21st Apr2022

ກອງປະຊຸມສຳມະນາລະດົມ ຄວາມຄິດເຫັນປະກອບໃສ່ຮ່າງຄົ້ນຄວ້າສະບັບຫຍໍ້.

by somda phoneor

ຕອນເຊົ້າວັນທີ 21 ເມສາ 2022; ສະພາທິດສະດີສູນກາງພັກໄດ້ຈັດກອງປະຊຸມສຳມະນາລະດົມ ຄວາມຄິດເຫັນປະກອບໃສ່ຮ່າງຄົ້ນຄວ້າສະບັບຫຍໍ້ ໃນຫົວຂໍ້ “ການຄົ້ນຄວ້າທິດສະດີ ແລະ ສະຫຼຸບພຶດຕິ ກຳໃຫ້ແກ່ການສ້າງປະຖົມປັດໄຈ ເພື່ອກ້າວເດີນສູ່ຈຸດໝາຍສັງຄົມນິຍົມ” ທີ່ຫ້ອງປະຊຸມໃຫຍ່ຄະນະໂຄສະນາອົບຮົມສູນກາງພັກ ໂດຍການເປັນປະທານຂອງ ທ່ານ ປອ ຄຳພັນ ເຜີຍຍະວົງ ເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ມີຄະນະປະຈຳສະພາທິດສະດີສູນກາງພັກ, ສະມາຊິກສະພາທິດສະດີສູນກາງພັກ; ບັນດາຫົວໜ້າຄະນະຮັບຜິດຊອບຄົ້ນຄວ້າໃນ ຂົງເຂດຕ່າງໆ; ຫ້ອງການສະພາທິດສະດີສູນກາງພັກ ແລະ ກອງເລຂາຊ່ວຍວຽກດ້ານເນື້ອໃນເຂົ້າຮ່ວມ.

ໃນກອງປະຊຸມທ່ານ ປອ.ດາວສະຫວັນ ເຄືອມີໄຊ ຫົວໜ້າສູນຄົ້ນຄວ້າແນວຄິດໄກສອນ ພົມວິຫານ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ລາຍງານໂດຍສັງເຂບກ່ຽວກັບເນື້ອໃນບົດ ຄົ້ນຄວ້າທິດສະດີ ແລະສະຫຼຸບພຶດຕິກຳໃຫ້ແກ່ການສ້າງປະຖົມປັດໄຈ ເພື່ອກ້າວເດີນສູ່ຈຸດໝາຍສັງຄົມນິຍົມ (ສະບັບຫຍໍ້) ຕໍ່ກອງປະຊຸມ ໂດຍຍົກໃຫ້ເຫັນພື້ນຖານທິດສະດີ ແລະພຶດຕິກໍາກ່ຽວກັບການສ້າງບັນດາປັດໃຈເພື່ອກ້າວເດີນສຸຈຸດໝາຍສັງຄົມນິຍົມ; ຂະບວນວິວັດແຫ່ງການກໍາເນີດ ແລະສ້າງບັນດາປັດໄຈ, ການສືບຕໍ່ສ້າງປັດໄຈໃຫ້ແກ່ການກ້າວເດີນສູ່ຈຸດໝາຍສັງຄົມນິຍົມ ຢູ່ປະເທດເຮົາ.

ພ້ອມດຽວກັນນັ້ນ, ປະທານກອງປະຊຸມໄດ້ມີຄໍາຖາມເຈາະຈີ້ມໃນບາງບັນຫາທີ່ຍັງບໍ່ທັນເລິກເຊິ່ງ ເພື່ອສົນທະນາແລກປ່ຽນຄຳຄິດເຫັນກັບຜູ້ເຂົ້າຮ່ວມກອງປະຊຸມ, ພ້ອມທັງໄດ້ຊີ້ນຳການປະກອບຄຳເຫັນໃຫ້ ມີລັກສະນະວິທະຍາສາດ ເພື່ອຮັບໃຊ້ໃຫ້ແກ່ການປັບປຸງເນື້ອໃນບົດຄົ້ນຄວ້າໃຫ້ມີຄຸນນະພາບດີຂຶ້ນກວ່າເກົ່າ ແລະສອດຄ່ອງກັບສະພາບຄວາມເປັນຈິງໃນປັດຈຸບັນ.

ໃນໂອກາດນີ້, ທ່ານ ປອ ຄຳພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາ ອົບຮົມສູນກາງພັກປະທານສະພາທິດສະດີສູນກາງພັກ ໄດ້ຕີລາຄາສູງຕໍ່ຄະນະຮັບຜິດຊອບການຄົ້ນຄວ້າໃນ ຂົງເຂດຕ່າງໆທີ່ໄດ້ເປັນເຈົ້າການໃນການຄົ້ນຄວ້າ-ຂຽນຮາງສະບັບເບື້ອງຕົ້ນ, ຊົມເຊີຍກອງເລຂາດ້ານເນື້ອໃນທີ່ເປັນເຈົ້າການສັງລວມປັບປຸງເນື້ອໃນ, ສ້າງເປັນສະບັບຮ່າງ ແລະສະບັບສັງລວມຫຍໍ້ທີ່ມີເນື້ອໃນຈະແຈ້ງຂຶ້ນຕື່ມ.

 

ພ້ອມນີ້ທ່ານຍັງໄດ້ໃຫ້ທິດຊີ້ນໍາຄະນະຮັບຜິດຊອບດ້ານເນື້ອໃນສຸມໃສ່ປັບປຸງຮາງເນື້ອໃນບົດຄົ້ນຄວ້າ ແລະນຳເອົາຮາງເນື້ອໃນບົດຄົ້ນຄວ້າດັ່ງກ່າວລົງທາບທາມຄຳຄິດເຫັນຢູ່ຂັ້ນສູນກາງ ແລະທ້ອງຖິ່ນ ເພື່ອເຮັດໃຫ້ການປັບປຸງເນື້ອໃນ ແລະ ຂໍ້ມູນຕ່າງໆໄດ້ມີວິທະຍາສາດ, ສອດຄ່ອງກັບຕົວຈິງ ແລະນໍາໄປສະເໜີໃນກອງປະຊຸມສູນກາງໃນຄັ້ງຕໍ່ໄປ.

Off

Comments are closed.