14th Apr2022

ປກສ ກຸ່ມວັງຊາຍ ຈັດວາງກໍາລັງ ປະຈໍາການ ໄລຍະປີໃຫມ່ລາວ ພສ 2565.

by somchan

ໃນວັນທີ 12 ເມສາ 2022, ປກສ ກຸ່ມວັງຊາຍ ເມືອງໄຊເສດຖາ ນະຄອນຫລວງວຽງຈັນ ໄດ້ຜ່ານແຜນປ້ອງກັນໄລຍະປີໃຫມ່ລາວ ພສ 2565 ໃນລະຫວ່າງວັນທີ14-16 ເມສາ 2022, ຂຶ້ນຢູ່ຫ້ອງການ ປກສ ກຸ່ມ ໂດຍການເປັນປະທານຂອງ ພັທ ຊື່ວ່າງ ກ່າລໍ່ ຫົວຫນ້າ ປກສ ກຸ່ມວັງຊາຍ ມີກໍາລັງ ປກສ ກຸ່ມ, ຕາງຫນ້າອໍານາດການປົກຄອງບ້ານ 10 ບ້ານເຂົ້າຮ່ວມ.

ພັທ ຊື່ວ່າງ ກ່າລໍ່ ຫົວຫນ້າ ປກສ ກຸ່ມ ວັງຊາຍ ໃຫ້ຮູ້ວ່າ: ໂດຍປະຕິບັດຕາມແຈ້ງການຂອງກອງບັນຊາການ ປກສ ນະຄອນຫຼວງວງຈັນ ເລກທີ 123/ປກສ.ນວ ລົງວັນທີ 11 ເມສາ 2022 ເລື່ອງການເພີ່ມທະວີປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ໃນໄລຍະສະເຫລີມສະຫລອງປີໃຫມ່ລາວ ພສ 2565 ແລະ ເພື່ອເປັນການເຮັດໃຫ້ພາຍໃນກຸ່ມວັງຊາຍມີຄວາມສະຫງົບ ເປັນລະບຽບຮຽບຮ້ອຍ ແລະ ບໍ່ໃຫ້ມີປະກົດການຫຍໍ້ທໍ້ເກີດຂຶ້ນ ໃນໄລຍະສະເຫລີມ ສະຫລອງບຸນປີໃຫມ່ລາວ ພສ 2565 ປກສ ກຸ່ມວັງຊາຍ ໄດ້ຈັດວາງກໍາລັງ ປະຈໍາການ ຕະຫລອດ 24 ຊົ່ວໂມງ ແຕ່ວັນທີ 14-16 ເມສາ 2022 ໂດຍຈັດວາງກໍາລັງລົງປະຈໍາທັງຫມົດ 11 ຈຸດ ໃນນີ້, ຈຸດທີ່ 1 ແມ່ນຢູ່ຫ້ອງການ ປກສ ກຸ່ມ ສ່ວນອີກ 10 ຈຸດແມ່ນ ປະຈໍາການ ຢູ່ 10 ບ້ານທີ່ຂຶ້ນກັບ ປກສ ກຸ່ມ ໂດຍກຳລັງແຕ່ລະສະຫາຍແມ່ນມີຄວາມບຸກບືນຫ້າວຫັນ, ສຸ່ມໃສ່ປະຕິບັດໜ້າທີ່ຢ່າງຕັ້ງໜ້າເພື່ອຮັບປະກັນເຮັດໃຫ້ຂອບເຂດຄວາມຮັບຜິດຊອບຂອງຕົນມີຄວາມສະຫງົບ ແລະ ເປັນລະບຽບຮຽບຮ້ອຍ.

Off

Comments are closed.