05th May2022

ທ້າຍເດືອນເມສາ ມີຜູ້ເສຍຊີວິດ 9 ຄົນ ຍ້ອນອຸບັດຕິເຫດ.

by somda phoneor

ພັທ ວິລະພົງ ສະເໜ່ຫາ ຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: ທ້າຍເດືອນເມສາ  ຫາຕົ້ນເດືອນ ພຶດສະພາ 2022 ຄື: ແຕ່ວັນທີ 26 ເມສາ – 4 ພຶດສະພາ ນີ້ ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂື້ນ 28 ກໍລະນີ, ສາເຫດມາຈາກນັກຂັບຂີ່ປະໝາດ, ຂາດສະຕິ, ບໍ່ເຂັ້ມງວດປະຕິບັດກົດລະບຽບຈະລາຈອນເຊັ່ນວ່າ: ດື່ມສິ່ງມຶນເມົາແລ້ວຂັບຂີ່, ແລ່ນລົດໄວເກີນກໍານົດ, ຊີງຂຶ້ນໜ້າບໍ່ຮັບປະກັນ ແລະ ບໍ່ຮັກສາໄລຍະຫ່າງ ໃນການຂັບຂີ່,

ເຊີ່ງມີອຸບັດຕິເຫດເກີດຂຶ້ນຢູ່ຟື້ນທີ່ ເມືອງໄຊທານີ 7 ກໍລະນີ, ເມືອງສີສັດຕະນາກ 6 ກໍລະນີ, ເມືອງໄຊເສດຖາ 6 ກໍລະນີ, ເມືອງຈັນທະບູລີ 3 ກໍລະນີ, ເມືອງຫາດຊາຍຟອງ 3 ກໍະນີ, ເມືອງສີໂຄດຕະບອງ 2 ກໍລະນີ ແລະ ເມືອງປາກງື່ມ 1 ກໍລະນີ; ມີຄົນໄດ້ຮັບບາດເຈັບ ທັງໝົດ 29 ຄົນ, ບາດເຈັບເລັກໜ້ອຍ 8 ຄົນ, ບາດເຈັບສົມຄວນ 15 ຄົນ, ບາດເຈັບສາຫັດ 5 ຄົນ ແລະ ມີຜູ້ເສຍຊີວິດ 9 ຄົນ; ມີພາຫະນະເປ່ເພທັງໝົດ 51 ຄັນ, ເປ່ເພ່ເລັກນ້ອຍ 10 ຄັນ, ເປ່ເພສົມຄວນ 40 ຄັນ ແລະ ໃຊ້ການບໍ່ໄດ້ 1 ຄັນ, ສ່ວນໄລຍະເວລາທີ່ເກີດອຸບັດຕິເຫດ ສ່ວນຫຼາຍແມ່ນເວລາ 19:00 ໂມງ – 24:00 ໂມງ, ລວມມູນຄ່າຄວາມເສຍຫາຍ 9 ຮ້ອຍລ້ານກວ່າກີບ.

ໂອກາດນີ້ ພັທ ວິລະພົງ ສະເໜ່ຫາ ຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນ ຈື່ງຮຽກຮ້ອງມາຍັງຜູ້ໃຊ້ລົດ-ໃຊ້ຖະໜົນ ຈົ່ງມີສະຕິໃນການຂັບຂີ່ພາຫະນະ, ປະຕິບັດກົດລະບຽບຈະລາຈອນ, ຫ້າມດື່ມສິ່ງມຶນເມົາແລ້ວຂັບຂີ່ພາຫະນະ, ຂັບຂີ່ດ້ວຍຄວາມໄວຕາມກໍານົດ, ກ່ອນຈະປ່ຽນທິດທາງການສັນຈອນ ແລະ ຊີງຂຶ້ນໜ້າລົດຄັນອື່ນ ຕ້ອງຮັບປະກັນຄວາມປອດໄພ.

Off

Comments are closed.