ວັນທີ 9 ພຶດສະພາ 2022 ລາວ ມີຜູ້ຕິດເຊື້ອພະຍາດໂຄວິດ-19 ເພີ່ມ 110 ຄົນ ແລະ ເສຍຊີວິດ 1 ຄົນ.

ດຣ ສີສະຫວາດ ສຸທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່,ກະຊວງສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດ COVID-19,ຖະແຫຼງຂ່າວກຽ່ວກັບສະພາບການລະບາດຂອງພະຍາດ  COVID-19  ຢູ່ ສ.ປ.ປ ລາວ ຈາກສູນປະຕິບັດງານຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19  ປະຈໍາ ວັນທີ່ 9 ພຶດສະພາ 2022 ນີ້ວ່າ:  ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ ໃນວັນທີ 8 ພຶດສະພາ 2022 ຈໍານວນ 1247  ຕົວຢ່າງ, ກວດພົບມີຜູ້ຕິດເຊື້ອພະຍາດ COVID-19  ໃໝ່ເພີ່ມຕື່ມອີກ 110  ຄົນ, ໃນນີ້ຕິດເຊື້ອພາຍໃນ 82 ຄົນ, ນໍາເຂົ້າ 28 ຄົນ ແລະ ເສຍຊີວິດໃໝ່ເພີມອີກ 1 ຄົນ, ເຮັດໃຫ້ ສປປ ລາວໃນປະຈຸບັນມີຜູ້ຕິດເຊື້ອສະສົມທັງໝົດ 289,039  ຄົນ, ເສຍຊີວິດສະສົມ 751 ຄົນ.