ, ປກສ ເມືອງສີໂຄດຕະບອງ 4 ທ່ານ, ຄ້າຍຄຸມຂັງ-ດັດສ້າງ 1 ທ່ານ, ປກສ ເມືອງໄຊເສດຖາ, ປກສ ເມືອງຫາດຊາຍຟອງ, ປກສ ເມືອງນາຊາຍທອງ, ປກສ ເມືອງສີສັດຕະນາກ ແລະ  ປກສ ເມືອງຈັນທະບູລີ ເມືອງລະ 1 ທ່ານ.

ໃນຕອນທ້າຍ, ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ໃຫ້ກຽດໂອ້ລົມຕໍ່ຄະນະພັກ-ຄະນະບັນຊາ ໂດຍສະເພາະ ຕໍ່ນາຍຕໍາຫຼວດຜູ້ທີ່ພັກການຮັບອູດໜູນບໍານານ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຕະຫຼອດໄລຍະໃນການປະຕິບັດໜ້າທີ່ວຽກງານປ້ອງກັນຄວາມສະຫງົບ ເຮັດໃຫ້ນະຄອນຫຼວງວຽງຈັນ ມີຄວາມສະຫງົບ, ສືບຕໍ່ຊ່ວຍປະກອບສ່ວນວຽກງານປ້ອງກັນຄວາມສະຫງົບ ຢູ່ຮາກຖານບ້ານ, ໃຫ້ຄໍາປຶກສາຫາລື, ແນະນໍາບົດຮຽນທີ່ດີ, ຊ່ວຍເກັບກໍາສະພາບປະກົດການຫຍໍ້ທໍ້ຕ່າງໆທີ່ເກີດຂຶ້ນ, ເອົາໃຈໃສ່ເບີ່ງແຍງ ແລະ ປະສານສົມທົບກັບກົມກອງເກົ່າຂອງຕົນ ເພື່ອຕິດຕາມການດໍາລົງຊີວິດ ແລະ ຊ່ວຍເຫຼືອເຊິ່ງກັນ ແລະ ກັນ ໃນເວລາຈໍາເປັນ.

 

 

 

 

 

Off

Comments are closed.