19th Apr2022

ກົມ​ສື່​ສານ ກະ​ຊວງ​ ປກສ ຈັດ​ຕັ້ງ​ປາ​ຖະ​ກະ​ຖາ​ຫວນ​ຄືນ​ມູນ​ເຊື້ອ​ວັນ​ສ້າງ​ຕັ້ງ​ ກຳ​ລັງ​ ປກສ ຄົບ​ຮອບ 61

by Peaung Thanonkeo

ກົມ​ສື່​ສານ ກະ​ຊວງ​ປ້ອງ​ກັນ​ຄວາມ​ສະ​ຫງົບ ຈັດ​ຕັ້ງ​ປາ​ຖະ​ກະ​ຖາ​ຫວນ​ຄືນ​ມູນ​ເຊື້ອ​ວັນ​ສ້າງ​ຕັ້ງ​ກຳ​ລັງ​ປ້ອງ​ກັນ​ຄວາມ​ສະ​ຫງົບ ຄົບ​ຮອບ 61 ໃນ​ວັນ​ທີ 19 ເມ​ສາ 2022ນີ້ ໂດຍ​ການ​ປາ​ຖະ​ກະ​ຖາ​ຂອງ ພ​ຈົວ ແສງ​ປະ​ເສີດ ສຸ​ທຳ​ມະ​ວົງ ຫົວ​ຫນ້າ​ກົມ​ສື່​ສານ ກະ​ຊວງ ປກ​ສ ມີ​ບັນ​ດາ ຄະ​ນະ​ພັກ ຄະ​ນະ​ກົມ ແລະ ພະ​ນັກ​ງານ​ນັກ​ຮົບ ເຂົ້າ​ຮ່ວມ​.

ພ​ຈົວ ແສງ​ປະ​ເສີດ ສຸ​ທຳ​ມະ​ວົງ ໄດ້​ກ່າວ​ວ່າ ວັນທີ 5 ເມສາ 1961 ແມ່ນວັນສ້າງຕັ້ງກໍາລັງປ້ອງກັນຄວາມສະ ຫງົບປະຊາຊົນ, ເປັນວັນປະຫວັດສາດສໍາຄັນຂອງຊາດ, ຂອງພັກ, ຂອງກໍາລັງ ປກສ ທີ່ໝູນວຽນມາຄົບຮອບ 61 ປີ, ກໍາລັງປ້ອງກັນຄວາມສະຫງົບປະຊາຊົນ ແມ່ນກໍາລັງ ປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງ, ນໍາພາເດັດຂາດ, ໂດຍກົງຮອບດ້ານ, ເປັນກໍາລັງທີ່ມາຈາກປະຊາຊົນ ແລະ ເພື່ອຮັບ ໃຊ້ຜົນປະໂຫຍດຂອງປະຊາຊົນລາວບັນດາເຜົ່າ, ນັບແຕ່ມື້ກໍາເນີດເກີດຂຶ້ນກໍາລັງ ປ້ອງກັນຄວາມສະຫງົບທັງມີມູນເຊື້ອຕໍ່ສູ້, ປັບປຸງກໍ່ສ້າງຕົນເອງ ໂດຍໄດ້ຮັບການອົບຮົມສັ່ງສອນຈາກພັກປະຊາຊົນ ປະຕິວັດລາວ ແລະ ການອູ້ມຊູຊ່ວຍເຫຼືອປະຊາຊົນລາວ ບັນດາເຜົ່າ, ກໍາລັງປ້ອງກັນຄວາມສະຫງົບ ສາມາດເສີມຂະຫຍາຍມູນເຊື້ອຕໍ່ສູ້ພິລະອາດ ຫານຂອງຊາດຂຶ້ນສູ່ບາດກ້າວ ໃໝ່ ແລະ ຄຸນນະພາບໃໝ່, ສ້າງໄດ້ມູນເຊື້ອອັນສະຫງ່າ ງາມ ມີນໍ້າໃຈຮັກຊາດ, ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ອຸດົມການສັງ ຄົມນິຍົມ ແລະ ຕໍ່ປະຊາຊົນ. ກຳລັງປ້ອງກັນຄວາມສະສະຫງົບ ໄດ້ກຳເນີດ ແລະ ເຕີບໃຫຍ່ຂະຫຍາຍຕົວ ໃນພາລະກິດຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານລ່າເມືອງຂຶ້ນ ແລະ ສັກດີນາປະຕິການ, ລູກແຫຼ້ງຕີນມືຜູ້ຂາຍຊາດ, ຕໍ່ສູ້ປາບປາມພວກຝືນປະຕິວັດ, ພວກອິດທິກໍາລັງປໍລະປັກ, ພວກຕ້ອງໂທດອາຍາຕ່າງໆ ເຊິ່ງສາມາດປົກປັກຮັກສາ ແລະ ສ້າງສາພັດທະນາປະເທດຊາດ ເວລາໃດກໍ່ມີມູນເຊື້ອການຕໍ່ສູ້ອັນອົງອາດກ້າຫານ ມີນ້ຳໃຈເດັດດ່ຽວບໍ່ຍອມຈຳນົນມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປືກແຜ່ນ; ສາມາດປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງປະ ເທດຊາດ, ປົກປັກຮັກສາຊີວິດ, ຊັບສິນ, ຜົນປະໂຫຍດອັນຊອບທໍາຂອງປະຊາຊົນລາວບັນດາເຜົ່າ; ກໍາລັງປ້ອງກັນຄວາມສະຫງົບໄດ້ຕໍ່ສູ້​ພິລະ​ອາດ​ຫານ, ​ເດັດດ່ຽວໜຽວ​ແໜ້ນບໍ່ຍອມ​ຈຳນົນ, ​ເສຍສະຫຼະ, ຜ່ານ​ຜ່າ​ຄວາມ​ຫຍຸ້ງຍາກ​ຕີ​ເອົາຊະນະ​ສັດຕູຄ່ຽງບ່າຄ່ຽງໄລ່​ ​ກັບ​ກອງທັບ ​ແລະ ປະຊາຊົນລາວ​ບັນດາ​ເຜົ່າ​​ ສ້າງພາລະກຳປະຫວັດສາດອັນລ້ຳເລີດ ຍາດໄດ້ຜົນງານຢ່າງຫຼວງຫຼາຍ ໃນຕະຫຼອດໄລຍະຜ່ານມາ

