03rd Dec2015

ຄະນະພັກ-ຄະນະກະຊວງ ປກສ ຢ້ຽມຢາມ ຄອບຄົວອາດີດການນຳເນື່ອງໃນໂອກາດ ວັນຊາດທີ 2 ທັນວາຄົບຮອບ 40 ປີ.

by somchan

ໃນວັນທີ 30ພະຈິກນີ້ ການນຳຂັ້ນສູງຂອງກຳລັງ ປກສ ນຳໂດຍ ພົຈວ ສົມແກ້ວ ສີລາວົງ ກຳມະການສູນກາງພັກລັດຖະມົນຕີວ່າການກະຊວງ ປກສ ພ້ອມຄະນະໄດ້ເຂົ້າອວຍພອນ ພົນເອກ ສີສະຫວາດ ແກ້ວບຸນພັນ ອາດິດກຳມະການ ກົມການເມືອງສູນກາງພັກ ພ້ອມຄອບຄົວເນື່ອງໃນໂອກາດວັນຊາດທີ 2 ທັນວາຄົບຮອບ 40 ປີ.

ໂອກາດນີ້ພົຈວ ສົມແກ້ວ ສີລາວົງ ໄດ້ຕາງໜ້າຄະນະພັກ-ຄະນະນຳກະຊວງ ປກສ ກ່າວສະແດງຄວາມຮູ້ບຸນຄຸນຕໍ່ພົນເອກ ສີສະຫວາດ ແກ້ວບຸນພັນ ທີ່ໄດ້ອຸທິເຫື່ອແຮງ ແລະ ສະຕິປັນຍາເຂົ້າໃນພາລະກິດຕໍ່ສູ້ກູ້ຊາດ ກໍ່ຄືການສ້າງສາພັດທະນາປະເທດຊາດໄລຍະຜ່ານມາ. າພ້ອມທັງອວຍພອນໄຊອັນປະເສີດໃຫ້ທ່ານ ແລະ ຄອບຄົວຈົ່ງມີສຸຂະພາບເຂັ້ມແຂງມີຄວາມພາສຸກໃນຄົວຄອບ.

ພ້ອມດຽວກັນີ້ ພົນເອກ ສີສະຫວາດ ແກ້ວບຸນພັນໄດ້ສະແດງຄວາມຂອບອົກຂອບໃຈຕໍ່ຄະນະນຳກະຊວງ ປກສ ທີ່ໄດ້ເຂົ້າອວຍພອນໃນຄັ້ງໜີ ພ້ອມທັງອວຍພອນໃຫ້ບັນດາສະຫາຍການນຳ ແລະ ອ້າຍນ້ອງພະນັກງານ-ນັກຮົບໃນກຳລັງ ປກສ ມີສຸຂະພາບເຂັ້ມແຂງ ປະສົບຜົນສຳເລັດໃນໜ້າທີ່ວຽກງານເຮັດສຳເລັດໜ້າທີ່ ພັກ-ລັດມອບໝາຍໃຫ້ນຳປະເທດຊາດກ້າວຂຶ້ນຢ່າງບໍ່ຢຸດຢັ້ງ.

ໃນວັນດຽວກັນ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງ ປກສ ພ້ອມຄະນະ ໄດ້ເຂົ້າອວຍພອນ ພົຈວ ຕຸລາ ອິນທາທິລາດ ອາດີດລັດຖະມົນຕີຊ່ວຍວ່າການກະຊວງ ປກສ ພ້ອມຄອບຄົວ, ພົຈວ ກົງທອງ ພົງວິຈິດ ລັດຖະມົນຕີຊ່ວຍວ່າການກະຊວງ ປກສ ພ້ອມຄະນະ ເຂົ້າອວຍພອນຄອບຄົວ ພົຕ ຄຳຜົນ ບຸດດາຄຳ ອາດີດລັດຖະມົນຕີຊ່ວຍວ່າການ ກະຊວງ ປກສ ແລະ ຄອບຄົວ ພົຕ ຊຽງສົມ ກຸນນະວົງ ອາດີດລັດຖະມົນຕີຊ່ວຍວ່າການກະຊວງ ປກສ.

ພົຈວ ສີສະຫວາດ ແກ້ວມາລາວົງກົວໜ້າກົມໃຫຍ່ຕຳຫຼວດ ກະຊວງ ປກສ ພ້ອມຄະນະໄດ້ເຂົ້າອວຍພອນຄອບຄົວ ພົຕ ສຸດໃຈ ທຳມະສິດ ອາດີດລັດຖະມົນຕີວ່າການກະຊວງ ປກສ, ພົຈວ ບຸນມາ ມີທອງ ອາດີດລັດຖະມົນຕີຊ່ວຍວ່າການກະຊວງ ປກສ ແລະ ພົຈວ ຄຳແວວ ສີໂຄດຈູມລະມານີອາດີດສະມາຊິກສະພາແຫ່ງຊາດຊຸດທີ 6 ຊຸດທີ 7 ອາດີດກຳມະທິການປ້ອງກັນຊາດ-ປ້ອງກັນຄວາມສະຫງົບ.

Off

Comments are closed.