20th Apr2022

ຫ້ອງການຊາວໜຸ່ມເມືອງໄຊເສດຖາປາຖະກະຖາເລົ່າມູນເຊື້ອວັນສ້າງຕັ້ງຊາວໜຸ່ມ ປະຊາຊົນປະຕິວັດລາວຄົບຮອບ 67 ປີ.

by somda phoneor

ຫ້ອງການຊາວໜຸ່ມເມືອງໄຊເສດ ນະຄອນຫຼວງວຽງຈັນ ຈັດພິທີປາຖະກະຖາເລົ່າຄືນມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວຄົບ ຮອບ 67 ປີ ,ວັນທີ 14 ເມສາ 1955 – 14 ເມສາ 2022 ,ຂຶ້ນຢູ່ທີ່ ສະໂມສອນຂອງ ຫ້ອງການປົກຄອງບ້ານແສງສະຫວ່າງ ເມືອງໄຊເສດຖານະຄອນຫຼວງວຽງຈັນ, ໂດຍໃຫ້ກຽດປາຖະກະຖາເລົ່າຄືນມູນເຊື້ອ ຂອງ ທ່ານ ຄຳມາ ແສງມີໄຊ ເລຂາພັກເມືອງ ເຈົ້າເມືອງໄຊເສດຖາ, ມີບັນດາຄະນະພັກ, ຫົວໜ້າຫ້ອງການ, ເລຂາຄະນະບໍລິຫານງານຊາວໜຸ່ມເມືອງໄຊເສດຖາ, ເລຂາພັກບ້ານ-ນາຍບ້ານ ແລະ ພາກສວ່ນທີ່ກ່ຽວຂ້ອງເຂົ້າຮ່ວມຮັບຟັງ.

ທ່ານ ຄຳມາ ແສງມີໄຊ ເລຂາພັກເມືອງ ເຈົ້າເມືອງໄຊເສດຖາ ໄດ້ຍົກໃຫ້ເຫັນເຖິງການກໍາເນີດ ແລະ ເຕີບໃຫຍ່ ຂະຫຍາຍຕົວ ຕະຫລອດໄລຍະ 67 ປີ ຜ່ານມາ ຂອງຊາວໜຸ່ມປະຊາຊົນ ປະຕິວັດລາວ ໂດຍປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງ ຊາດໄດ້ສ້າງຕັ້ງ, ຝຶກຝົນຫລໍ່ຫລອມ ແລະ ນໍາພາໂດຍກົງ ຮອບດ້ານ, ພາຍໃຕ້ຮົ່ມທຸງຂອງພັກນັ້ນການຈັດຕັ້ງຊາວໜຸ່ມໄດ້ມີການເຕີບໃຫຍ່ເຂັ້ມແຂງທັງປະລິມານ ແລະ  ຄຸນນະພາບ, ໄດ້ສ້າງຜົນງານ ແລະ ວິລະກໍາອັນໃຫຍ່ຫຼວງທີ່ໄດ້ບັນທຶກໄວ້ໃນໜ້າປະຫວັດສາດຂອງຊາດລາວ, ໃນອາດິດ ກໍຄືປັດຈຸບັນ ໂດຍສະເພາະການຈັດຕັ້ງ ຜັນຂະຫຍາຍ 4 ບຸກທະລຸຂອງພັກ ມາເປັນເນື້ອໃນຂໍ້ແຂ່ງ ຂັນ 4 ບຸກຂອງຊາວໜຸ່ມ ໃຫ້ແກ່ຊາວໜຸ່ມ-ເຍົາວະຊົນ ໃນໄລຍະໃໝ່ເພື່ອໃຫ້ສົມດັ່ງຄໍາເວົ້າຂອງປະທານ ໄກສອນ ພົມວິຫານ ໄດ້ມອບນາມມະຍົດໄວ້ໃຫ້ຊາວໜຸ່ມທີ່ວ່າ: ຊາວໜຸ່ມຈົ່ງເປັນດັ່ງນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງຈົ່ງກາຍເປັນສິນໄຊຂອງຍຸກສະໄໝ, ທັງໝົດນັ້ນ ແມ່ນມູນເຊື້ອອັນລວມຍອດຂອງຊາວໜຸ່ມລາວ ທີ່ຕອບສະໜອງໄດ້ກັບ ຄວາມຮຽກຮ້ອງຕ້ອງການຂອງປະເທດຊາດ ໃນການເຮັດສໍາເລັດພາລະກໍາປະຫວັດສາດຂອງຕົນກໍ່ຄື ປົດປ່ອຍປະເທດຊາດ ແລະ ຕັ້ງໜ້າເຂົ້າໃນການປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາປະເທດຊາດ. ໃນໂອກາດດັ່ງກ່າວຍັງໄດ້ເຊື່ອມຊື່ມ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ວາລະແ່ງຊາດ ວ່າດ້ວຍການແກ້ໄຂບັນຫາຢາເສບຕິດ,ໂດຍສະເພາະແມ່ນການແກ້ໄຂບັນຫາຢາເສບຕິດໃນກຸ່ມຊາວໝຸ່ມ-ໄວໝຸ່ມຢູ່ພາຍໃນເມືອງໄຊເສດຖາ, ນະຄອນຫຼວງວຽງຈັນໃຫ້ນັບມື້ຫຼຸດໜ້ອຍຖອຍລົງ

Off

Comments are closed.