12th May2022

ປ້ອງກັນທີ່ຕັ້ງ ເປີດຊຸດຮຽນກໍ່ສ້າງວິຊາສະເພາະຮຸ່ນທີ 10.

by somchan

ສູນຝຶກອົບຮົມວິຊາສະເພາະຊັ້ນຕົ້ນ ກອງບັນຊາການປ້ອງກັນທີ່ຕັ້ງ ກະຊວງປກສ ເປີດຊຸດຮຽນກໍ່ສ້າງວິຊາສະເພາະຮຸ່ນທີ 10 ສົກປີ 2022-2023 ໃນວັນທີ 12 ພຶດສະພາ 2022 ທີ່ກອງບັນຊາການປ້ອງກັນທີ່ຕັ້ງ ກະຊວງ ປກສ ໂດຍການເຂົ້າຮ່ວມຂອງ ພົຈວ ໄຊສີ ແກ້ວສະຫງ່າ ຫົວໜ້າກອງບັນຊາການປ້ອງກັນທີ່ຕັ້ງ, ມີຄະນະພັກ,ຄະນະບັນຊາ 4 ຫ້ອງ, 3 ກອງພັນ, ກອງຮ້ອຍເອກະລາດ ພ້ອມດ້ວຍພະນັກງານຄູອາຈານ ແລະ ນ້ອງນັກຮຽນເຂົ້າຮ່ວມ.

ພັທ ສົມສະໄໝ ລືຫາຈັກ ຫົວໜ້າສູນຝຶກອົບຮົບວິຊາສະເພາະຊັ້ນຕົ້ນ ກອງບັນຊາການປ້ອງກັນທີ່ຕັ້ງໄດ້ກ່າວວ່າ: ການເປີດຊຸດຮຽນກໍ່ສ້າງວິຊາສະເພາະຮຸ່ນທີ 10 ສົກປີ 2022-2023 ເປັນການປັບປຸງ-ກໍ່ສ້າງ ກຳລັງປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ ຮອບດ້ານ ຮັບປະກັນທາງດ້ານປະລິມານ ແລະ ຄຸນນະພາບ ເວົ້າລວມ, ເວົ້າສະເພາະ ເປັນການສຶກສາອົບຮົມ ແລະ ຍົກລະດັບຄວາມຮູ້, ຄວາມສາມາດ ທາງດ້ານທິດສະດີ ແລະ ຫຼັກການພື້ນຖານ ຂອງວຽກງານ ວິຊາສະເພາະ ປ້ອງກັນທີ່ຕັ້ງ ໃຫ້ແກ່ນັກຮຽນ ປກສ ຊັ້ນຕົ້ນ ຮຸ່ນທີ 10 ສາມາດຮັບຮູ້ໄດ້ ແລະ ມີພຶດຕິກໍາຕົວຈິງ, ຮູ້ໝູນໃຊ້ທິດສະດີ, ບົດຮຽນ ໃນວຽກງານ ວິຊາສະເພາະປ້ອງກັນທີ່ຕັ້ງ ໃຫ້ມີຄຸນນະພາບ ຫຼັງສຶກສາຮ່ຳຮຽນ ແລະ ສອບເສັງຈົບແລ້ວ ສາມາດບັນຈຸ, ສັບຊ້ອນເຂົ້າໃນວຽກງານວິຊາສະເພາະປ້ອງກັນ ເວນຍາມຢູ່ບັນດາກົມກອງອອ້ມຂ້າງ ແລະ ທ້ອງຖິ່ນໃຫ້ມີຄວາມສະຫງົບປອດໄພ,ສ້າງທັດສະນະຄະຕິ, ລະບຽບວິໄນຂອງກຳລັງປ້ອງກັນຄວາມສະຫງົບໃຫ້ໄດ້ຢ່າງເຂັ້ມງວດພ້ອມທີ່ຈະນຳໄປຈັດຕັ້ງປະຕິບັດຕົວຈິງ.

ສຳລັບນັກຮຽນກໍ່ສ້າງວິຊາສະເພາະຮຸ່ນທີ 10 ສົກປີ 2022-2023 ມີທັງຫມົດ 149 ສະຫາຍ ຍີງ 12 ຄົນ, ມາຈາກກົມກອງທ້ອງຖີ່ນ 60 ສະຫາຍ, ແບ່ງອອກເປັນ 3 ກອງຮ້ອຍ 15 ຫມູ່ ກຳນົດເວລາຮຽນ 1 ປີ ມີ 3 ຫມວດວິຊາຮຽນຄື: ຫມວດຄວາມຮູ້ທົ່ວໄປ ປະກອບມີ  4 ວິຊາ,ຫມວດວິຊາພື້ນຖານວິຊາສະເພາະ ປະກອບມີ 11 ວິຊາ, ຫມວດວິຊາສະເພາະຂອງຂະແຫນງການປະກອບ 9 ວິຊາ ພາຍຫລັງສຶກສາຄົ້ນຄວ້າຮໍ່າຮຽນສຳເລັດແລ້ວຈື່ງຈະໄດ້ສອບເສັງເອົາຄະແນນພ້ອມທັງມອບໃບຢັ້ງຢືນໃຫ້ແກ່ນັກຮຽນ.

Off

Comments are closed.