15th Apr2022

ກັກຕົວຜູ້ຄ້າຂາຍຢາບ້າ ພ້ອມຂອງກາງຢາບ້າ 10,000 ເມັດ ວັນທີ 12 ເມສາ 2022.

by somda phoneor

ເຈົ້າຫນ້າທີ່ ປກສ ກຸ່ມ 3 ສີໄຄ ສົມທົບກັບ ປກສ ກຸ່ມ 6 ຫນອງຫນ້ຽວ ເມືອງ ສີໂຄດຕະບອງ ນະຄອນຫຼວງວຽງຈັນ ສາມາດຈັບເປົ້າຫມາຍຄ້າຂາຍຢາເສບຕິດ ໄດ້ຫນຶ່ງຄົນ ຊື່ ທ້າວ ເອິ້ນ ອາຍຸ 38 ປີ ຢູ່ບ້ານຫນອງຫນ້ຽວ ເມືອງສີໂຄດ ນະຄອນຫລວງວຽງຈັນ, ພ້ອມຢາບ້າ 5 ມັດ ຫລືເທົ່າກັບ 10,000 ເມັດ, ປືນສັ້ນ 01 ກະບອກ ພ້ອມລູກປືນ 05 ລູກ ແລະ ປັດດຈຸບັນ ໄດ້ສົ່ງຕົວ ແລະ ເຄື່ອງຂອງກາງ ໃຫ້ກອງບັນຊາການ ປກສ ເມືອງສີໂຄດຕະບອງ ເພື່ອດໍາເນີນຄະດີຕາມຂັ້ນຕອນ ກົດຫມາຍ.

– ໃນໄລຍະດຽວກັນນີ້ ເຈົ້າຫນ້າທີ່ ປກສ ກຸ່ມທ່າງ່ອນ ກໍໄດ້ສົມທົບກັບອໍານາດປົກຄອງບ້ານໂນນ ສະອາດ ເມືອງໄຊທານີ ລົງກວດກາ ຮ້ານອິນເຕີເນັດກາເຟ ການໃຫ້ຫຼິ້ນການພະນັນທີ່ຕ້ອງຫ້າມ ຢູ່ຂອບ ເຂດບ້ານໂນນສະອາດ ແລະ ໄດ້ກັກຕົວທ້າວ ພັນ ອາຍຸ 27 ປີ ອາຊີບກໍາມະກອນ ພັກເຊົາຢູ່ບ້ານອຸດົມ ຜົນ ພ້ອມຢາບ້າ 10 ເມັດ, ຈາກນັ້ນ ກໍໄດ້ກັກຕົວຜູ້ຮ່ວມຂະບວນການໄດ້ເພີ່ມອີກຫນຶ່ງຄົນຊື່ ທ້າວ ແອ ຢູ່ບ້ານໂນນສະອາດ ເມືອງໄຊທານີ ພ້ອມຢາບ້າ 21 ເມັດ ມາດໍາເນີນຄະດີ, ປັດຈຸບັນ ໄດ້ສົ່ງຕົວພວກ ກ່ຽວໃຫ້ກອງບັນຊາການ ປກສ ເມືອງໄຊທານີ ສືບຕໍ່ດໍາເນີນຄະດີ ຕາມຂັ້ນຕອນຂອງກົດຫມາຍ.

 

Off

Comments are closed.