04th May2022

ເປີດຝຶກອົບຮົມວຽກງານພັກ ວຽກງານການເມືອງ ອ້ອມຂ້າງກົມໃຫຍ່ ການເມືອງ ປກສ.

by somda phoneor

ກົມໃຫຍ່ການເມືອງ ປກສ ເປີດຝຶກອົບຮົມວຽກງານພັກ ວຽກງານການເມືອງ ຄັ້ງທີ I ອ້ອມຂ້າງກົມໃຫຍ່ ໃນວັນທີ 4 ພຶດສະພາ 2022 ນີ້ ໂດຍການເປັນປະທານຂອງ ສະຫາຍ ພົຈວ ຄຳສາຍ ຈັນທະວົງ ຄະນະພັກກະຊວງ ຮອງຫົວຫນ້າ ກົມໃຫຍ່ການເມືອງ ປກສ ມີບັນດາ ເລຂາ, ຮອງເລຂາ, ຫົວຫນ້າ – ຮອງພະແນກ ຜູ້ທີ່ເຮັດວຽກງານພັກ ວຽກງານການເມືອງ ອ້ອມຂ້າງກົມໃຫຍ່ ເຂົ້າຮ່ວມ.

ໂອກາດນີ້ ສະຫາຍ ພົຈວ ຄຳສາຍ ຈັນທະວົງ ຄະນະພັກກະຊວງ ຮອງຫົວຫນ້າ ກົມໃຫຍ່ການເມືອງ ປກສ ໄດ້ມີຄຳເຫັນ ແລະ ກ່າວເປີດຝຶກອົມຮົມ.

ຊຸດຝຶກອົບຮົມໃນຄັ້ງນີ້ ບັນດານັກສຳມະນາກອນຈະໄດ້ຮຽນຮູ້ເອກກະສານ ອົງການການເມືອງ ແລະ ຜູ້ຮັບຜິດຊອບການເມືອງ ໃນກໍາລັງປ້ອງກັນຄວາມສະຫງົບ,ເອກະສານຝຶກຝົນຄຸນທາດການເມືອງ ແລະ ຄຸມສົມບັດສິນທຳປະຕິວັດ, ເອກະສານການຈັດຕັ້ງ ແລະ ນຳພາຂອງພັກຕໍ່ກຳລັງປ້ອງກັນຄວາມສະຫງົບ,ເອກະສານຍົກສູງຄຸນນະພາບການນຳພາຮອບດ້ານຂອງການຈັດຕັ້ງຮາກຖານພັກ,ເອກະສານຍົກສູງຄຸນນະພາບຂອງສະມາຊິກພັກ ແລະ ວຽກງານຂະຫຍາຍພັກໃນໄລຍະໃໝ່,ເອກະສານເພີ່ມທະວີວຽກງານຄຸ້ມຄອງ ແລະ ລະບຽບການຍົກຍ້າຍຮ່ວມຊີວິດພັກ,ເອກະສານເພີ່ມທະວີວຽກງານປ້ອງກັນພັກໃນໄລຍະໃໝ່,ເອກະສານລະບຽບວິໄນຂອງພັກ,ເອກະສານການຈັດຕັ້ງດຳເນີນກອງປະຊຸມໃຫຍ່ຂອງພັກ,ເອກະສານວ່າດ້ວຍການຈັດຕັ້ງ ແລະ ການເຄື່ອນໄຫວ ລະບອບບັນຊາຫົວໜ້າດຽວໃນກໍາລັງ ປກສ, ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງການເມືອງ, ກົມໃຫຍ່ການເມືອງປ້ອງກັນຄວາມສະຫງົບ ແລະ ຂໍ້ຕົກລົງ ວ່າດ້ວຍການກຳນົດຕຳແຫນ່ງງານຂອງ ກົມກອງອ້ອມຂ້າງ – ທ້ອງຖີ່ນ ໃນກຳລັງ ປກສ ທັງນີ້ ເພື່ອຍົກລະດັບຄວາມຮູ້, ຄວາມສາມາດ ທາງດ້ານທິດສະດີ ແລະ ຫຼັກການກ່ຽວກັບວຽກງານພັກ, ວຽກງານການເມືອງໃຫ້ແກ່ນາຍຕໍາຫຼວດທີ່ເຮັດວຽກງານພັກ ໄດ້ຮັບຮູ້, ເຂົ້າໃຈຖືກຕ້ອງ ແລະ ມີຄວາມ ເປັນເອກະພາບທາງດ້ານຫຼັກການ ໃນການຈັດຕັ້ງປະຕິບັດຕົວຈິງ.ແນໃສ່ເຮັດໃຫ້ວຽກງານພັກ, ວຽກງານການເມືອງຮັບປະກັນຄຸນນະພາບ, ວ່ອງໄວ ແລະ ເຮັດໃຫ້ ພະນັກງານທີ່ເຮັດວຽກງານພັກ ກຳໄດ້ບັນດາຫຼັກການທິດນຳ ແລະ ແນວທາງຂອງພັກ ສາມາດເປັນເສນາທິການໃຫ້ແກ່ຄະນະພັກ-ຄະນະບັນຊາ ໃຫ້ໄດ້ຮັບຜົນດີ. ຊຸດຝຶກອົບຮົມຈະໄດ້ດຳເນີນໄປເປັນເວລາ 3 ວັນ ( 4-6 ພຶດສະພາ 2022 ) ຈື່ງຈະສຳເລັດ.

Off

Comments are closed.