21st Apr2022

ກົມໃຫຍ່ການເມືອງ ສະຫຼຸບວຽກງານກວດກາ ປະຈຳໄຕມາດ I.

by somchan

ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ຈັດກອງປະຊຸມສະຫລຸບວຽກງານກວດກາປະຈຳໄຕມາດ I ແລະ ວາງທິດທາງແຜນການປະຈຳໄຕມາດ II ປີ 2022 ໃນວັນທີ 21 ເມສາ 2022 ນີ້ ໂດຍການເປັນກຽດເຂົ້າຮ່ວມຂອງ ພຈົວ ຄຳສາຍ ຈັນທະວົງ ຄະນະປະຈຳພັກກົມໃຫຍ່ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ມີບັນດາຄະນະພັກ – ຄະນະບັນຊາ ແລະພະນັກງານຫຼັກແຫຼ່ງກົມກອງອ້ອມຂ້າງ ເຂົ້າຮ່ວມ.

ພັອ ນາງວິໄລທອງ ທັງຫນໍ່ເມກ ຄະນະພັກກົມໃຫຍ່ ຫົວຫນ້າຫ້ອງການເມືອງ ກົມໃຫຍ່ການເມືອງ ປກສ ໄດ້ຜ່ານບົດສະຫລຸບຕໍ່ກອງປະຊຸມວ່າ:ໄລຍະຜ່ານມາ ຄະນະພັກແຕ່ລະຂັ້ນໄດ້ຕິດຕາມ, ກວດກາການເຄື່ອນໄຫວຂອງສະມາຊິກພັກ, ພະນັກງານຫຼັກແຫຼ່ງໃນ ການຈັດຕັ້ງປະຕິບັດແນວທາງນະໂຍບາຍຂອງພັກ, ກົດໝາຍຂອງລັດ, ບັນດາມະຕິ, ຄຳສັ່ງຂອງຂັ້ນເທິງຕາມທິດກໍ່ ສ້າງກົມກອງແຂງ-ໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ການເຄື່ອນໄຫວຂອງສະມາຊິກພັກ, ນາຍ ແລະ ພົນຕຳຫຼວດ ແຕ່ລະວັນ, ອາທິດ ແລະ ເດືອນ ເປັນປົກກະຕິ ເຮັດໃຫ້ພາຍໃນມີຄວາມສະຫງົບ, ມີຄວາມສາມັກຄີ ຢ່າງແໜ້ນແຟ້ນ. ປະຕິບັດຫຼັກການລວມສູນປະຊາທິປະໄຕສຽງສ່ວນໜ້ອຍຂື້ນກັບສຽງສ່ວນຫຼາຍ ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ, ມີແບບແຜນວິທີເຮັດວຽກລະອຽດຈະແຈ້ງ, ໄດ້ວາງ ແຜນການ, ກຳນົດເວລາ, ສະຫຼຸບຖອດຖອນບົດຮຽນໃນແຕ່ລະວຽກ ແລະ ພ້ອມກັນເຮັດສຳເລັດໜ້າທີ່ຕາມການ ມອບໝາຍ.

