21st Apr2022

ປະກາດການຍົກຍ້າຍ,ແຕງຕັ້ງ ນາຍຕຳຫຼວດຂັ້ນນຳພາ-ບັນຊາ ຂອງກອງບັນຊາການ ປກສ ແຂວງສະຫວັນນະເຂດ

by Peaung Thanonkeo

ກອງບັນຊາການ ປກສແຂວງສະຫວັນະເຂດ ປະກາດການຍົກຍ້າຍ ແລະ ແຕ່ງຕັ້ງນາຍຕຳຫຼວດ ຂັ້ນນຳພາບັນຊາ ຂອງກອງບັນຊາການ ປກສ ແຂວງສະຫວັນນະເຂດ ຂຶ້ນໃນວັນທີ 20 ເມສາ 2022 ນີ້ ,ເປັນກຽດເຂົ້າຮ່ວມຂອງທ່ານ ພົຕ ວັນທອງ ກອງມະນີ ຮອງລັດຖະມົນຕີກະຊວງປ້ອງກັນຄວາມສະຫງົບ ຫົວໜ້າກົມໃຫຍ່ການເມືອງ ກະຊວງ ປກສ, ມີທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ,ມີອົງການຈັດຕັ້ງຂັ້ນແຂວງ,ຄະນະຫ້ອງ,ກອງບັນຊາການປກສ 14 ຕົວເມືອງ, 01 ນະຄອນເຂົ້າຮ່ວມ.

ພັອ ສົມພອນ ແກ້ວພູທອນ ຮອງກົມຈັດຕັ້ງກຳລັງປ້ອງກັນຄວາມສະຫງົບ,ໄດ້ຂຶ້ນຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ  ວ່າດ້ວຍການຍົກຍ້າຍ ແລະ ແຕ່ງຕັ້ງນາຍຕຳຫຼວດ ທີ່ຂຶ້ນກັບກອງບັນຊາການ ປກສ ແຂວງສະຫວັນນະເຂດ ຈໍານວນ 26 ທ່ານ ເພື່ອປະຕິບັດໜ້າທີ່ນຳພາ-ບັນຊາຢູ່ບັນດາຫ້ອງຄ້າຍຄຸມຂັງ-ດັດສ້າງ ກອງບັນຊາການເຄື່ອນທີ່ ໂຮຽຮຽນ ປກສ ຊັ້ນສູງ ບໍລິສັດສະຫວັນນະເຂດ ບໍລິການຮັກສາຄວາມປອດໄພ ແລະ ບັນດາກອງບັນຊາການ ປກສ ເມືອງ ເພື່ອປັບປຸງກົງຈັກການຈັດຕັ້ງ ຂັ້ນນຳພາ-ບັນຊາ ແຕ່ລະຂັ້ນໃຫ້ແທດເໝາະກັບຄວາມຮຽກຮ້ອງຕ້ອງການຂອງໜ້າທີ່ການເມືງ

ຈາກນັ້ນ ພົຕ ວັນທອງ ກອງມະນີ ຮອງລັດຖະມົນຕີກະຊວງປ້ອງກັນຄວາມສະຫງົບ,ຍັງໄດ້ເນັ້ນໃຫ້ນາຍຕຳຫຼວດທີ່ໄດ້ຮັບການຍົກຍ້າຍ ແລະ ແຕ່ງຕັ້ງໃນຄັ້ງນີ້ ຈົງເພີມທະວີຍົກສູງສະຕິຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍ,ເປັນແບບຢ່າງໃນການຈັດຕັ້ງປະຕິບັດແນວທາງຂອງພັກ-ລັດ ແລະ ການຊີ້ນຳຂອງຂັ້ນເທິງ ພ້ອມທັງເອົາໃຈໃສ່ກໍ່ສ້າງ-ປັບປຸງກຳລັງ ທີ່ຢູ່ໃນຄວາມຮັບພິຊອບຂອງຕົນ ໃຫ້ມີຄວາມໜັກແໜ້ນແລະເຂັ້ມແຂງ ແລະ ມີແບບແຜນ ວິທີເຮັດວຽກ,ທີ່ທັນສະໄໝ.

Off

Comments are closed.