13th May2022

ງານຮັບບໍລິຈາກເລືອດ ເນື່ອງໃນວັນກາແດງ ແລະ ຊີກວົງເດືອນແດງສາກົນ 8 ພຶດສະພາ

by Peaung Thanonkeo

ສູນເລືອດແຫ່ງຊາດ ອົງການກາແດງລາວ ນະຄອນຫລວງວຽງຈັນ ຮັບບໍລິຈາກເລືອດ ເນື່ອງໃນວັນທີ 8 ພຶດສະພາ ເຊິ່ງເປັນວັນກາແດງ ແລະ ອີກວົງເດືອນແດງສາກົນ  ໂດຍການເຂົ້າຮ່ວມຂອງ ທ່ານ ຮສ. ດຣ. ພູທອນ ເມືອງປາກ, ປະທານອົງການກາແດງແຫ່ງຊາດລາວ, ພ້ອມດ້ວຍຄະນະນຳ, ຫົວຫນ້າຫ້ອງການ, ພະນັກງານລັດຖະກອນ ອາສາສະຫມັກອ້ອມຂ້າງອົງການກາແດງແຫ່ງຊາດລາວພ້ອມດ້ວຍຄູອາຈານແລະ ນັກຮຽນ ຈາກໂຮງຮຽນມັດທະຍົມໃນນະຄອນຫລວງວຽງຈັນ ຈໍານວນ 200 ກວ່າຄົນ ເຊິ່ງມາຈາກ ໂຮງຮຽນ ມສ ໂພນທອງ, ມສ ນາຂ່າ, ມສ ອີ່ໄລ, ມສ ສາລາຄຳ, ມປ ສີສັດຕະນາກ, ມສ ໄຊເສດຖາ, ມສ ຕານມີ ໄຊ, ມສ ເພຍວັດ, ມສ ວຽງຈັນ ມສ ທົ່ງປົ່ງ ແລະ ມສ ຫນອງບອນ ເຂົ້າຮ່ວມ

ໃນປີ 2022 ນີ້ແມ່ນ ພາຍໄຕ້ຄໍາຂວັນ ພວກເຮົາທຸກຄົນມີຄວາມເມດຕາຕໍ່ເພື່ອນມະນຸດດ້ວຍກັນ ໂດຍໄດ້ເຊີນຊວນມວນຊົນທົ່ວໄປໃນ ນະຄອນຫລວງວຽງຈັນ ເພື່ອໃຫ້ມາຮ່ວມກັນບໍລິຈາກເລືອດເພື່ອຊ່ວຍຊີວິດຄົນເຈັບທີ່ຕ້ອງການເລືອດເຂົ້າໃນການປິ່ນ ປົວຢູ່ໂຮງຫມໍຕ່າງໆໃນຂອບເຂດທົ່ວປະເທດ, ດຣ. ຈັນທະລາ ສຸກສາຄອນ, ຫົວຫນ້າສະຖາບັນເລືອດແຫ່ງຊາດ ອົງການກາແດງແຫ່ງຊາດລາວ ໄດ້ໃຫ້ຮູ້ຕື່ມອີກວ່າ ອີງໃສ່ຄວາມຮຽກຮ້ອງຕ້ອງການເລືອດ ເພື່ອນຳໃຊ້ເຂົ້າໃນການປິ່ນປົວຄົນເຈັບແລ້ວ ແມ່ນເຫັນວ່ານັບມື້ ນັບເພີ່ມສູງຂຶ້ນເລື້ອຍໆ, ສະຖາບັນເລືອດແຫ່ງຊາດ ແລະ ສູນເລືອດແຂວງ ອົງການກາແດງລາວ ໃນທົ່ວປະເທດ ໄດ້ອອກແຮງໃນການປຸກລະດົມມວນຊົນໃນສັງຄົມໄດ້ປະກອບສວ່ນໃນການບໍລິຈາກເລືອດແນໃສ່ເຮັດໃຫ້ມີເລືອດປອດໄພພຽງພໍ ຕອບສະໜອງໃຫ້ແກ່ຄົນເຈັບທີ່ຕ້ອງການ ຊຶ່ງນອນປິ່ນປົວຢູ່ຕາມໂຮງໝໍແຫ່ງຕ່າງໆໃນຂອບເຂດທົ່ວປະເທດໃຫ້ທັນກັບເວລາ. ການໃຫ້ເລືອດເປັນການຊ່ວຍຊີວິດຂອງເພື່ອນມະນຸດດ້ວຍກັນທີ່ຕ້ອງການຊ່ວຍເຫລືອໃນເວລາເຈັບເປັນ. ຜູ້ທີ່ຕ້ອງການເລືອດເຊັ່ນແມ່ຍິງທີ່ມີອາການຈາກການເກີດລູກ, ເດັກນ້ອຍທີ່ເປັນພະຍາດເລືອດຈາງ, ມະເຮັງ, ໄຂ່ຫລັງຊຸດໂຊມ, ຈາກພະຍາດໄຂ້ຍຸງ(Malaria), ໄຂ້ເລືອດອອກ, ຜູ້ ໄດ້ຮັບຜົນກະທົບຈາກອຸປະຕິເຫດພາວະສຸກເສີນ, ລວມເຖິງການຜ່າຕັດຕ່າງໆ

Off

Comments are closed.