11th May2022

ມອບ-ຮັບໂຄງການກໍ່ສ້າງຮ້ານຄ້າສະດວກຊື້ – ຮ້ານອາຫານ ແລະ ໂຄງການບຸກເບີກພື້ນທີ່ປ່າໄມ້ 25 ແຮັກຕາທີ່ໂຮງຮຽນວັດທະນະທໍາຫຼັກ 67.

by somda phoneor

ພິທີເຊັນບົດບັນທຶກມອບ-ຮັບໂຄງການກໍ່ສ້າງຮ້ານຄ້າສະດວກຊື້-ຮ້ານອາຫານ ແລະ ໂຄງການບຸກເບີກພື້ນທີ່ປ່າໄມ້ 25 ແຮັກຕາທີ່ໂຮງຮຽນວັດທະນະທໍາຫຼັກ 67 ລະຫວ່າງກົມໃຫ່ຍການເມືອງປ້ອງກັນຄວາມສະຫງົບ ແລະ ບໍລິສັດປ໋ອບກໍ່ສ້າງຂົວທາງຄົບວົງຈອນຈໍາກັດຜູ້ດຽວ,ຈັດຂື້ນໃນວັນທີ 11 ພຶດສະພາ 2022 ນີ້, ໂດຍການເຂົ້າຮວມເປັນກຽດ ພົນຈັດຕະວາ ຄໍາສາຍ ຈັນທະວົງ ຄະນະພັກກະຊວງ, ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ, ທ່ານ ນາງຄໍາກຽ້ງ ລາດສະບຸດ ປະທານບໍລິສັດປ໋ອບກໍ່ສ້າງຂົວທາງຄົບວົງຈອນຈໍາກັດຜູ້ດຽວ, ມີບັນດາຫົວກົມ-ຮອງກົມ, ອ້ອມຂ້າງກົມໃຫ່ຍ, ອໍານວຍການໂຮງຮຽນ, ຮອງຫົວໜ້າຫ້ອງການກົມໃຫ່ຍການເມືອງປ້ອງກັນຄວາມສະຫງົບ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ທ່ານ ນາງສຸກທະວີ ເກື້ອບຸນລໍ້າ ຜູ້ອໍານວຍການບໍລິສັດປ໋ອບກໍ່ສ້າງຂົວທາງຄົບວົງຈອນຈໍາກັດຜູ້ດຽວ, ໄດ້ລາຍງານການຈັດຕັ້ງປະຕິບັດທັງສອງໂຄງການໃຫ້ຮູ້ວ່າ: ໂດຍອີງຕາມຂໍ້ຕົກລົງ ແລະ ການມອບວຽກໂຄງການກໍ່ສ້າງຮ້ານຄ້າສະດວກຊື້ ແລະ ຮ້ານອາຫານຢູ່ໂຮງຮຽນ ວັດທະນະທໍາຫຼັກ 67 ຂອງກົມໃຫຍ່ການເມືອງ ປກສ, ແລະ  ອີງຕາມຂໍ້ຕົກລົງ ແລະ ການມອບວຽກ ໂຄງການ ບຸກເບີກພື້ນທີ່ປູກໄມ້ 25 ແຮັກຕາ ແລະ ປັບແລວທາງຢູ່ໂຮງຮຽນວັດທະນະທໍາຫຼັກ 67 ຂອງກົມໃຫຍ່ການເມືອງ ປກສ, ເຊິ້ງເນື້ອໃນການຈັດຕັ້ງປະຕິບັດວຽກງານໂຄງການກໍ່ສ້າງຮ້ານຄ້າສະດວກຊື້ ແລະ ຮ້ານອາຫານຢູ່ໂຮງຮຽນວັດທະນະທໍາຫຼັກ 67 ຂອງກົມໃຫຍ່ການເມືອງ ປກສ ແມ່ນໄດ້ເລີ່ມແຕ່ວັນທີ: 17 ມີຖຸນາ 2021 ແລະ ສໍາເລັດໃນການກໍ່ສ້າງ 100% ໃນວັນທີ 02 ພຶດສະພາ 2022 ເຊິ່ງເນື້ອທີ່ອາຄານຮ້ານຄ້າດັ່ງກ່າວມີຂະໜາດ 16 ຄູນ 19, ລັກສະນະອານຄານເປັນອາຄານຊັ້ນດຽວມຸງດ້ວຍສັງກະສີອາລູຊິ້ງ, ປະກອບມີຫ້ອງຂາຍເຄື່ອງ, ສາງເກັບເຄື່ອງ, ຮ້ານອາຫານ, ຫ້ອງຄົວ, ຫ້ອງພັກແມ່ຄົວ, ຫ້ອງນໍ້າລວມມູນຄ່າ 500 ລ້ານກີບ ແລະ ການຈັດຕັ້ງປະຕິບັດວຽກງານກໍ່ສ້າງບຸກເບີກພື້ນທີ່ປູກໄມ້ 25 ຮຕ ແລະ ປັບແລວທາງຢູ່ໂຮງຮຽນວັດທະນະທໍາຫຼັກ 67 ຂອງກົມໃຫຍ່ການເມືອງ ປກສ ແມ່ນໄດ້ເລີ່ມແຕ່ວັນທີ 27 ກຸມພາ 2022 ແລະ ສໍາເລັດໃນວັນ ທີ 25 ເມສາ 2022 ລວມມູນຄ່າ 405 ລ້ານກີບ, ລວມມູນຄ່າການກໍ່ສ້າງທັງສອງໂຄງການແມ່ນ 900 ລ້ານກວ່າກີບ.

ພ້ອມນີ້ທັງສອງຟ່າຍກໍ່ໄດ້ເຊັນບົດບັນທຶກມອບ-ຮັບຮ່ວມກັນຕາງໜ້າຄະນະພັກ, ຄະນະນໍາກົມໃຫ່ຍການເມືອງປ້ອງກັນຄວາມສະຫງົບ ເຊັນ ໂດຍ ພັທ ປອ ວຽງໄຊ ທໍາມະສິດ ຮອງຫົວໜ້າຫ້ອງການ ກົມໃຫ່ຍການເມືອງປ້ອງກັນຄວາມສະຫງົບ ແລະ ຟາຍບໍລິລັດເຊັນມອບໂດຍ ທ່ານ ນາງຄໍາກຽ້ງ ລາດສະບຸດ ປະທານບໍລິສັດປ໋ອບກໍ່ສ້າງຂົວທາງຄົບວົງຈອນຈໍາກັດຜູ້ດຽວ, ໂດຍຊ້ອງໜ້າ ພົນຈັດຕະວາ ຄໍາສາຍ ຈັນທະວົງ ຄະນະພັກກະຊວງ, ຮອງຫົາໜ້າກົມໃຫ່ຍການເມືອງປ້ອງກັນຄວາມສະຫງົບ ແລະ ເເຂກຖຶກເຊີນ.

Off

Comments are closed.