20th Apr2022

ຄະນະຈັດຕັ້ງສູນກາງພັກ ສະຫລຸບແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2021.

by somda phoneor

ຄະນະຈັດຕັ້ງສູນກາງພັກ ຈັດກອງປະຊຸມສະຫລຸບແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2021 ຂອງບັນດາໜ່ວຍພັກທີ່ຂຶ້ນກັບ ອົງຄະນະພັກ ຄະນະຈັດຕັ້ງສູນກາງພັກ ໂດຍການເປັນປະທານຂອງ ສະ ຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ, ມີຮອງຫົວໜ້າຄະນະຈັດຕັ້ງສູນກາງພັກ, ຄະນະພັກ, ຄະນະໜ່ວຍພັກບັນດາກົມ ແລະ ສະມາຊິກພັກເຂົ້າຮ່ວມ.

ກອງປະຊຸມ, ໄດ້ສະຫລຸບຕີລາຄາການຈັດຕັ້ງປະຕິບັດ ແຜນການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2021 ໂດຍໄດ້ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ, ສາເຫດ, ບົດຮຽນທີ່ຖອດຖອນໄດ້ ແລະ ພ້ອມກັນຄົ້ນຄວ້າປະກອບຄຳຄິດຄຳເຫັນ ເພື່ອວາງທິດທາງແຜນການໃນຕໍ່ໜ້າ. ຜ່ານການຕີລາຄາຄຸນນະພາບ ແລະ ແບ່ງປະເພດໜ່ວຍພັກຈາກ 8 ໜ່ວຍພັກ ສາມາດຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ໄດ້ 8 ໜ່ວຍພັກ ແລະ ຕີລາຄາຄຸນນະພາບແບ່ງປະເພດສະມາຊິກພັກ ທີ່ເປັນສະມາຊິກພັກປະເພດແຂງ 109 ສະຫາຍ, ຍິງ 47 ສະຫາຍ ເທົ່າກັບ 91%, ປະເພດກາງ 13 ສະຫາຍ, ຍິງ 08 ສະຫາຍ ເທົ່າກັບ 8.95%.

ໂອກາດນີ້, ສະຫາຍ ນາງ ສີໃສ ລືເດດມູນສອນ ກໍໄດ້ຍ້ອງຍໍຊົມເຊີຍຕໍ່ຜົນງານການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ພ້ອມກັບມີທິດຊີ້ນຳໃນການປັບປຸງແກ້ໄຂບັນຫາທີ່ຍັງຄົງຄ້າງ ເພື່ອຕອບສະໜອງໄດ້ກັບໜ້າທີ່ການເມືອງໃນໄລຍະໃໝ່ ໂດຍສະເພາະຕ້ອງເຫັນໄດ້ຄວາມສຳຄັນຂອງວຽກງານຈັດຕັ້ງ, ກໍ່ສ້າງພັກ-ພະນັກງານ, ກຳໃຫ້ໄດ້ທ່າແຮງຂອງສະມາຊິກພັກ, ຂໍ້ສະດວກ, ຂໍ້ຫຍຸ້ງຍາກ. ພ້ອມນັ້ນ, ກໍຕ້ອງສົ່ງເສີມພະນັກ ງານຜູ້ທີ່ມີຜົນງານ, ສ່ວນຜູ້ທີ່ຍັງມີຂໍ້ຄົງຄ້າງ ກໍຕ້ອງສືບຕໍ່ຕິດຕາມ, ສຶກສາອົບຮົມເຂົາເຈົ້າດ້ວຍຄວາມຈິງໃຈ, ແກ້ໃຫ້ຖືກຈຸດ, ຫລີກລ່ຽງແນວຄິດອັກຄະຕິ, ກຸ່ມກ້ອນ, ສ້າງຄວາມສາມັກຄີເປັນເອກະພາບພາຍໃນໃຫ້  ໜັກແໜ້ນກວ່າເກົ່າ.

Off

Comments are closed.