04th May2022

ປກສ ກຸ່ມ 3 ດົງກະລືມເປີດຂະບວນການວຽກງານກໍ່ສ້າງຮາກຖານ.

by somchan

ປກສ ກຸ່ມ3 ດົງກະລືມ,ເມືອງປາກງຶ່ມ ນະຄອນຫຼວງວຽງຈັນ ເປີດຂະບວນການວຽກງານກໍ່ສ້າງຮາກຖານການເມືອງເພື່ອຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການສະກັດກັ້ນແລະແກ້ໄຂບັນຫາຢາເສບຕິດສ້າງແລະປະເມີນຄອບຄົວບ້ານປອດຢາເສບຕິດ ແລະ ບ້ານປ້ອງກັນຄວາມສະຫງົບດີ ຢູ່ບ້ານດົງກະລືມ ເມືອງປາກງື່ມ ນະຄອນຫຼວງວຽງຈັນ ໃນວັນທີ 3 ພຶດສະພາ 2022ນີ້,ໂດຍການເປັນປະທານຂອງ ພັທ ສິງຄໍາ ລໍວັນໄຊ ຫົວໜ້າກອງບັນຊາການປ້ອງກັນຄວາມສະຫງົບເມືອງປາກງຶ່ມ ນະຄອນຫຼວງວຽງຈັນ,ມີຫົວໜ້າ ປກສ ກຸ່ມດົງກະລືມ,ອໍານາດການປົກຄອງບ້ານ,ປກສ ບ້ານແລະປະຊາຊົນເຂົ້າຮ່ວມ.

ພັທ ໄມຄໍາ ວັນນາ ຫົວໜ້າ ປກສ ກຸ່ມນດົງກະລືມ ເມືອງປາກງຶ່ມ ນະຄອນຫຼວງວຽງຈັນ ກ່າວວ່າ: ການເປີດຂະບວນການວຽກງານກໍ່ສ້າງຮາກຖານການເມືອງ ເພື່ອຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ສ້າງ ແລະ ປະເມີນຄອບຄົວບ້ານປອດຢາເສບຕິດ ແລະ ບ້ານປ້ອງກັນຄວາມສະຫງົບດີ ຄັ້ງນີ້, ກໍເພື່ອແນໃສ່ຮັບປະກັນເຮັດບ້ານມີຄວາມສະຫງົບສຸກແລະພ້ອມທັງປຸກລະດົມທຸກຄົນພາຍໃນບ້ານໃຫ້ປະກອບສ່ວນເຂົ້າໃນວຽກງານສະກັດກັ້ນ ແລະ ແກ້ໄຂບັນຫາຢາເສບຕິດ ເຊິ່ງເປັນໜ້າທີ່ ແລະ ພັນທະຂອງພົນລະເມືອງທຸກຄົນທີ່ຕ້ອງໄດ້ເອົາໃຈໃສ່ຕິດຕາມ-ກວດກາຄືນບັນດາສະມາຊິກພາຍໃນຄອບຄົວຂອງຕົນເອງຢ່າງເປັນປົກກະຕິ, ຖ້າຫາກພົບວ່າບຸກຄົນໃດຫາກມີພຶດຕິກຳສົງໄສ ຫຼື ມີສ່ວນພົວພັນກັບຢາເສບຕິດ ທີ່ພາໃຫ້ເກີດປະກົດການຫຍໍ້ທໍ້ ໃຫ້ຮີບຮ້ອນແຈ້ງຕໍ່ອໍານາດການປົກຄອງບ້ານ ເພື່ອນໍາຕົວພວກກ່ຽວຂຶ້ນບັນຊີເປົ້າໝາຍ-ຕິດຕາມຄຸ້ມຄອງ ນອກນັ້ນ,ໃຫ້ຖືເອົາວຽກງານດັ່ງກ່າວ ເປັນການສ້າງ ແລະ ປະເມີນບ້ານປອດຢາເສບຕິດ ໃຫ້ກາຍເປັນຈຸດເລີ່ມຕົ້ນ ແລະ ຕ້ານທຸກປະກົດການຫຍໍ້ທໍ້ໃຫ້ນັບມື້ຫຼຸດໜ້ອຍຖອຍລົງ, ພ້ອມນີ້ຍັງເປັນການສໍາຫຼວດກວດກາ ແລະ ເກັບກໍາສະຖິຕິພົນລະເມືອງຂອງແຕ່ລະຄອບຄົວ ທີ່ໄດ້ຈົດທະບຽນສໍາມະໂນຄົວ ຫຼື ຍັງບໍ່ທັນໄດ້ຈົດທະບຽນສໍາມະໂນຄົວ ນັບທັງກວດກາການເໜັງຕີງຂອງພົນລະເມືອງ,​ຄົນເພີ່ມ-ຄົນຫຼຸດ, ຄົນບໍ່ມີໜ້າຊົ່ວຄາວ-ພັກເຊົາຊົ່ວຄາວ ແລະ ການຂໍຍົກຍ້າຍຖິ່ນຖານອື່ນໆ ເພື່ອຮັບປະກັນໄດ້ຄວາມສະຫງົບ-ປອດໄພ,ສ້ າງໃຫ້ກາຍເປັນບ້ານປອດຢາເສບຕິດ ແລະ ບ້ານປ້ອງກັນຄວາມສະຫງົບສຸກດິີ.