ຕິດຕາມ, ກວດກາການເງິນຂອງພັກແມ່ນປະຕິບັດຕາມກົດລະບຽບພັກປະຊາຊົນປະຕິວັດລາວ, ການນຳ ໃຊ້ເງິນຂອງພັກແມ່ນຮັບໃຊ້ສະເພາະແຕ່ການເຄື່ອນໄຫວວຽກງານຂອງພັກ, ມີການຕິດຕາມ, ກວດກາລາຍຮັບ-ລາຍ ເປັນປົກກະຕິ.ຕິດຕາມ ກວດກາສະມາຊິກພັກຢູ່ບັນດາຮາກຖານພັກ ອ້ອມຂ້າງກົມໃຫຍ່ການເມືອງ ປກສ ເມື່ອມີການ ລະເມີດກົດລະບຽບພັກ, ລະບຽບວິໄນຂອງກຳລັງ, ບັນດາຂໍ້ຫ້າມສຳລັບສະມາຊິກພັກ ໄດ້ມີການສຶກສາອົບຮົມກ່າວ ເຕືອນ, ສຳຫຼວດກວດກາກໍ່ສ້າງຊ່ວຍເຫຼືອເຊິ່ງກັນ ແລະ ກັນ ພ້ອມກັນແກ້ໄຂຈຸດອ່ອນບັນຫາທີ່ຍັງຄົງຄ້າງ,ຖ້າມີຄວາມຜິດຮ້າຍແຮງແມ່ນປະຕິບັດວິໄນໄລ່ອອກພັກ,ປະຕິບັດວິໄນໄລ່ອອກຈາກກຳລັງ ໄດ້ຈັດຕັ້ງຜັນຂະຫຍາຍດຳລັດ ວ່າດ້ວຍການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນ ແລະ ຄຳສັ່ງແນະນໍາຂອງກະຊວງປ້ອງກັນຄວາມສະຫງົບ ວ່າດ້ວຍການແຈ້ງຊັບສິນ ແລະ ລາຍຮັບ ຂອງນາຍ ແລະ ພົນຕຳຫຼວດ ຢູ່ໃນ ກຳລັງປ້ອງກັນຄວາມສະຫງົບໃຫ້ຖືກຕ້ອງ ແລະ ທັນເວລາຕາມກົມກວດກາ-ກວດການ ທີ່ໄດ້ກຳນົດຄື: ຕິດຕາມ ກວດກາລາຍຮັບ-ລາຍຈ່າຍ ແລະ ງົບປະມານເງິນເດືອນ, ລົງຕິດຕາມກວດກາໂຄງການບຸກເບີກປ່າ, ໂຄງການກໍ່ສ້າງ ຮ້ານສະດວກຊື້, ລ້ຽງໄກ່ພັນໄຂ່ ແລະ ໂຄງການກໍ່ສ້າງຕ່າງໆ ຂອງກົມໃຫຍ່ການເມືອງ ຈຳນວນ 03 ໂຄງການ, ເຮັດ ບົດສະຫຼຸບປະຈຳເດືອນ ຈຳນວນ 03 ບົດ, ກວດກາການແຈ້ງຊັບສິນ ແລະ ລາຍຮັບ ຂອງນາຍ ແລະ ພົນຕຳຫຼວດ ອ້ອມຂ້າງກົມໃຫຍ່ການເມືອງ ປກສ, ຈຳນວນເອກະສານ 1.738 ສະບັບ. ໄດ້ຄົ້ນຄວ້າ ແລະ ປັບປຸງກົງຈັກການຈັດຕັ້ງ ໃນແຕ່ລະໄລຍະ ຕາມຄວາມຮຽກຮ້ອງຕ້ອງການ ຂອງໜ້າທີ່ວຽກງານວິຊາສະເພາະຕາມຄວາມເປັນຈິງ ແລະ ປະກອບບຸກຄະລາກອນຢູ່ບັນດາຮາກຖານພັກເປັນລະບົບຄົບຊຸດ ຕາມພາລະບົດບາດ, ສິດ ແລະ ໜ້າທີ່ໃນການເຄື່ອນໄຫວຂອງບັນດາຮາກຖານພັກ ແມ່ນປະຕິບັດຕາມນິຕິກໍາຂອງ ກົມກອງຕົນ ແລະ ພະນັກງານຜູ້ທີ່ເຮັດວຽກງານກວດກາພັກຢູ່ບັນດາຮາກຖານພັກ-ໜ່ວຍພັກ ແມ່ນພຽງພໍກັບ ຄວາມຮຽກຮ້ອງຕ້ອງການກັບໜ້າທີ່ການເມືອງ,ສືບຕໍ່ກໍ່ສ້າງຂະຫຍາຍສະມາຊິກພັກ 3 ເດືອນຜ່ານມາຂະຫຍາຍສະມາຊິກພັກສຳຮອງໄດ້44ສະຫາຍ,ສຳຮອງເລື່ອນສົມບູນ13 ສະຫາຍ.

ໃນກອງປະຊຸມບັນດາຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫລຸບເພື່ອໃຫ້ມີເນື້ອໃນຄົບຖ້ວນສົມບູນ ແລະ ພ້ອມກັນກຳນົດທິດທາງແຜນການທີ່ຈະຕ້ອງໄດ້ຈັດຕັ້ງປະຕິບັດປະຈຳໄຕມາດ II  ພ້ອມທັງຮັບທັງຄຳເຫັນໂອ້ລົມຂອງ ພົນຈັດຕະວາ ຄຳສາຍ ຈັນທະວົງ ຄະນະປະຈຳພັກກົມໃຫຍ່ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫງົບຕື່ມອີກ.

Off

Comments are closed.