25th Apr2022

ໂຮງຮຽນປ້ອງກັນຄວາມສະຫງົບຊັ້ນຕົ້ນ ກົມໃຫຍ່ຕໍາຫຼວດເປີດຊຸດຮຽນສົກຮຽນປີ 2022-2023 ຂອງຂະແໜງຕໍາຫຼວດຈະລາຈອນ ຮຸ່ນທີ 7.

by somda phoneor

ໂຮງຮຽນປ້ອງກັນຄວາມສະຫງົບຊັ້ນຕົ້ນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ,ທີ່ຕັ້ງຢູ່ບ້ານໄຮ່ປາກງື່ມ,ເມືອງປາກງື່ມ,ນະຄອນຫຼວງວຽງຈັນ,ເປີດຊຸດຮຽນສົກປີ 2022-2023 ຂອງຂະແໜງ ຕໍາ ຫຼວດຈະລາຈອນ ຮຸ່ນທີ 7,ໃນວັນທີ 22 ເມສາ 2022ນີ້ໂດຍການໃຫ້ກຽດເຂົ້າຮ່ວມຂອງ ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ,ຫົວໜ້າກົມໃຫ່ຍຕໍາຫຼວດ,ມີບັນດາຫົວໜ້າກົມ-ຮກົມ,ຫົວໜ້າອໍານວຍການ,ຄູອາຈານ,ແຈກຖືກເຊີນແລະນັກຮຽນເຂົ້າຮ່ວມ.

ພັທ ພູຂັນ ໄຊຍະສິດ ອໍານວຍການໂຮງຮຽນປ້ອງກັນຄວາມສະຫງົບຊັນຕົ້ນ ກົມໃຫ່ຍຕໍາຫຼວດ,ໄດ້ແຜນການຮຽນ-ການສອນຂອງໂຮງຮຽນ ປກສ ຊັ້ນຕົ້ນ ກົມໃຫຍ່ຕໍາຫຼວດ ສົກຮຽນປີ 2022-2023 ຂອງຂະແໜງ ຕໍາຫຼວດຈະລາຈອນ,ທ່ານໄດ້ຍົກໃຫ້ເຫັນວ່າ: ເພື່ອຜັນຂະຫຍາຍແຜນຍຸດທະສາດການປັບປຸງ-ກໍ່ສ້າງກໍາລັງປ້ອງກັນຄວາມສະຫງົບ ແລະ ເນື້ອໃນຈິດໃຈຂອງ ກອງປະຊຸມໃຫຍ່ຄັ້ງVI ຂອງອົງຄະນະພັກກົມໃຫຍ່ຕໍາຫຼວດວາງອອກໃຫ້ປະກົດຜົນເປັນຈິງ, ເພື່ອກໍ່ສ້າງກໍາລັງວິຊາສະ ເພາະຕໍາຫຼວດ ໃຫ້ຮັບປະກັນທາງດ້ານປະລິມານ ແລະຄຸນນະພາບ, ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງ ທາງດ້ານການຈັດຕັ້ງ,ຊໍານິຊໍານານດ້ານວຽກງານວິຊາສະເພາະ, ມີຄຸນສົມບັດສິນທໍາປະຕິວັດ, ມີຈັນຍາບັນ-ຈັນຍາທໍາ, ມີຄວາມຮູ້ຄວາມສາມາດດ້ານຕ່າງໆ ສົມຄູ່ກັບໜ້າທີ່ວຽກງານທີ່ໄດ້ຮັບການມອບຫມາຍ ທັງສອດຄ່ອງກັບເນື້ອໃນຈິດໃຈ ມະຕິກອງປະຊຸມໃຫ່ຍຄັ້ງທີ XI ຂອງສູນກາງພັກ ກໍ່ໄດ້ຢືນຢັນ ແລະ ເນັ້ນໜັກກ່ຽວກັບການພັດທະນາບຸກຄະລາກອນ ເຊິ່ງກໍານົດໄວ້ໃນບາດກ້າວບຸກທະລຸ ທີ 2 ຄື: ບຸກທະລຸຢ່າງແຂງແຮງດ້ານຊັບພະຍາກອນມະນຸດ,ເຊິ່ງຈຸດປະສົງ ແລະ ລະດັບຄາດໝາຍກໍເພື່ອກໍ່ສ້າງ ແລະ ພັດທະນາບຸກຄະລາກອນເລົ່າລົບວິຊາສະເພາະຕໍາຫຼວດ ໂດຍສະເພາະຂະແໜງດັ່ງກ່າວນີ້ ໃຫ້ມີຄຸນນະທໍາ,ຈາລິຍະທໍາ,ມີວິໃນເຂັ້ມງວດ,ມີວິຊາສະເພາະທີ່ແຫຼມຄົມ,ໃຫ້ຮັກອາຊີບ,ມີບຸກຄະລິກກະພາບ ແລະມີມະນຸດສໍາພັນທີ່ດີ,ມີຄວາມຮູ້ຄວາມສາມາດດ້ານວິຊາສະເພາະເພື່ອ ສະກັດກັ້ນຕ້ານ ແລະ ແກ້ໄຂປະກົດການ ຫຍໍ້ທໍ້,ຮັບປະກັນຄວາມສະຫງົບ,ຄວາມເປັນລະບຽບຮຽບຮ້ອຍໃນສັງຄົມກໍ່ຄື: ການຮັບໃຊ້ປ້ອງກັນກອງປະຊຸມລະດັບຊາດ,ລະດັບສາກົນ ແລະ ງານສໍາຄັນຂອງຊາດໃຫ້ມີຄວາມປອດໄພ100%,ເພື່ອສ້າງເງື່ອນໄຂໃຫ້ນັກຮຽນທີ່ຮຽນຈົບຂະແໜງ ການຫຼັກສູດນີ້ ສາມາດຍົກລະດັບໃນຂັ້ນຕໍ່ໄປ,ພ້ອມທັງກໍາແຫນ້ນພື້ນຖານທິດສະດີການເມືອງ, ກົດ  ໝາຍ, ວິຊາສະເພາະສາມາດໝູນໃຊ້ເຂົ້າໃນພຶດຕິກໍາຕົວຈິງ,