ພ້ອມນີ້ທ່ານຍັງໄດ້ຜ່ານຂໍ້ຕົກລົງຂອງເຈົ້າເມືອງ,ຂໍ້ຕົກລົງຂອງຫົວໜ້າກອງບັນຊາການ ປກສ ເມືອງປາກງຶ່ມແລະຂໍ້ຕົກລົງຂອງຫົວໜ້າປກສກຸ່ມ3ດົງກະລືມວ່າດວ້ຍການແຕ່ງຕັ້ງຄະນະກໍາມະການກວດກາເພື່ອຈັດຕັ້ງຜັນຂະຫຍາຍວາລະແຫ່ງຊາດໃການແກ້ໄຂບັນຫາຢາເສບຕິດຢູ່ 53 ບ້ານທົ່ວເມືອງປາກງຶ່ມແລະຂໍ້ຕົກລົງ ໃນການແບ່ງຄວາມຮັບຜິດຊອບໃນການຈັດຕັ້ງຜັນຂະຫຍາຍວາລະແຫ່ງຊາດຢູ່ ບ້ານດົງກະລຶມໃຫ້ໄດ້ຮັບໝາກຜົນຕາມຈຸດປະສົງຄາດໝາຍ.

ໃນໂອກາດ ນີ້ ພັທ ສິງຄໍາ ລໍວັນໄຊຫົວໜ້າກອງບັນຊາການປ້ອງກັນຄວາມສະຫງົບ ເມືອງປາກງຶ່ມ ນະຄອນຫຼວງວຽງຈັນ,ໄດ້ຮຽກຮ້ອງໃຫ້ຄະນະຮັບຜິດຊອບໃນການຈັດຕັ້ງຜັນຂະຫຍາຍວະລະຊາດຢູ່ ບ້ານດົງກະລຶມ ໃນຄັ້ງນີ້ຈົ່ງພ້ອມກັນສຸມທຸກສະຕິປັນຍາ,ຄວາມຮູ້ຄວາມສາມາດ, ເຂົ້າໃນການຈັດຕັ້ງປະຕິບັດໜ້າທີ່ອັນມີກຽດທີ່ພັກ-ລັດ ແລະ ການຈັດຕັ້ງຂັ້ນເທີງມອບໝາຍໃຫ້ສໍາເລັດຕາມຈຸດປະສົງຄາດໝາຍທີ່ວາງໄວ້.

 

 

 

Off

Comments are closed.