ການປະຖະກະຖາໃນຄັ້ງນີ້ ກໍ່ເພື່ອເຮັດໃຫ້ພະນັກງານ-ນັກຮົບ ທົ່ວກົມສື່ສານໄດ້ຮັບຮູ້ເຂົ້າໃຈ ແລະ ກ້ຳແໜ້ນບັນດາທາດແທ້ ມູນເຊື້ອກຳລັງ ປກສ ແລະ ພ້ອມກັນຮັກສາໝາກຜົນຂອງການປະຕິວັດເສີມຂະຫຍາຍມູນເຊື້ອດັ່ງກ່າວ ໃຫ້ມີຄວາມຈະເລີນງອກງາມຂື້ນໄປເລືອຍໆ

ຂ່າວຍັງໃຫ້ຮູ້ຕື່ມວ່າ: ໃນໄລຍະດຽວກັນນີ້

ກອງບັນຊາການ ປກສ ແຂວງອຸດົມໄຊກໍ່ໄດ້ຈັດຕັ້ງປາຖະກະຖາ ຫວນຄືນມູນເຊື້ອວັນດັ່ງກ່າວຂຶ້ນ ຢູ່ທີສະໂມສອນຂອງແຂວງ ໂດຍການເຂົ້າຮ່ວມຂອງ ສະຫາຍ ພັອ ສີວອນ ໄຊຍະວົງ ຫົວໜ້າກອງບັນຊາການ ປກສ ແຂວງອຸດົມໄຊ, ມີຄະນະພັກ-ຄະນະກອງບັນຊາການ ປກສ ແຂວງ,ປກສ 7 ເມືອງ ພ້ອມດ້ວຍພະນັກງານ ຫຼັກແຫຼ່ງທົ່ວກອງບັນຊາການ ກຳລັງປ້ອງກັນຄວາມສະຫງົບແຂວງ ເຂົ້າຮ່ວມຢ່າງພ້ອມພຽງ.

