04th May2022

ປີດຊຸດຝຶກອົບຮົມວຽກງານວິຊາສະເພາະປຸງແຕ່ງອາຫານແລະການບໍລິການ ໃຫ້ນາຍ ແລະ ພົນຕຳຫລວດ ກອງບັນຊາການ ປ້ອງກັນສູນກາງ ກະຊວງ ປກສ

by Peaung Thanonkeo

ກອງບັນຊາການປ້ອງກັນສູນກາງ,ກະຊວງປ້ອງກັນຄວາມສະຫງົບຮ່ວມກັບສູນພັດທະນາສີມືແຮງງານ,ພະແນກແຮງງານແລະສະຫວັດດີການສັງຄົມ,ນະຄອນຫລວງວຽງຈັນ,ປີດຊຸດຝຶກອົບຮົມວິຊາສະເພາະວຽກງານປຸງແຕ່ງອາຫານແລະການບໍລິການ ໃຫ້ນາຍ ແລະ ພົນຕຳຫລວດ ກອງບັນຊາການ ປ້ອງກັນສູນກາງ,ໃນວັນທີ 4 ພຶດສະພາ 2022 ນີ້,ຢູ່ທີ່ສູນພັດທະນາສີມືແຮງງານ,ພາຍຫຼັງໄດ້ດໍາເນີນການຝຶກອົບຮົມມາເປັນເວລາ 15 ວັນ,ໂດຍການເຂົ້າຮ່ວມເປັນກຽດມີ ພັອ ຄໍາເຜີຍ ຄໍາດີ  ຮອງກອງບັນຊາການປ້ອງກັນສູນກາງ, ທ່ານ ໂດອິ ວິລະນາມ ຜູ້ອຳນວຍການສູນພັດທະນາສີມືແຮງງານ,ພະແນກແຮງງານແລະສະຫວັດດີການສັງຄົມ ນະຄອນຫລວງວຽງຈັນ, ມີຄະນະພັກ, ຄະນະບັນຊາ,ກອງພັນ,ຫ້ອງ,ຄູອາຈານ ແລະ ສໍາມະນາກອນເຂົ້າຮ່ວມ.

