29th Apr2022

ປກສ ນວ ຮັບເຄື່ອງຮັບໃຊ້ວິຊາສະເພາະ ມູນຄ່າ 17.505.000 ລ້ານກີບ.

by somchan

ວັນທີ 27 ເມສາ 2022 ທ່ານ ກິດຕິພັນ ປະຖົມໄຊກຽດ ມອບເຄື່ອງຮັບໃຊ້ວິຊາສະເພາະ ປະເພດກະກຼັບມື ຈໍານວນ 50 ຊຸດ ມູນຄ່າ 17.505.000 ລ້ານກີບ ໃຫ້ກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ເພື່ອເປັນການປະກອບສ່ວນເຂົ້າໃນວຽກປ້ອງກັນຄວາມສະຫງົບ. ຕາງໜ້າກ່າວຮັບໂດຍ ພັອ ພິມມະສອນ ທໍາມະວົງ ຮອງຫົວໜ້າກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ພ້ອມດ້ວຍຄະນະ.

ພັອ ພິມມະສອນ ທໍາມະວົງ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈ ຕໍ່ທ່ານ ກິດຕິພັນ ປະຖົມໄຊກຽດ ທີ່ເຫັນໄດ້ຄວາມສໍາຄັນ ວຽກງານປ້ອງກັນຄວາມສະຫງົບ ແລະ ຈະນໍາໃຊ້ເຄື່ອງຂອງທີ່ໄດ້ຮັບຄັ້ງນີ້ ໃຫ້ເກີດຜົນປະໂຫຍດສູງສຸດ, ພ້ອມດຽວກັນ, ກໍໄດ້ມອບໃບຍ້ອງຍໍ ໃຫ້ ທ່ານ ກິດຕິພັນ ປະຖົມໄຊກຽດ ເພື່ອເປັນທີ່ລະນຶກ, ຮູ້ບຸນຄຸນ ທີ່ເສຍສະຫຼະວັດຖຸ, ປັດໄຈປະກອບສ່ວນເຂົ້າໃນວຽກງານປ້ອງກັນຄວາມສະຫງົບ.

Off

Comments are closed.