ພັທ ສອນວິໄລ ຕຸລາທອງ,ຮອງກອງບັນຊາການ ປກສ ແຂວງອຸດົມໄຊໄດ້ ຍົກໃຫ້ເຫັນເຖິງຜົນງານ ແລະ ໄຊຊະນະຕະຫຼອດໄລຍະການກຳເນີດ, ເຕີບໃຫຍ່ຂະຫຍາຍຕົວຂອງກໍາລັງ ປກສ ເລີ່ມແຕ່ມື້ສ້າງຕັ້ງເປັນຕົ້ນມາເຖິງປະຈຸບັນ,ເຫັນໄດ້ວ່າກຳລັງປ້ອງກັນຄວາມສະຫງົບ ແມ່ນກຳລັງປະກອບອາວຸດທີ່ມາຈາກປະຊາຊົນ, ໂດຍປະຊາຊົນ, ຮັບໃຊ້ປະຊາຊົນ ແລະ ເພື່ອຜົນປະໂຫຍດຂອງປະຊາຊົນລາວບັນດາເຜົ່າ ຊຶ່ງຢູ່ໃຕ້ການນຳພາ-ຊີ້ນຳເດັດຂາດ, ໂດຍກົງ ຮອບດ້ານຂອງພັກປະຊາຊົນປະຕິວັດລາວ ແລະ ຢູ່ພາຍໃຕ້ການຄຸ້ມຄອງຂອງລັດ, ມີພາລະບົດບາດປົກປັກຮັກສາສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ, ຜ່ານບັນດາເນື້ອໃນເອກະສານອີກຈຳນວນໜື່ງເປັນຕົ້ນແມ່ນ ມູນເຊື້ອແຫ່ງການນຳພາຂອງພັກປະຊາຊົນປະຕິວັດລາວ ຄົບຮອບ 67 ປີ,ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 76 ປີ,ຈັນຍາທຳ ແລະ ຈັນຍາບັນຂອງນາຍ ແລະ ພົນຕຳຫຼວດ,ຂໍ້ຕົກລົງວ່າດ້ວຍຂໍ້ຫ້າມ ໃນກຳລັງ ປກສ ພ້ອມທັງມອບໃບຢັ້ງຢືນໜ່ວຍພັກປອດ,ເຂັ້ມແຂງ,ໜັກແໜ້ນ ປະຈຳປີ 2022 ໃຫ້ແກ່ບັນດາຮາກຖານພັກ,ໜ່ວຍພັກທີ່ຂຶ້ນກັບກອງບັນຊາການ ປກສ ແຂວງອຸດົມໄຊ ຈຳນວນ 20 ໜ່ວຍພັກ,ຍ້ອງຍໍຜົນງານປະເພດຕ່າງໆ ໃຫ້ແກ່ພະນັກງານ-ນັກຮົບກຳລັງ ປກສ ແຂວງຈຳນວນ 1,124 ສະຫາຍ, ແລະ ປະກາດເລື່ອນຊັ້ນໃຫ້ ຈຳນວນ 117 ສະຫາຍ,ຍິງ 26 ສະຫາຍ,ໃນນີ້ເລື່ອນຊັ້ນ ພັຕ ຂື້ນ ພັທ 03 ສະຫາຍ, ຮອ ຂື້ນ ພັຕ 04 ສະຫາຍ, ຍິງ 02 ສະຫາຍ, ຮທ ຂຶ້ນ ຮອ 07 ສະຫາຍ, ຍິງ 01 ສະຫາຍ, ຮຕ ຂື້ນ ຮທ 10 ສະຫາຍ, ຍິງ 04 ສະຫາຍ, ວທ ຂື້ນ ຮຕ 06 ສະຫາຍ, ຍິງ 03 ສະຫາຍ, ສອ ຂື້ນ ວທ 08 ສະຫາຍ, ຍິງ 03 ສະຫາຍ, ສທ ຂື້ນ ສອ 72 ສະຫາຍ, ຍິງ 10 ສະຫາຍ,ດັດແປງຊັ້ນ 05 ສະຫາຍ,ຍິງ 01 ສະຫາຍ

Off

Comments are closed.