27th Apr2022

ປກສ ແຂວງໄຊສົມບູນ ຈັບຜູ້ຄ້າ-ຂາຍຢາບ້າ 2 ຄອບຄົວລວມຂອງກາງ ຢາບ້າ 48.173 ເມັດ.

by somda phoneor

ວັນທີ 30 ມີນາ 2022  ເຈົ້າໜ້າທີ່ ກອງບັນຊາການ ປກສ ເມືອງ ລ້ອງຊານ,  ຮ່ວມກັບ ກອງບັນຊາການ ປກສ ແຂວງໄຊສົມບູນ ໄດ້ລົງກວດຄົ້ນເຮືອນຂອງເປົ້າໝາຍ ສົງໄສເຄື່ອນໄຫວຄ້າ-ຂາຍຢາເສບຕິດປະເພດຢາບ້າຈຳນວນ 2 ຫຼັງ ສາມາດຈັບຜູ້ຖືກຫາ 8 ຄົນ ພ້ອມຢາບ້າ 48.000 ກວ່າເມັດ ພ້ອມດ້ວຍອາວຸດເສິກຈຳນວນໜຶ່ງ.

ເຈົ້ານຫນ້າທີ່ ປກສ ແຂວງໄຊສົມບູນ ໃຫ້ຂໍ້ມູນ ໃນວັນທີ  25 ເມສາ 2022 ວ່າ: ປກສ ເມືອງ ແລະ ແຂວງ ໄດ້ນຳກຳລັງ ເຂົ້າກວດຄົ້ນເຮືອນ ຂອງທ້າວ ສີຢ່າງ ອາຍຸ 60 ປີ ປະຊາຊົນຢູ່ບ້ານເມືອງຫຼົງ ເມືອງອະນຸວົງ, ແຂວງໄຊສົມບູນ ພົບເຫັນຂອງກາງ ຢາບ້າ 173 ເມັດ, ເງິນ 80.000 ກີບ  ປືນແກ໋ນ 1 ກະບອກພ້ອມດ້ວຍອຸປະກອນເສບຢາບ້າ ແລະ ຢາຝິ່ນຈໍານວນໜຶ່ງ. ພ້ອມທັງກັກຕົວບຸກຄົນຢູ່ໃນເຮືອນ ຊື່ ທ້າວ ນຸຢ່າງ ອາຍຸ  25 ປີ, ນາງ ວາກົງ ອາຍຸ 48 ປີ ແລະ ນາງ ໄລ ຕາວະ ອາຍຸ 26 ປີ ເຊິ່ງພວກກ່ຽວເປັນຄອບຄົວດຽວກັນ ແລະ ຮ່ວມກັນກະທຳຜິດ.

ຈາກນັ້ນທາງເຈົ້າໜ້າທີ່ ຍັງໄດ້ກວດຄົ້ນເຮືອນເປົ້າໝາຍທີ 2 ຄືເຮືອນຂອງທ້າວ ສໍເຈຍຢ່າງ ອາຍຸ 52 ປີ ປະຊາຊົນບ້ານເມືອງຫຼົງ, ເມືອງ ລ້ອງຊານ, ແຂວງໄຊສົມບູນ ກວດພົບເຫັນຢາບ້າຈຳນວນ 8 ແທ່ງ ເທົ່າກັບ 48,000 ເມັດ , ເງິນ 16.000 000 ກີບ, ໂທລະສັບ 03 ເຄື່ອງ, ລູກປືນ AK 24 ລູກ, ບັງປືນ AK 2  ບັງ, ປືນດັດແປງ 6 ກະບອກ, ປືນລົມ 01 ກະບອກ, ລະເບີດ 2 ໜ່ວຍ, ແກັບໝາກຝ່າ 8 ດອກ, ພອ້ມທັງກັກຕົວຄົນໃນຄອບຄົວທີ່ຮ່ວມກັນກະທຳຜິດຊື່ນາງ ຊົ່ງວ່າງ ອາຍຸ 52 ປີ, ທ້າວ ໄລຢ່າງ ອາຍຸ 28 ປີ, ແລະ ທ້າວ ນ້ອຍ ອາຍຸ 22 ປີ.

ຜ່ານການສືບສວນ-ສອບສວນຂອງເຈົ້າໜ້າທີ່ ພວກຜູ້ກ່ຽວທັງ 8 ຄົນ ໄດ້ສາລະພາບວ່າ ໄດ້ມີການພົວພັນເຄື່ອນໄຫວຄ້າ-ຂາຍຢາເສບແທ້.

ແລະໃນປະຈຸບັນນີ້ ພວກກ່ຽວທັງ 8 ຄົນ ໄດ້ຖືກເຈົ້າໜ້າທີ່ກັກຕົວ ເພື່ອສຶບຕໍ່ທຳການສືບສວນ-ສອບສວນຂະຫຍາຍຜົນ ແລະ ສົ່ງໃຫ້ສານຕັດສິນລົງໂທດພວກກ່ຽວຕາມກົດໝາຍ.

Off

Comments are closed.