28th Apr2022

ປະຖະກະຖາວັນກຳມະກອນສາກົນ ຄົບຮອບ 136

by Peaung Thanonkeo

ໃນຕອນເຊົ້າຂອງວັນທີ 27 ເມສາ 2022 ນີ້ ຢູ່ທີ່ສະໂມສອນເມືອງຮຸນ ແຂວງອຸດົມໄຊ ໄດ້ ຈັດພິທີ ປະຖະກະຖາວັນກຳມະກອນສາກົນ ຄົບຮອບ 136 ປີ (1/5/1886-15/2022) ເຊິ່ງໃຫ້ ກຽດ ປະຖະກະຖາຂອງທ່ານ ຫົງທອງ ບົດວິໄຊ ຄະນະປະຈຳພັກເມືອງປະທານແນວ ລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນຂັ້ນເມືອງ, ມີ ທ່ານ ນາງ ທຸມມາ ປັນຍາສິດ ຮັກສາການ ປະທານຄະນະ ບໍລິຫານງານສະຫະພັນກຳມະບານແຂວງ ມີ ຄະນະປະຈຳ ຫົວໜ້າ ຫ້ອງການ, ຄະນະ ບໍລິຫານງານສະຫະພັນກຳມະບານເມືອງ ຄະນະປະທານກຳມະບານຮາກຖານ ຕະຫຼອດເຖິງ ພະນັກງານບຳນານ ສະມາຊິກກຳມະບານເຂົ້າຮ່ວມ

ຈຸດປະສົງການປະຖະກະຖາໃນຄັ້ງນີ້ກໍເພື່ອຍົກໃຫ້ເຫັນປະຫວັດການກໍາເນີດ ເຕີບໃຫຍ່ຂອງ ຊົນຊັ້ນ ກຳມະກອນ ແລະ ພາລະກຳປະຫວັດສາດຂອງຂະບວນກຳມະກອນສາກົນ, ພາລະກໍາ ປະຫວັດສາດ ລັກສະນະດີເລີດຂອງຊົນຊັ້ນກຳມະກອນສາກົນ, ກຳມະບານລາວກັບການ ປະກອບສ່ວນເຂົ້າໃນ ພາລະກິດປະຕິວັດຜ່ານມາ ເພື່ອເປັນການປຸກລະດົມແລະເສີມຂະຫຍາຍທາດ ແທ້ມູນເຊື້ອອັນດີງາມ ຂອງຊົນຊັ້ນກຳມະກອນລາວ, ແລະ ຜົນງານການປະກອບສ່ວນວັນ ກຳມະກອນສາກົນຂອງພະນັກງານ ສະມາຊິກກຳມະບານ ກຳມະກອນທົ່ວເມືອງຮຸນ, ທັງນີ້ກໍເພື່ອເຮັດ ໃຫ້ບັນດາພະນັກງານ ລັດຖະກອນ ຫຼັກແຫຼ່ງສະຫາພັນກຳມະບານ ໄດ້ຮັບຮູ້ເຂົ້າໃຈເຖິງຍາດລ້ຽວອັນ ສຳຄັນ ແລະ ນຳເອົາເນື້ອໃນຈິດໃຈ ມູນເຊື້ອຂອງວັນດັ່ງກ່າວນີ້ ໄປສືບຕໍ່ເສີມຂະຫຍາຍຕໍ່ໜ້າທີ່ວຽກ ງານ ຕາມພາລະບົດບາດ ສິດ-ໜ້າທີ່ ຂອບເຂດຂອງຕົນໃຫ້ໄດ້ຮັບຜົນດີຂື້ນ.ໃນພິທີດັ່ງກ່າວກໍ່ໄດ້ ມອບໃບຢັ້ງຢືນຜົນງານດີເດັ່ນການຈັດຕັ້ງ ປະຕິບັດຂໍ້ແຂ່ງຂັນ 5 ເປັນເຈົ້າຂອງກຳມະບານລາວ ຈໍານວນ 74 ໜ່ວຍຕື່ມອີກ..

Off

Comments are closed.