25th Apr2022

ໂຮງຮຽນ ປກສ ຊັ້ນສູງເລກ 03 ແຂວງສະຫວັນນະເຂດ ຝຶກອົບຮົມວຽກງານວິຊາສະເພາະຕຳຫຼວດຂັ້ນພື້ນຖານ.

by Peaung Thanonkeo

ໂຮງຮຽນ ປກສ ຊັ້ນສູງເລກ 03 ແຂວງສະຫວັນນະເຂດ ຈັດຊຸດຝຶກອົບຮົບ ວຽກງານວິຊາສະເພາະຕຳຫຼວດຂັ້ນພື້ນຖານ ຂຶ້ນໃນວັນທີ 25 ເມສາ 2022 ນີ້  ໃຫ້ກຽດເຂົ້າຮ່ວມ ເປັນປະທານຂອງ ພັອ ຄຳແກ້ວ ມາໂນລາ ຫົວໜ້າກົມຕຳຫຼວດສຶບຂ່າວອາຍາ ກົມໃຫ່ຍຕຳຫຼວ ກະຊວງປ້ອງກັນຄວາມສະຫງົບ, ພັທ ມິ່ງແກ້ວ ວົງຄຳພາ ຫົວໜ້າໂຮງຮຽນ ປກສ ຊັ້ນສູງເລກ 03, ມີຄະນະຫ້ອງການເມືອງ ປກສ ແຂວງ,ບັນດາຫ້ອງ,ກອງພັນ, ປກສ ນະຄອນໄກສອນພົມວິຫານ,ພ້ອມດ້ວຍພະນັກງານ-ຄູ ແລະ ນັກສຳມະນາກອນເຂົ້າຮ່ວມ.

ນັກສໍາມະນາກອນທີ່ເຂົ້າຮ່ວມຝຶກອົບຮົມໃນຄັ້ງນີ້ ມີທັງໝົດ 36 ສະຫາຍ,ທີ່ມາຈາກ 08 ແຂວງຄື:ກອງບັນຊາການ ປກສ ແຂວງໄຊສົມບູນ, ບໍລິຄຳໄຊ, ຄຳມວ່ນ, ສະຫວັນນະເຂດ, ສະລະວັນ, ຈໍາປາສັກ, ອັດຕະປື ແລະ ກອງບັນຊາການ ປກສ ແຂວງເຊກອງ, ຈຸດປະສົງການຝຶກອົບຮົມໃນຊຸດນີ້  ກໍ່ເພື່ອເປັນການແນະນຳບົດສອນ, ການຂຽນແບບຟອມສະທິຕິ,ຂໍ້ຕົກລົງ,ບົດລາຍງານ,ໜັງສືສະເໜີ ແລະຮ່າງເອກະສານທີ່ສຳຄັນອື່ນໆໃຫ້ຖືກຕາມຂັ້ນຕອນ ທີ່ນຳໃຊ້ເຂົ້າໃນວຽກງານວິຊາສະເພາະ ຕຳຫຼວດ, ແລະ ເຮັດໃຫ້ກຳລັງຕຳຫຼວດມີການປະກອບສ່ວນຢ່າງຕັ້ງໜ້າມີຄວາມເຕີບໃຫ່ຍເຂັ້ມແຂງ,ທາງດ້ານວຽກງານວິຊາສະເພາະ,ປະຕິບັດໜ້າທີ່ວຽກງານໃຫ້ມີຄຸນນະພາບ ແລະ ມີປະສິດທິຜົນ,ເພື່ອຕອບສະໜອງກັບຄວາມຮຽກຮ້ອງຕ້ອງ ການຂອງວຽກງານວິຊາສະເພາະໃນໄລຍະໃໝ່,ຫັນເອົາກຳລັງວິຊາສະເພາະເຂົ້າສູ່ລະບົບ,ມີລະບຽບແບບ ແຜນທັນສະໄໝ ເຊິ່ງການຝຶກອົບອົບວຽກງານວິຊາສະເພາະຕຳຫຼວດໃນຊຸດນີ້ ໄດ້ກຳນົດເວລາ 05 ວັນ

Off

Comments are closed.