21st Apr2022

ສໍາເລັດກອງປະຊຸມ ຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 6 ສະ ໄໝທີ VII.

by somda phoneor

ກອງປະຊຸມ ຄົບຄະນະບໍລິຫານງານພັກແຂວງ ໄຊຍະບູລີ ຄັ້ງທີ 6 ສະໄໝທີ VII ໄດ້ສຳເລັດໃນວັນທີ 20 ເມສາ 2022, ທີ່ສະໂມສອນ ຫ້ອງວ່າການແຂວງ, ໂດຍການເປັນປະທານ ຂອງສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີຮອງເລຂາພັກແຂວງ, ປະທານສະພາປະຊາຊົນແຂວງ, ກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກການ, ກົມກອງ, ລັດວິສາຫະກິດອ້ອມຂ້າງແຂວງ, ມີເລຂາພັກເມືອງ, ເຈົ້າເມືອງ 11 ເມືອງເຂົ້າຮ່ວມ.

ຕະຫຼອດການດໍາເນີນກອງປະຊຸມ ບັນດາຜູ້ແທນກອງປະຊຸມແມ່ນໄດ້ພ້ອມກັນຄົ້ນຄວ້າ ແລະ ມີຄໍາເຫັນແລກປ່ຽນບົດຮຽນເຊິ່ງກັນ ແລະ ກັນຢ່າງກົງໄປກົງມາ ພ້ອມທັງໄດ້ຮັບຮອງເອົາບົດສະຫຼຸບການກວດກາ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນປະຈໍາປີ 2021 ແລະ ທິດທາງແຜນການ ກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ສໍາຫຼັບປີ 2022, ຮັບຮອງເອົາແຜນໃນການປັບປຸງກົງຈັກການຈັດຕັ້ງຂັ້ນແຂວງ ແລະຂັ້ນເມືອງ ເພື່ອນໍາສະເໜີຕໍ່ກະຊວງພາຍໃນ ກໍ່ຄືຄະນະປັບປຸງກົງຈັກການຈັດຕັ້ງຂັ້ນສູນກາງ ແລະ ບັນດາຂະແໜງ ການສາຍຕັ້ງຂັ້ນສູນກາງ ເພື່ອພິຈາລະນາຕົກລົງ, ສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ ຍັງໄດ້ເນັ້ນໜັກໃຫ້ຄະນະພັກ, ອໍານາດການປົກຄອງເມືອງເບື້ອງຕາເວັນຕົກ ແລະ ເຈົ້າໜ້າທີ່ກ່ຽວຂ້ອງ ຕ້ອງເພີ່ມທະວີວຽກງານກວດກາ, ຄຸ້ມຄອງການລັກລອບເຂົ້າ-ອອກຂອງພົນລະເມືອງຢ່າງເຂັ້ມງວດ ຮັບປະກັນເຮັດໃຫ້ຊາຍແດນມີຄວາມສະຫງົບປອດໄພ,ຄະນະພັກ,ຄະນະນໍາພະແນກການຕ່າງໆ, ບັນດາເມືອງ ຈົ່ງສືບຕໍ່ຜັນຂະຫຍາຍ 2 ວາລະແຫ່ງຊາດໃຫ້ເປັນຮູບປະທໍາ ແລະ ແຂງແຮງກວ່າເກົ່າ, ຊີ້ນໍາການຜະລິດລະດູປີໃຫ້ບັນລຸແຜນວາງໄວ້, ຊີ້ນໍາການຕ້ານແລ້ງຕ້ານຖ້ວມ, ກະກຽມວຽກງານປູກປ່າ, ກ້າເບ້ຍເຮັດໃຫ້ເນື້ອທີ່ປົກຫຸ້ມຂອງປ່າເພີ່ມຂຶ້ນ, ຊີ້ນໍາການຈັດເກັບລາຍຮັບເຂົ້າງົບປະມານໃຫ້ບັນລຸຕາມຄາດໝາຍ, ຊຸກຍູ້ການຈັດຕັ້ງປະຕິບັດໂຄງການລົງທຶນຂອງລັດທີ່ມີການຫຼ້າຊ້າ, ຊີ້ນໍາວຽກງານການສຶກສາການຮຽນ-ການສອນ, ສືບຕໍ່ສຶກສາອົບຮົມປະຊາຊົນປະຕິບັດມາດຕະການປ້ອງກັນການລະບາດຂອງພະຍາດໂຄວິດ-19 ແລະ ການລະບາດຂອງພະຍາດຕາມລະດູການ.

Off

Comments are closed.