ພັທ ພູນສີ ແດງຈໍາປາ ຮອງຫົວໜ້າຫ້ອງການເມືອງ ກອງບັນຊາການປ້ອງກັນສູນກາງ,ໄດ້ບົດສະຫຼຸບຕີລາຄາການຈັດຕັ້ງປະຕິບັດຊຸດຝຶກອົບຮົມວິຊາສະເພາະວຽກງານປຸງແຕ່ງອາຫານແລະບໍລິການ, ໃນ15 ວັນຜ່ານມາໃຫ້ຮູ້ວ່າ: ການເປີດຝຶກອົບຮົມວິຊາສະເພາະ ໄລຍະສັ້ນວຽກງານປຸງແຕ່ງອາຫານ ແລະ ການບໍລິການ ໃຫ້ນາຍ ແລະ ພົນຕໍາຫຼວດກໍາລັງປ້ອງກັນສູນກາງ,ໃຫ້ມີຄວາມຮູ້ຂັ້ນພື້ນຖານທາງດ້ານການປຸງແຕ່ງອາຫານ ແລະ ການບໍລິການຢ່າງຫຼາກຫຼາຍເມນູທັງຮັບປະກັນຄວາມປອດໄພທາງດ້ານສຸຂະພາບ,ການກິນດື່ມທີ່ຖືກລັກອານາໄມໃຫ້ແກ່ເປົ້າໝາຍປ້ອງກັນ,ມີຄວາມສາມາດໃນການບໍລິການຮັບໃຊ້ໜ້າທີ່ການເມືອງໃນແຕ່ລະໄລຍະ,ຕອບສະໜອງກັບຄວາມຮຽກຮ້ອງຕ້ອງການ,ສະນັ້ນຫ້ອງການເມືອງຈື່ງໄດ້ສົມທົບກັບສູນພັດທະນາສີມືແຮງງານນະຄອນຫຼວງວຽງຈັນ,ໄດ້ເປີດຝຶກອົບຮົມຄັ້ງນີ້ຂຶ້ນ,ແມ່ນເພື່ອປະຕິບັດຕາມແຜນການ,ການເຄື່ອນໄຫວຊີ້ນໍາຂອງຄະນະພັກ,ຄະນະກອງບັນຊາການປ້ອງກັນສູນກາງ,ເຊິ່ງໄດ້ເຕົ້າໂຮມເອົາບັນດາສະຫາຍນາຍ ແລະ ພົນຕໍາຫຼວດຢູ່ບັນດາຫ້ອງກອງຮ້ອຍອ້ອມຂ້າງກອງບັນຊາການປ້ອງກັນສູນກາງທີ່ຍັງບໍ່ທັນໄດ້ຜ່ານວຽກງານປຸງແຕ່ງອາຫານແລະການບໍລິການຕົວຈິງພ້ອມກັບຄະນະ ຮັບຜິດຊອບ,ຄູອາຈານ ແລະ ພະນັກງານຊ່ວຍວຽກຈໍານວນ 40 ສະຫາຍແລະຜ່ານການຈັດຕັ້ງປະຕິບັດສາມາດປະເມີນໄດ້ດ້ານດີ ແລະ ຜົນໄດ້ຮັບຈາກການຝຶກອົບຮົມຊຸດນີ້ຄື : ຄຸອາຈານແຕ່ລະສະຫາຍກໍ່ໄດ້ຄົ້ນຄວ້າ ແລະ ກະກຽມເອກະສານຄົບຖ້ວນເພື່ອນໍາສະເໜີບົດຮຽນໃຫ້ ແກ່ນັກຝຶກອົບຮົມ,ກໍາໄດ້ຄວາມຮູ້ພື້ນຖານກ່ຽວກັບທິດສະດີ,ບົດຮຽນຕົວຈິງ ແລະ ມີການສົນທະນາປະກອບຄໍາຄິດເຫັນ,ຢ່າງກົງໄປກົງມາໃນການຖ່າຍທອດຄວາມຮູ້ບົດຮຽນຕ່າງໆ ຢ່າງເລິກເຊິ່ງເຕັມອົກເຕັມໃຈ,ເພື່ອຄວາມເປັນເອກະພາບກັນໃນການຈັດຕັ້ງປະຕິບັດໃນຕໍ່ໜ້າ,ພ້ອມນີ້ນັກຝຶກອົບຮົມແຕ່ລະສະຫາຍໄດ້ຕັ້ງໜ້າປະຕິບັດໂມງເວລາ ແລະ ໄດ້ເອົາໃຈໃສ່ຄົ້ນຄວ້າຮ່ໍາຮຽນປັນຢ່າງດີ ເຮັດ ໃຫ້ຊຸດຝຶກອົບຮົມໃນຄັ້ງນີ້ມີຄວາມຄິດເຫັນກະຈ່າງແຈ້ງ ແລະ ມີຄວາມເອກະພາບກັນໃນການປຸງແຕ່ງອາຫານ ແລະ ການບໍລິການເພື່ອຈະນໍາໄປໝູນໃຊ້ຕໍ່ຕົນເອງ,ກົມກອງ ແລະ ການເຄື່ອນໄຫວເຮັດໜ້າທີ່ວຽກງານວິຊາສະເພາະປ້ອງກັນສູນກາງ,ດັ່ງນັ້ນການເປີດຊຸດຝຶກອົບຮົມໃນຄັ້ງນີ້ເຫັນວ່າ:ມີບັນຍາກາດຟົດຟື້ນດີແລະສໍາມະນາກອນ ແມ່ນ ເປັນນາຍ ແລະ ພົນຕໍາຫຼວດ ທີ່ຮຽນຈົບວິຊາສະເພາະປ້ອງກັນສູນກາງ ຈິ່ງເຮັດໃຫ້ການເກັບກໍາບົດຮຽນໄດ້ຮັບຜົນດີແລະສໍາເລັດຜົນຕາມຈຸດປະສົງຄາດໝາຍທີ່ວາງໄວ້.

ໃນບັ້ນຊຸດຝຶກອົບຮົມທີ່ມີຄວາມໝາຍສໍາຄັ້ນນີ້ສູນພັດທະນາສີມືແຮງງານ,ພະແນກແຮງງານແລະສະຫວັດດີການສັງຄົມ,ນະຄອນຫລວງວຽງຈັນແລະກອງບັນຊາການປ້ອງກັນສູນກາງ,ກະຊວງປ້ອງກັນຄວາມສະຫງົບ,ໄດ້ມອບໃບຢັ້ງຢືນ,ໃບຊົມເຊີຍ,ໃຫ້ສໍາມະນາກອນ,ຄູອາຈານທີ່ໄດ້ສໍາເລັດບັ້ນຊຸດຝຶກອົບຮົມໃນຄັ້ງນີ້,ໃຫ້ກຽດມອບໂດຍ ທ່ານ ໂດອິ ວິລະນາມ ຜູ້ອຳນວຍການສູນພັດທະນາສີມືແຮງງານແລະ ພັອ ຄໍາເຜີຍ ຄໍາດີ  ຮອງກອງບັນຊາການປ້ອງກັນສູນກາງ.

Off

Comments are closed.