05th May2022

ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ຂອງ ປກສ ເມືອງລັອງແຈ້ງ.

by Peaung Thanonkeo

ວັນທີ 3 ພຶດສະພາ 20222 ກອງບັນຊາການ ປ້ອງກັນຄວາມສະຫງົບເມືອງລ້ອງແຈ້ງ ແຂວງໄຊສົມບູນ ໄດ້ຈັດກອງ ປະຊຸມສະຫລຸບ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຫັນຫາຢາເສບ ຕິດ ປະຈຳໄຕມາດ ທີ 1 ແລະ ວາງທິດທາງ ປະຈໍາໄຕມາດ ທີ 2 ໃຫ້ກຽດເປັນປະທານ ໂດຍ ທ່ານ ນາເມືອ ອຸດອນ ສີງຕາລາ ເຈົ້າເມືອງລ້ອງແຈ້ງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ ມີ ຮອງເລຂາຄະນະພັກ ເມືອງ, ຄະນະປະຈຳພັກເມືອງ, ຄະນະສະເພາະກິດປະຕິບັດວາລະແຫ່ງຊາດ ຂັ້ນເມືອງ, ຄະນະພັກ ຄະນະບັນຊາ ກອງບັນຊາການ ປກສ-ກອງບັນຊາການທະຫານ ເມືອງ ຕະຫຼອດຮອດນາຍ ແລະ ພົນທະຫານ-ຕຳຫຼວດ, ຕາງໜ້າກອງກໍ່ສ້າງຮາກຖານການເມືອງ 913 ປະຈຳເມືອງ ແລະ ຫົວໜ້າຫ້ອງການທີ່ໄດ້ຮັບເຊີນ ເຂົ້າ ຮ່ວມ.

ພັທ ຄຳໝັ້ນ ພິມມະວົງສາ ຫົວໜ້າກອງບັນຊາການປ້ອງກັນຄວາມສະຫງົບເມືອງລ້ອງແຈ້ງ ໄດ້ລາຍງາຍ ໃຫ້ຮູ້ວ່າ: ໃນໄລຍະ 3 ເດືອນ ຜ່ານມາ ກອງບັນຊາການ ປກສ ເມືອງໄດ້ແຕ່ງຕັ້ງພະນັກງານວິຊາ ສະເພາະ ລົງສົມທົບພາກສ່ວນກ່ຽວຂ້ອງຕິດຕາມ,ກວດກາເປົ້າໝາຍຄ້າ-ຂາຍຢາເສບຕິດ ຊຶ່ງໄດ້ກວດ ຄົ້ນເຄຫາສະຖານ,ເລີກຮື້ເປົ້າໝາຍໄດ້1ເລື່ອງ ພົບຂອງກາງທີ່ຜິດກົດໝາຍປະເພດຢາບ້າ ຈຳນວນ 499 ເມັດ ແລະ ໂທລະສັບ1 ເຄື່ອງ ພ້ອມດ້ວຍຜູ້ຖືກຫາ 3 ຄົນ, ໄດ້ເກັບກຳບັນຊີບັນດາເປົ້າໝາຍຄ້າ-ຂາຍ ແລະ ເສບຢາເສບຕິດ ໃນທົ່ວເມືອງລ້ອງແຈ້ງ ມີເປົ້າໝາຍທັງໝົດ 180 ຄົນ, ຍິງ 26 ຄົນ ໃນນັ້ນມີເປົ້າ ໝາຍຄ້າ-ຂາຍ ຢາເສບຕິດ 21ຄົນ ຍິງ 2 ຄົນ, ເປົ້າໝາຍເສບຢາບ້າ ມີ 145 ຄົນ, ຍິງ 20 ຄົນ ແລະ ເປົ້າໝາຍເສບຢາຝິ່ນ ມີ 14 ຄົນ ຍິງ 4 ຄົນ ພ້ອມກັນນັ້ນກໍ່ຍັງຍົກໃຫ້ເຫັນດ້ານດີດ້ານອ່ອນ,ຂໍ້ຫຍຸ້ງຍາກ ແລະບົດຮຽນທີ່ຖອນຖອນໄດ້.ຈາກນັ້ນ ບັນດາສະຫາຍທີ່ເຂົ້າຮ່ວມ ກໍ່ໄດ້ປະກອບຄຳຄິດຄຳເຫັນ ເພື່ອ ສຸ່ມໃສ່ປັບປຸງແກ້ໄຂວຽກງານດັ່ງກ່າວໃນຕໍ່ໜ້າ ໄດ້ຮັບຜົນດີຂຶ້ນກວ່າເກົ່າ.

ໂອກາດນີ້ ທ່ານ ອຸດອນ ສີງດາລາ ເຈົ້າເມືອງລ້ອງແຈ້ງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ ໄດ້ສະແດງ ຄວາມຊົມເຊີຍຜົນງານ ທີ່ກຳລັງປ້ອງກັນຄວາມສະຫງົບ ແລະ ຄະນະ ສະເພາະກິດ ແກ້ໄຂບັນຫາຢາເສບຕິດ ຂອງເມືອງຍາດມາໄດ້, ພ້ອມທັງໄດ້ຮຽກຮ້ອງມາຍັງຄະນະ ສະເພາະກິດ ກຳລັງ ປກສ-ປກຊ ເມືອງ ເພີ່ມທະວີຂອດການປະສານງານກັນ ໃຫ້ກົມກຽວ, ມີຄວາມເປັນເອກະພາບສູງ ພ້ອມກັນເອົາໃຈໃສ່ສ້າງຄວາມຮັບຮູ້-ເຂົ້າໃຈ ຜົນຮ້າຍຂອງຢາເສບຕິດ ແລ້ວນຳໄປສຶກສາອົບຮົມ ໂຄສະນາເຜີຍແຜ່ ໃຫ້ສັງຄົມ ແລະ ກຸ່ມເປົ້າໝາຍ ເຂົ້າໃຈ

ປັບປຸງຂີດຄວາມສາມາດໃນການແກ້ໄຂບັນຫາຢາເສບຕິດ ທີ່ເກີດຂື້ນຢູ່ ໃນຂອບເຂດຄວາມຮັບຜິດຊອບຂອງຕົນ ໃຫ້ເຂັ້ມງວດ ເພື່ອເຮັດໃຫ້ສັງຄົມມີຄວາມສະຫງົບ,ປອດໄພ ສ້າງເງື່ອນໄຂເອື້ອອຳນວຍ ຄວາມສະດວກ ໃຫ້ພໍ່ແມ່ປະຊາຊົນ ບັນດາເຜົ່າ ໄດ້ຮັບການພັດທະນາ ດີຂື້ນ ຢ່າງຕໍ່ເນື່ອງ.

Off

Comments are closed.