21st Apr2022

ໄຟໄຫມ້ເຮືອນຢູ່ບ້ານທົ່ງສ້າງນາງ ເສຍຫາຍຫຼາຍສົມຄວນ.

by somda phoneor

ໃນເວລາ 00 ໂມງ 30 ນາທີ ຂອງວັນທີ 21 ເມສາ 2022, ພະແນກຕຳຫຼວດສະກັດກັ້ນ ແລະ ຕ້ານອີກຄີໄພ ນະຄອນຫຼວງວຽງຈັນ, ໄດ້ຮັບແຈ້ງທາງ ໂທລະສັບ ເກີດເຫດການໄຟໄໝ້ ເຮືອນຕັ້ງຢູ່ບ້ານ ທົ່ງສ້າງນາງ ໜ່ວຍ 25 ເມືອງ ຈັນທະບູລີນະຄອນຫຼວງວຽງຈັນ.

ເມື່ອໄດ້ຮັບແຈ້ງພະແນກ ຕຳຫຼວດສະກັດກັ້ນ ແລະ ຕ້ານອັກຄີໄພ ໄດ້ກຽມພ້ອມພາຫະນະ ແລະ ກຳລັງພົນອອກໄປຫາຈຸດເກີດເຫດໂດຍໃຊ້ລົດມອດໄຟ ຈໍານວນ 2 ຄັນ ພະນັກງານ 12 ສະຫາຍ ໃຊ້ເວລາມອດ 2 ຊົ່ວໂມງ ຈຶ່ງສາມາດດັບມອດໄຟໄດ້.

ເຮືອນຫຼັງດັ່ງກ່າວ ເປັນເຮືອນ ຂອງ ນາງ ຕາລີ ສີສົມຫວັງ ອາຍຸ 60 ປີ,  ເປັນເຮືອນສອງຊັ້ນ ຊັ້ນລຸ່ມກໍ່ດ້ວຍຊີມັງ, ຊັ້ນສອງແອ້ມດ້ວຍໄມ້ແປ້ນ ມຸງດ້ວຍສັງກະສີ ຖືກໄໝ້ໝົດ, ລົດໃຫຍ່ 3 ຄົນ, ລົດຮຸ່ນໄດ ກັບ ລົດເກັງ 2 ຄັນ, ລົດຈັກ ສະກຸບປີ້ 1 ຄັນ, ລົດຈັກ ເວບ 100 ຈໍານວນ 1 ຄັນ ຖືກ   ໄໝ້ໝົດ. ມູນຄ່າເສຍຫາຍ ຍັງຢູ່ໃນການປະເມີນ.

ສາເຫດທີ່ພາໃຫ້ເກີດອັກຄີໄຟໃນຄັ້ງນີ້ ຍ້ອນເກີດຈາກໄຟຟ້າລັດວົງຈອນ(ໄຟຟ້າຊ໋ອດ) ຢູ່ເທິງເພດານຊັ້ນສອງຈຶ່ງເປັນສາເຫດຂອງການໄໝ້ໃນຄັ້ງນີ້.

Off

Comments are closed.