21st Apr2022

ເຈົ້າໜ້າທີ່ຕຳຫຼວດ ປກສ ເມືອງໄຊທານີ ມ້າງກຸ່ມເປົ້າໝາຍຄ້າຂາຍຢາເສບຕິດ ຍືດຢາບ້າໄດ້ ສີ່ແສນກ່ວາເມັດ.

by Peaung Thanonkeo

ພັທ ສຸລິວັນ ແກ້ວມະນີວົງ ຮອງຫົວໜ້າກອງບັນຊາການ ປ້ອງກັນຄວາມສະຫງົບ ເມືອງໄຊທານີ ນະຄອນຫຼວງວຽງຈັນ ໄດ້ຖະແຫຼ່ງຂ່າວຕໍ່ສື່ມວນຊົນ ປ້ອງກັນຄວາມສະຫງົບ ໃນວັນທີ 21 ເມສາ 2022 ນີ້ວ່າ:

ໂດຍຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ເມືຶອງໄຊທານີ ນະຫຼວງວຽງຈັນ ໃຫ້ນັບມື້ລຸດນ້ອຍຖອຍລົງ ແລະ ບັນລຸຕາມຈຸດປະສົງຄາດໝາຍ ທີ່ພັກ-ລັດຖະບານໄດ້ວາງໄວ້ ໃນວັນທີ 16 ເມສາ 2022 ນີ້ ເຈົ້າໜ້າທີ່ໜ່ວຍງານວິຊາສະເພາະ ກອງບັນຊາການ ປກສ ເມືອງໄຊທານີ ໄດ້ລົງມ້າງເປົ້າໝາຍຄ້າ-ຂາຍຢາເສບຕິດ ຢູ່ເຂດ ບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ ສາມາດຈັບຕົວຜູ້ຖືກຫາໄດ້ 3 ຄົນ ພ້ອມຂອງກາງຢາບ້າ 465 ເມັດ ຢາໄອ 1 ຖົງ ລົດຈັກ 3 ຄັນ ຊື່ຜູ້ຖືກຫາມີຄື: ທ້າວ ພຸດທະວີ ຫຼື ຕອມ ອາຍຸ 31 ປີ ທ້າວ ດ໋ອງ ອາຍຸ 38 ປີ ທັງສອງຢູ່ ບ້ານຕານມີໄຊ ເມືອງໄຊທານີ ແລະ ນາງສາຍສະຫວາດ ອາຍຸ 18 ປີ ຢູ່ບ້ານໂຊກນ້ອຍ ເມືອງໄຊເສດຖາ ນະຄອນຫຼວງວຽງຈັນ ຈາກນັ້ນເຈົ້າໜ້າທີ່ຕຳຫຼວດກໍ່ໄດ້ສືບສວນ-ສອບສວນ ພວກກ່ຽວທັງສາມ ໄດ້ຮັບສາລະພາບວ່າ: ຢາເສບຕິດທີ່ເຈົ້າໜ້າທີ່ກວດຄົ້ນ ແລະ ພົບເຫັນນັ້ນແມ່ນຂອງພວກກ່ຽວແທ້ ພ້ອມນີ້ກໍ່ໄດ້ຊັກທອດຫາກຸ່ມແກ້ງ ພັກພວກພວກອີກຫຼາຍຄົນ ແລະ ໃນວັນດຽວກັນນີ້ເຈົ້າໜ້າທີ່ຕຳຫຼວດ ໜ່ວຍງານສະເພາະກິດກໍ່ໄດ້ ສືບຕໍ່ຂະຫຍາຍຜົນ ຕາມການຊັກທອດ ສາມາດກັກຕົວຜູ້ຄ້າ-ຂາຍຢາເສບຕິດໄດ້ເພີມ 5 ຄົນ

ຄື: ທ້າວ ເອຍເຮີ ອາຍຸ 25 ປີ ພັກເຊົາຢູ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ຍຶດຂອງກາງຢາບ້າໄດ້ 229,000 ເມັດ, ຢາໄອ 4 ຖົງ ໃຫ່ຍ ແລະ 1 ຖົງນ້ອຍ, ປື້ນສັນ 1 ກະບອກ ພ້ອມດ້ວຍລູກ 7 ລູກ, ເງີນບາດ 40,000 ບາດ ,ເງີນກິບ 1 ລ້ານກ່ວາກິບ,ທ້າວ ອາຍຸຊາ ຫຼື ແຫຼມ ອາຍຸ 27 ປີ ຢູ່ ບ້ານຫົວຊຽງ ເມືອງ ໄຊທານີ ນະຄອນຫຼວງວຽງຈັນ ກັກຕົວໄດ້ພ້ອມຢາບ້າ 228,000 ເມັດ, ທ້າວ ກູ່ຢາງ ອາຍຸ 28 ປີ ພັກເຊົາຢູ່ບ້ານໄຊສະຫວ່າງ ເມືອງໄຊທານີ ນະຄອນຫຼວງວຽງຈັນ ກັກຕົວໄດ້ພ້ອມຢາບ້າ 14,000 ເມັດ, ຢາໄອ 2 ຖົງໃຫ່ຍ ເງີນບາດ 28,000 ບາດ ສາຍແຂນສີເຫຼືອງຄ້າຍຄືຄຳ 1 ເສັ້ນ ລົດໃຫ່ຍ 1 ຄັນ  ແລະ ທ້າວ ພູວົງ ອາຍຸ 20 ປີ ຢູ່ບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນ ກັກຕົວພ້ອມຂອງກາງເຮໂລອິນ 1 ຖົງນ້ອຍ ລົດໃຫ່ຍ 1 ຄັນ ແລະ ພ້ອມທັງກັກຕົວຜູ້ມົ້ວສຸມຢາເສບຕິດ ໄດ້ອິກຕື່ມຈຳນວນໜື່ງ ເຊີ່ງບາງເນື້ອໃນຖະແຫຼງຂ່າວ ທ່ານໄດ້ກ່າວວ່າ:

Off

Comments are closed.