19th Apr2022

7 ວັນທົ່ວປະເທດ ມີອຸບັດເຫດເກີດຂຶ້ນ 312 ກໍລະນີ ເສຍຊີວິດ 35 ຄົນ

by Peaung Thanonkeo

ໃນວັນທີ 18 ເມສາ 2022,  ພັອ ກົງສີ ສຸວັນນະຕຸ້ມ ຫົວໜ້າກົມຕໍາຫລວດຈະລາຈອນ, ກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ ໄດ້ຖະແຫລງຂ່າວຕໍ່ສື່ມວນຊົນວ່າ: ໃນໄລຍະ 7 ວັນ ນັບແຕ່ວັນທີ 11-17 ເມສາ 2022 ກໍຄືໄລຍະການສະເຫລີມສະຫລອງບຸນປີໃໝ່ລາວ ພສ 2565 ທົ່ວປະເທດ ມີອຸບັດ ເຫດເກີດຂຶ້ນທັງໝົດ 312 ກໍລະນີ ທຽບໃສ່ໄລຍະດຽວກັນຂອງປີ 2021 ຜ່ານມາ ອຸບັດເຫດແມ່ນຫລຸດລົງ 26 ລາຍ, ມີພາຫະນະເປ່ເພ 545 ຄັນ, ທຽບໃສ່ປີຜ່ານມາຫລຸດລົງ 65 ຄັນ, ມີຜູ້ໄດ້ຮັບບາດເຈັບ 552 ຄົນ, ທຽບໃສ່ປີຜ່ານມາຫລຸດລົງ 19 ຄົນ ແລະ ມີຜູ້ເສຍຊີວິດຈາກອຸບັດຕິເຫດທັງໝົດ 35ຄົນ, ທຽບໃສ່ປີ 2021 ຫລຸດລົງ 9 ຄົນ.

ພັອ ກົງສີ ສຸວັນນະຕຸ້ມ ໄດ້ກ່າວຕື່ມອີກວ່າ: ສາເຫດທີ່ພາໃຫ້ເກີດອຸບັດຕິເຫດສ່ວນຫລາຍ ແມ່ນເກີດຈາກການຂັບຂີ່ລົດໄວ, ຮອງລົງມາແມ່ນເກີດຈາກຜູ້ຂັບຂີ່ດື່ມສິ່ງມຶນເມົາ, ປ່ຽນທິດທາງຢ່າງກະທັນຫັນ ແລະ ກໍລະນີອື່ນໆ. ດັ່ງນັ້ນ, ຮຽກຮ້ອງໃຫ້ນັກຂັບຂີ່ຜູ້ໃຊລົດໃຊ້ຖະຫນົນ ເອົາໃຈໃສ່ປະຕິບັດກົດລະບຽບຈະລາຈອນຢ່າງເຂັ້ມງວດ ແລະ ມີສະຕິໃນການຂັບຂີ່ຍານພາຫະນະທຸກຊະນິດ, ທີ່ສຳຄັນຖ້າທ່ານດື່ມສິ່ງມຶນເມົາແລ້ວບໍ່ຄວນຂັບລົດຢ່າງເດັດຂາດ. ທັງນີ້ກໍເພື່ອຄວາມປອດໄພຂອງໂຕທ່ານເອງ ແລະ ເພື່ອຮ່ວມທາງ.

Off

Comments are closed.