05th May2022

ກອງປະຊຸມສ້າງແຜນກຳນົດພະນັກງານນຳພາ-ບັນຊາຂັ້ນຫ້ອງວ່າການກະຊວງປ້ອງກັນຄວາມສະຫົງບຄຸ້ມຄອງ.

by somda phoneor

ໃນວັນທີ 5 ພຶດສະພາ 2022 ຫ້ອງການເມືອງ ຫ້ອງວ່າການ ກະຊວງປ້ອງກັນຄວາມສະຫົງບ ໄດ້ຈັດກອງປະຊຸມສ້າງແຜນການກຳນົດພະນັກງານນຳພາ-ບັນຊາ ຂັ້ນຫ້ອງວ່າການ ກະຊວງປ້ອງກັນຄວາມສະຫົງບຄຸ້ມຄອງ, ໂດຍການເປັນປະທານຂອງ ພັອ ສີວັນທາ ເພຍສະຂາ ຄະນະພັກຫ້ອງວ່າການ ເລຂາຄະນະພັກ ຫົວໜ້າຫ້ອງການເມືອງ, ມີພົຈວ ອານຸເດດ ຄູນຄຳ ຄະນະປະຈຳພັກຫ້ອງວ່າການ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫົງບ, ມີຄະນະພັກ ກົມ, ຫ້ອງ, ພະແນກ ແລະ ພະນັກງານຫຼັກແຫຼ່ງຫ້ອງການເມືອງເຂົ້າຮ່ວມ.

ພັອ ສີວັນທາ ເພຍສະຂາ ຄະນະພັກຫ້ອງວ່າການ ເລຂາຄະນະພັກ ຫົວໜ້າຫ້ອງການເມືອງ ໄດ້ກ່າວວ່າ: ແຜນກຳນົດພະນັກງານ ແມ່ນຂະບວນວິວັດແຫ່ງການສ້າງພະນັກງານຫຼັກແຫຼ່ງທັງໃນປັດຈຸບັນ ແລະ ອານາຄົດ, ເນື້ອແທ້ຂອງການສ້າງແຜນກຳນົດພະນັກງານແມ່ນເພື່ອບຳລຸງ-ກໍ່ສ້າງ, ຈັດວາງ,  ສັບຊ້ອນ ແລະ ນຳໃຊ້ຜູ້ທີ່ມີຄວາມຮູ້-ຄວາມສາມາດ, ຄົບມາດຖານເງື່ອນໄຂຢູ່ຕຳແໜງງານຂັ້ນນຳພາ-ບັນຊາຕາມເປົ້າໝາຍຜ່ານໄລຍະເວລາຍາວ ດັ່ງນັ້ນ ວຽກສ້າງແຜນກຳນນົດພະນັກງານຈື່ງເປັນໜ້າທີ່ຄວາມຮັບຜິດຊອບໂດຍກົງ, ເປັນວຽກປົກກະຕິໃນຊີວິດການເມືອງຂອງຄະນະພັກແຕ່ລະຂັ້ນ. ໂດຍເຫັນໄດ້ຄວາມໝາຍຄວາມສຳຄັນດັ່ງກ່າວຕະຫຼອດໄລຍະຜ່ານມາກະຊວງປ້ອງກັນຄວາມສະຫົງບກໍຄືຫ້ອງວ່າການກະຊວງປ້ອງກັນຄວາມສະຫົງບ ໄດ້ຄົ້ນຄ້ວາກຳນົດເປົ້າໝາຍພະນັກງານເພື່ອຈັດວາງ, ສັບຊ້ອນ ເຂົ້າໃສ່ຕຳແໜ່ງງານຂັ້ນຫ້ອງວ່າກະຊວງຄຸ້ມຄອງປະສົບຜົນສຳເລັດ ໂດຍສະເພາະແມ່ນການຄົ້ນຄ້ວາກະກຽມບຸກຄະລາກອນໃຫ້ແກ່ກອງປະຊຸມໃຫຍ່ຂອງພັກແຕ່ລະຂັ້ນ ໄດ້ປະກອບສ່ວນສຳຄັນໃຫ້ແກ່ການປັບປຸງພາຍໃນພັກມີຄວາມໜັກແໜ້ນ, ເຂັ້ມແຂງ, ຍົກສູງຄວາມສາມມາດນຳພາຂອງຄະນະພັກໃຫ້ສົມຄູ່ກັບການເລັ່ງທວງຂອງໜ້າທີ່ການເມືອງໃນໄລຍະໃໝ່, ຮັບປະກັນຄົ້ນຄ້ວາ, ເລືອກເຟັ້ນບຸກຄະລາກອນປະກອບເຂົ້າໃນຄະນະພັກແຕ່ລະຂັ້ນຖຶກຕ້ອງຕາມມາດຖານ-ເງື່ອນໄຂທີ່ກຳນົດໄວ້.

ໃນກອງປະຊຸມຍັງໄດ້ຜ່ານມາດຖານເງື່ອນໄຂພະນັກງານນຳພາ-ບັນຊາທີ່ຈະເລືອກເຟັ້ນເຂົ້າໃນແຜນກຳນົດພະນັກງານ ແລະ ແນະນຳວິທີດຳເນີນການທາບທາມ ພ້ອມທັງດຳເນີນການປ່ອນບັດ ເພື່ອໃຫ້ມີຄວາມຖຶກຕ້ອງ ແລະ ດຳເນີນໄປຕາມທິດ ໂດຍສະເພາະແມ່ນການປະຕິບັດຕາມມະຕິ ຂອງຄະນະພັກກະຊວງປ້ອງກັນຄວາມສະຫົງບວາງອອກ.

Off

Comments are closed.