26th Nov2015

ກອງປະຊຸມສະຫລຸບຂະບວນການແຂ່ງຂັນ ຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ.

by somchan

ກອງປະຊຸມສະຫຼຸບຕີລາແລະ ຍ້ອງຍໍ ຂະບວນການແຂ່ງຂັນຮັກຊາດ, ສ້າງບ້ານພັດທະນາແລະ ຜັນຂະຫຍາຍວຽກງານ 3ສ້າງເຂົ້າສູ່ລ່ວງເລີກທົ່ວປະເທດ. ໄດ້ຈັດຂຶ້ນໃນວັນທີ 25 ພະຈິກ 2015 ນີ້ທີ່ປະຊຸມແຫ່ງຊາດ ໂດຍການເປັນກຽດເຂົ້າຮ່ວມຂອງ ທ່ານຈູມມະລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປລາວ ພ້ອມດ້ວຍການນຳພັກ-ລັດຂັ້ນສູນກາງ, ບັນດາແຂວງ ແລະ ເມືອງທົ່ວປະເທດເຂົ້າຮ່ວມ.

132345

ທ່ານບຸນຍັງ ວໍລະຈິດ ກໍາມະການກົມການສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ຫົວໜ້າຄະນະຊີ້ນຳວຽກງານເຮັດທົດລອງວຽກງານ3ສ້າງ ໄດ້ຂຶ້ນງານລາຍກ່ຽວກັບຜົນສຳເລັດໃນການຈັດຕັ້ງປະຕິບັດຂະບວນການແຂ່ງຂັນຮັກຊາດ ສ້າງບ້ານພັດທະນາ, ຊຸກຍູ້ຂະບວນວຽກງານສາມສ້າງ ຕິດພັນກັບຂະບວນການຫັນລົງກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ ພາຍໃຕ້ຄຳຂວັນແຂ່ງຂັນ ‘ຮັກຊາດ ແລະ ພັດທະນາ’ ໃນຊຸມປີຜ່ານມາ ຄະນະພັກ ອົງການປົກຄອງແຕ່ລະຂັ້ນ ໄດ້ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດຢ່າງຕັ້ງໜ້າ, ເປັນລະບົບທັງມີການກຳນົດກົດໝາຍ ແລະໄດ້ຫັນເອົາພະນັກງານລົງໄປປຶກສາຫາລື ນຳພາສ້າງແຜນການໂຄງການ ແລະ ນຳພາເຮັດງານຕົວຈິງ, ພ້ອມທັງສຸມທຶນເຂົ້າໃສ່ການສ້າງບ້ານພັດທະນາ, ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນບົດຢ່າງຕໍ່ເນື່ອງ ແລະ ມີຜົນສຳເລັດໃນຫຼາຍດ້ານ, ສະແດງອອກສາມາດສ້າງບ້ານປ້ອງກັນຊາດດີໄດ້ 7.091 ບ້ານ, ບ້ານປ້ອມໝັ້ນສູ້ຮົບຕິດລຽນ 1.164 ບ້ານ, ບ້ານປ້ອງກັນຄວາມສະຫງົບດີ 6.727 ບ້ານ, ບ້ານປອດຢາເສບຕິດມີ 5.781ບ້ານ, ບ້ານປອດຄະດີ 6.308ບ້ານ ຂອງຈຳນວນບ້ານທັງໝົດ. ນອກຈາກນີ້, ການພັດທະນາພື້ນຖານໂຄງລ່າງຕ່າງໆ ແລະ ຊີວິດການເປັນຢູ່ຂອງປະຊາຊົນໄດ້ຮັບການປ່ຽນແປງ ກໍ່ສ້າງຂະຫຍາຍລົງສູ່ຊົນນະບົດຫ່າງໄກສອກຫຼີກຢ່າງກ້ວາງຂວາງ ປະຈຸບັນມີເສັ້ນທາງເຂົ້າເຖິງ ເພີ່ມຂຶ້ນ 84% ບ້ານທີ່ມີນ້ຳສະອາດໃຊ້ກວມ 91%, ບ້ານທີ່ໄດ້ໃຊ້ໄຟຟ້າກວມ 87% ຂອງຈຳນວນບ້ານທັງໝົດ, ບ້ານທີ່ມີໂຮງຮຽນປະຖົມ ກວມ98% ຊຶ່ງໄດ້ສ້າງເງື່ອນໄຂໃຫ້ລູກຫຼານໄດ້ເຂົ້າຮຽນເປັນປົກກະຕິ ເຮັດໃຫ້ອັດຕາເຂົ້າຮຽນຊັ້ນປະຖົມເພີ່ມຂຶ້ນ 100% ອັນພົ້ນເດັ່ນແມ່ນສາມາດປະກາດຈົບຊັ້ນປະຖົມບຳລຸງສຳເລັດທົ່ວປະເທດ, ດ້ານພື້ນຖານວັດຖຸເຕັກນິກ ເພື່ອຊຸກຍູ້ສົ່ງເສີມການຜະລິດເປັນສິນຄ້າຂອງປະຊາຊົນໄດ້ສຸມໃສ່ຝຶກອົບຮົມວິຊາຊີບເຕັກນິກວິຊາການ (ປູກຝັ່ງ ລ້ຽງສັດ) ໃຫ້ແກ່ປະຊາຊົນ ແລະ ນຳພາເຮັດຕົວຈິງ ຢູ່ແຕ່ລະຈຸດ ປັດຈຸບັນ ບ້ານທົ່ວປະເທດມີຕະຫຼາດ 688 ແຫ່ງ, ເຊິ່ງໄດ້ສ້າງເງື່ອນໃຫ້ແກ່ປະຊາຊົນຢູ່ເຂດຊົນນະບົດໄດ້ມີການແລກປ່ຽນຊື້-ຂາຍ, ການຈໍລະຈອນສິນຄ້າມີຄວາມສະດວກສະບາຍ ແລະສາມາດແຈກຢາຍສິນຄ້າລົງສູ່ຊົນນະບົດເຂດຫ່າງໄກສອກຫຼີກໄດ້ຢ່າງທົ່ວເຖິ່ງ, ເຮັດໃຫ້ຕະຫຼາດຊົນນະບົດໄດ້ເຊື່ອມໂຍງເຂົ້າຫາຕະຫຼາດທ້ອງຖິ່ນ ແລະ ຕະຫຼາດສູນກາງຫຼາຍຂຶ້ນ ໄດ້ເຮັດໃຫ້ອັດຕາຄອບຄົວທຸກຍາກຫຼຸດລົງຍັງເຫຼືອ 6%, ຈຳນວນບ້ານທຸກຍາກຫຼຸດລົງຍັງເຫຼືອ 1.736ບ້ານກວມ20% ບ້ານພັດທະນາໄດ້ເພີ່ມຂຶ້ນເປັນ 3.557ບ້ານ ກວມ 42%, ຈຳນວນບ້ານໃຫຍ່ທີ່ມີລັກສະນະເປັນຕົວເມືອງ ແລະ ເປັນໃຈກາງບໍລິການທາງດ້ານເສດຖະກິດ-ສັງຄົມ ຢູ່ຊົນນະບົດມີເຖິງ 47ບ້ານ, ເມືອງທຸກຍາກໄດ້ຫຼຸດລົງຍັງເຫຼືອ 23 ເມືອງ. ຊື່ງຜົນສຳເລັດດັ່ງກ່າວມັນໄດ້ປະກອບສ່ວນອັນສຳຄັນ ເຮັດໃຫ້ທົ່ວປະເທດສືບຕໍ່ຮັບປະກັນມີສະຖຽນລະພາບທາງດ້ານການເມືອງຢ່າງໜັກແໜ້ນແລະ ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດແຫ່ງຊາດມີການຂະຫຍາຍຕົວຢ່າງຕົວເນື່ອງ ແລະ ໝັ້ນທ່ຽງ ການຈັດຕັ້ງປະຕິບັດຄາດໝາຍສູ້ຊົນຂອງແຜນພັດທະນາເສດຖະກິດສັງຄົມແຫ່ງຊາດ ແລະ ບັນດາເປົ້າໝາຍສະຫັດສະວັດດ້ານດານພັດທະນາສາມາດບັນລຸຜົນສຳເລັດຕາມຄາດໝາຍທີ່ວາງໄວ້.

 

Off

Comments are closed.