ສໍາລັບເນື້ອໃນໂຄງການສ້າງຫຼັກສູດກໍ່ສ້າງວິຊາສະເພາະຊັ້ນຕົ້ນ ຂະແໜງ ຕໍາຫຼວດຈະລາຈອນ ແມ່ນໃຊ້ໄລຍະເວລາຮຽນ 01 ປີ, ປະກອບມີ 03 ໝວດວິຊາຮຽນຄື: ໝວດວິຊາຄວາມຮູ້ທົ່ວໄປ ມີ: 05 ວິຊາ,19 ວັນ, 133 ຊົ່ວໂມງ, ໝວດວິຊາພື້ນຖານວິຊາສະເພາະ ມີ: 13 ວິຊາ, ໝວດວິຊາສະເພາະຂະ      ແໜງການ ມີ: 18 ວິຊາ, ຮຽນຕົວຈິງ ມີ: 114 ວັນ, ຝຶກງານພາຍນອກ ມີ: 22 ວັນ, ຄົ້ນຄ້ວາ ແລະ ສອບເສັງຈົບຫຼັກສູດ 15 ວັນ, ເຊິ່ງມີຈໍານວນພົນນັກຮຽນທັງໝົດ 150 ສະຫາຍ.

ໃນໂອກາດນີ້ ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ, ຫົວໜ້າກົມໃຫ່ຍຕໍາຫຼວດ, ໄດ້ມີຄໍາເຫັນໂອ້ລົມໃຫ້ທິດເຍືອງທາງຕໍ່ຄະນະພັກ, ຄະນະອໍານວຍການ,ຄູ-ອາຈານ ແລະ ນັກຮຽນພົນຕໍາຫຼວດ ເອົາໃຈໃສ່ໃນການຈັດຕັ້ງປະຕິບັດຫຼັກສູດການຮຽນການສອນ ແລະ ຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ,ໃນການຮັບໃຊ້ປະເທດຊາດ, ຮັບໃຊ້ປະຊາຊົນ.

Off

Comments are closed.