11th May2022

ເຈົ້າແຂວງໆຈຳປາສັກໄດ້ເຄື່ອນໄຫວພົບປະເຮັດວຽກກັບກະຊວງປ້ອງກັນຄວາມສະຫງົບ.

by somda phoneor

ໃນວັນທີ 10 ພຶດສະພາ 2022 ນີ້ ທ່ານ ວິໄລວົງ ບຸດດາຄຳ ເຈົ້າແຂວງໆຈຳປາສັກ ພ້ອມດ້ວຍຄະນະ ໄດ້ເຄື່ອນໄຫວພົບປະເຮັດວຽກກັບກະຊວງປ້ອງກັນຄວາມສະຫງົບ ໂດຍການຕ້ອນຮັບຂອງ ພົທ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະເຂົ້າຮ່ວມ.

ໃນໂອກາດນີ້ ທ່ານ ວິໄລວົງ ບຸດດາຄຳ ໄດ້ລາຍງານໃຫ້ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໃຫ້ຮັບຊາບກ່ຽວກັບການຈັດຕ້້ງປະຕິບັດ ແຜນພັດທະນາເສດຖະກິດ-ສັງຄົມ ຂອງແຂວງ ປະຈໍາປີ 2021, ປະຈໍາ 03 ເດືອນຕົ້ນປີ 2022, ທິດທາງແຜນການ ປະຈໍາປີ 2022 ແລະ ການຈັດຕັ້ງປະຕິບັດ 2 ວາລະແຫ່ງຊາດ. ໂດຍສະເພາະແມ່ນໄດ້ຈັດຕັ້ງ-ຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ທີີ່ລັດຖະບານວາງອອກຢ່າງຕັ້ງໜ້າ ພ້ອມທັງຫັນເປັນວາລະຂອງແຂວງ ເພືີ່ອກໍານົດຄາດໝາຍຈັດຕັ້ງປະຕິບັດ ໂດຍສະເພາະແມ່ນບັນດາຂະແຫນງການ ຈັດເກັບລາຍຮັບຂອງແຂວງ, ເຮັດໃຫ້ເສດຖະກິດ ຂອງແຂວງສືບຕໍ່ຂະຫຍາຍຕົວດີຂຶື້ນ, ສືບຕໍ່ນໍາພາຈັດ ຕັ້ງປະຕິບັດແນວທາງປ້ອງກັນຊາດ ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມ ຖອດຖອນບົດຮຽນ ວຽກງານ ປກຊ-ປກສ 4 ແຂວງພາກໃຕ້ ແລະ ກອງພົນທະຫານຮາບທີ 5 ເຂົ້າສູ່ການຈັດຕັ້ງປະຕິບັດຕົວຈິງ ແລະ ມີຜົນສໍາເລັດຫຼາຍດ້ານ; ໃນນັ້ນ ໄດ້ສຸມໃສ່ນໍາພາແກ້ໄຂບັນຫາປະກົດການຫຍໍ້ທໍ້ຕ່າງໆ ລົງໂຄສະນາເຜີຍແຜ່ແຜນວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ, ຜົນຮ້າຍ ແລະ ໄພອັນຕະລາຍຂອງຢາ ເສບຕິດ ຢູ່ຕາມພືື້ນທີີ່ຈຸດສຸມທີມີຄວາມສ່ຽງ, ຕາມກຸ່ມບ້ານ, ບ້ານລຽບຕາມ ຊາຍແດນ ແລະ ໂຮງຮຽນ,ຈັດພິທີຈູດທໍາລາຍຢາເສບຕິດ ໃນໂອກາດວັນແຫ່ງຊາດຕ້ານຢາເສບຕິດປະຈໍາປີ 2021 ລວມຢາເສບຕິດທີສານຕັດສິນແລ້ວນໍາມາ ຈູດທໍາລາຍ ເປັນປະເພດຢາບ້າ ຈໍານວນ 313.368 ເມັດ, ຢາໄອສ໌ 2.400 ກຣາມ ກັບ 1 ຖົງນ້ອຍ, ຢາ ອີ 0,5 ກຣາມ, ເຮໂລອີນ 0,1 ກຣາມ ແລະ ໂຄເຄນ 0,4 ກຣາມ,ໄດ້ສໍາເລັດການປັບປຸງກົງຈັກຂອງກໍາລັງປ້ອງກັນຄວາມສະຫງົບນັບແຕ່ຂັ້ນຫ້ອງ, ກອງເມືອງ ລົງ ຮອດກຸ່ມບ້ານ, ປະກອບບຸກຄະລະກອນ ໃຫ້ແກ່ສູນບໍາບັດ ປິີ່ນປົວ ແລະ ປັງປຸງສູນວິໃຈຢາເສບຕິດ ເກັບກໍາຂືື້ນສະຖິຕິເປົ້າໝາຍຢາເສບຕິດໃນທົ່ວແຂວງ ມີທັງໝົດ 8.303 ຄົນ ຍິງ 292 ຄົນ; ສາມາດມ້າງເປົ້າຫມາຍຢາເສບຕິດທົ່ວແຂວງ ໄດ້ທັງໝົດ: 1.121 ຄົນ ຍິງ 56 ຄົນ; ເລີກຮືື້ກຸ່ມມົ້ວສຸມເສບຢາເສບຕິດ ໄດ້ 144 ຄົນ ຍິງ 23 ຄົນ, ເຂົ້າບໍາບັດປິີ່ນປົວຢູ່ສູນຫຼັກ 21 ມີ 134 ຄົນ, ປິີ່ນປົວດີອອກຈາກສູນ 79 ຄົນ

ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ອົງຄະນະພັກ, ອົງການປົກຄອງແຂວງ ແລະ ເຈົ້າຫນ້າທີ່ທຸກພາກສ່ວນທີ່ໄດ້ພ້ອມກັນສຸມໃສ່ຈັດຕັ້ງປະຕິບັດຫນ້າທີ່ວຽກງານຢ່າງຕັ້ງຫນ້າ ແລະ ມີໝາກຜົນຫຼາຍດ້ານ ເຊິ່ງເປັນການປະກອບສ່ວນອັນສຳຄັນໃຫ້ແກ່ການພັດທະນາເສດຖະກິດສັງຄົມ, ພ້ອມທັງໄດ້ຕີລາຄາສູງຕໍ່ກັບການຈັດຕັ້ງປະຕິບັດ 2 ວາລະແຫ່ງຊາດ ຄື: ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ແລະ ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງີນ ໂດຍທ່ານເຊື່ອໝັ້ນວ່າພາຍໃຕ້ການນຳພາຂອງຄະນະພັກ-ອຳນາດການປົກຄອງແຂວງຈຳປາສັກ ຈະເຮັດໃຫ້ການຈັດຕັ້ງປະຕິບັດ 2 ວາລະແຫ່ງຊາດດັ່ງກ່າວໄດ້ຮັບໝາກຜົນຕາມລະດັບຄາດໝາຍທີ່ວາງໄວ້.

Off

Comments are closed.