11th May2022

ບໍລິສັດຈຽນຟອງຢາງພາລາ ປະຈຳແຂວງອຸດົມໄຊ ມອບອຸປະກອບ ຮັບໃຊ້ຫ້ອງການ ລວມມູນຄ່າ 45 ລ້ານກີບ.

by somchan

ວັນທີ 6 ພຶດສະພາ 2022 ບໍລິສັດ ຈຽນຟອງຢາງພາລາ ປະຈຳແຂວງອຸດົມໄຊ ນຳໂດຍທ່ານ ອາຟູ ພ້ອມດ້ວຍທີມງານ ໄດ້ນຳເອົາເຄື່ອງຮັບໃຊ້ຫ້ອງການລວມມູນຄ່າ 45 ລ້ານກີບ ມາມອບໃຫ້ແກ່ພະແນກກວດກາ ແລະ ຄວບຄຸມຢາເສບຕິດ ຫ້ອງຕຳຫຼວດ ປກສ ແຂວງອຸດົມໄຊ ເພື່ອຮັບໃຊ້ເຂົ້າໃນໜ້າທີ່ວຽກງານວິຊາສະເພາະກຳລັງປ້ອງກັນຄວາມສະຫງົບ ກໍຄື ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ. ເຄື່ອງທີ່ນຳມາມອບໃນຄັ້ງນີ້ມີ: ຄອມພິວເຕີຕັ້ງໂຕະ ຈຳນວນ 10 ຊຸດ, ປິ່ນເຕີສີ ຈຳນວນ 2 ເຄື່ອງ ແລະ ກ້ອງຖ່າຍຮູບຈຳນວນ  1 ໜ່ວຍ ລວມມູນຄ່າ 45 ລ້ານກີບ. ເພື່ອຊຸກຍູ້ໃຫ້ພະແນກກວດກາ ແລະ ຄວບຄຸມຢາເສບຕິດ ຫ້ອງຕຳຫຼວດ ປກສ ແຂວງ ອຸດົມໄຊ ຕາງໜ້າກ່າວຮັບໂດຍ ພັທ ສອນວິໄລ ຕຸລາທອງ ຄະນະພັກ ຮອງກອງບັນຊາການ ປກສ ແຂວງອຸດົມໄຊ, ມີຄະນະພັກ-ຄະນະບັນຊາ ພະນັກງານວິຊາການເຂົ້າຮ່ວມ. 

ໂອກາດນີ້, ທ່ານຍັງໄດ້ມອບໃບກຽດຕິຄຸນ ໃຫ້ແກ່ບໍລິສັດ ຈຽນຟອງ ຢາງພາລາ ປະຈຳແຂວງອຸດົມໄຊ ແລະ ທ່ານກໍ່ໄດ້ກ່າວສະແດງຄວາມຂອບອົກ-ຂອບໃຈ ແລະ ຄວາມຮູ້ບຸນຄຸນມາຢ່າງສູງ ຕໍ່ບໍລິສັດ ທີ່ເຫັນໄດ້ຄວາມສຳຄັນ ຂອງວຽກງານປ້ອງກັນຄວາມສະຫງົບ  ແລະ ໄດ້ອຸປະຖຳໃນຄັ້ງນີ້.

 

Off

Comments are closed.