09th May2022

ການມາຢ້ຽມຢາມ ແລະ ເຮັດວຽກ ຢູ່ເມືອງຊຳເໜືອ ຂອງທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງຫົວພັນ.

by somda phoneor

ວັນທີ 5 ພຶດສະພາ 2022 ລົງເຄື່ອນໄຫວຊີ້ນຳວຽກງານຢູ່ເມືອງ ຊຳເໜືອ ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງຫົວພັນ ພ້ອມດ້ວຍຄະນະ ມີບັນດາຄະນະພັກ-ອຳນດການປົກຄອງເມືອງຊຳເໜືອ, ພະນັກງານລັດຖະກອນ, ທະຫານ-ຕຳຫຼວດ ຕະຫຼອດຮອດອຳນາດການປົກຄອງບ້ານ 18 ບ້ານພາຍໃນເທດສະບານເມືອງຊຳເໜືອເຂົ້້າຮ່ວມ.

ທ່ານ ແສງຈັນ ລິນທະລາດ ຮອງເຈົ້າເມືອງຊຳເໜືອ ໄດ້ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໂດຍຕິດພັນກັບການແກ້ໄຂ 2 ວາລະແຫ່ງຊາດ ໄດ້ໃຫ້ຮູ້ວ່າ: ລະດັບການຂະຫຍາຍຕົວເສດຖະກິດໃນປີ 2021 ຜ່ານມາ GDPຂອງເມືອງທຽບໃສ່ແຜນການປີແມ່ນບໍ່ບັນລຸຄາດໝາຍທີ່ກຳນົດໄວ້ຄື: 5,70% ໃນນັ້ນຂະແໜງກະສິກໍາ ຫຼຸດລົງ 6,57% ກວມເອົາ 42,44% ຂອງ GDP, ຂະແໜງອຸດສາຫະກໍາ-ຫັດຖະກຳ ເພີ່ມຂື້ນ 4,17% ກວມເອົາ 38,63% ຂອງ GDP ຂະແໜງການຄ້າ-ການບໍລິການ ເພີ່ມຂື້ນ 2,44% ກວມເອົາ 18,93% ຂອງ GDP ລວມຍອດຜະລິດຕະພັນພາຍໃນ ຫຼື GDP ຂອງເມືອງບັນລຸໄດ້ 465,62 ຕື້ກີບ ສະເລ່ຍໃສ່ຜົນລະເມືອງໄດ້ 7.936.835 ກີບ/ຄົນ/ປີ.

ວຽກງານປ້ອງກັນຊາດປ້ອງກັນຄວາມສະຫງົບ ໄດ້ສຸ່ມໃສ່ຝຶກອົບຮົມແບບແຜນວິທີເຮັດວຽກໃຫ້ ປກສ ບ້ານ ແລະ ກຸ່ມບ້ານ, ຝຶກແອບສິນລະປະຍຸດໃຫ້ກອງຫຼອນ ແລະ ນັກຮຽນຊັ້ນມັດຖະຍົມຕອນປາຍ ສຸມໃສ່ແກ້ໄຂບັນກາປະກົດການຫຍໍ້ທໍ້ເປັນຕົ້ນ: ສະກັດກັ້ນການປູກຝິ່ນ, ການມົ້ວສຸມຄ້າ-ຂາຍຢາເສບຕິດ, ຄ້າຂາຍເຖື່ອນ, ການເລີກເກັບກູ້ຮື້ອາວຸດລ່າເນື້ອ ແລະ ອື່ນໆ ເຮັດໃຫ້ເມືອງຊຳເໜືອມີຄວາມສະຫງົບໂດຍພີື້ນຖານ, ປະຈຸບັນສາມາດສ້າງບ້ານປ້ອງກັນຊາດເຂັ້ມແຂງໄດ້ 16 ບ້ານ, ບ້ານປ້ອງກັນຄວາມສະຫງົບດີໄດ້ 54 ບ້ານ, ບ້ານປ້ອມໝັ້ນສູ່ຮົບຕິດລຽນໄດ້ 1 ບ້ານ, ບ້ານປອດຄະດີໄດ້ 73 ບ້ານ ແລະ ວຽກງານອື່ນໆຕື່ມອີກ.

ໃນກອງປະຊຸມຍັງໄດ້ຮັບຟັງການໂອລົມຂອງ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ເຊິ່ງທ່ານໄດ້ເນັ້ນໜັກຄື ຕ້ອງສຸມໃສ່ການແກ້ໄຂບັນຫາຄວາມທຸກຍາກທາງດ້ານເສດຖະກິດ ດ້ວຍການປະຍັດມັດທະຍັດ, ສົ່ງເສີມການປູກຝັງລ້ຽງສັດ , ແກ້ໄຂບັນຫາຢາເສບຕິດ ດ້ວຍການໂຄສະນາເຖິ່ງຜົນຮ້າຍຂອງຢາເສບຕິດ ປັບປຸງອົງການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງໃຫ້ມີຄວາມເຂັ້ມງວດ ເພີ່ມທະວີຮ່ວມມືກັບຕ່າງປະເທດກ່ຽວກັບການແກ້ໄຂບັນກາຢາເສບຕິດ, ບັນຫາກ່ຽວກັບການບໍລິຫານຕົວເມືອງ ການອອກແບບແຜນຝັງເມືອງໃຫ້ມີຄວາມເປັນລະບຽບຮຽບຮ້ອຍສະອາດຈົບງາມ.

Off

Comments are closed.