06th Jun2022

ກຸ່ມບໍລິສັດ ພົງສະຫວັນຈໍາກັດຜູ້ດຽວມອບຄອມພິວເຕີ ແລະ ປິ່ນເຕີ ໃຫ້ກອງບັນຊາການປ້ອງກັນສູນກາງ.

by somda phoneor

ກຸ່ຍບໍລິສັດ ພົງສະຫວັນ ຈຳກັດຜູ້ດຽວ ໄດ້ນຳເອົາຄອມພິວເຕີ້ ແລະ ປິ່ນເຕີ້ ຈຳນວນໜຶ່ງຊຸດລວມມູນຄ່າ 9.700.000 ກວ່າກີບ ມາມອບໃຫ້ກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບ ໃນວັນທີ 3 ມິຖຸນາ 2022 ນີ້ ໃຫ້ກຽດມອບໂດຍ ທ່ານ ນາງ ແສງດາວ ບຸພະກອນຄຳ ຮອງປະທານ, ຜູ້ອຳນວຍການກຸ່ມບໍລິສັດພົງສະຫວັນຈຳກັດຜູ້ດຽວ  ແລະ ກ່າວຮັບໂດຍ ພົຈວ ສົມພົງ ຂຳວິລຸນ ຫົວຫນ້າກອງບັນຊາການປ້ອງກັນສູນກາງ .

ໃນໂອກາດນີ້ ທ່ານ ນາງ ແສງດາວ ບຸພະກອນຄຳ ໄດ້ສະແດງຄວາມດີໃຈທີ່ໄດ້ເປັນສ່ວນໜຶ່ງໃນການປະກອບສ່ວນອັນສຳຄັນໃຫ້ແກ່ກຳລັງປ້ອງກັນຄວາມສະຫງົບ ປ້ອງກັນສູນກາງ ໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະອັນມີກຽດທີ່ພັກ-ລັດໃນການຈັດຕັ້ງຂັ້ນເທີງມອບໝາຍໃຫ້ເຊັ່ນ: ວຽກງານຈັດພິມເອກະສານ, ປິ່ນເອກະສານສຳຄັນຕ່າງໆທີ່ຮັບໃຊ້ກົມກອງ ແລະ ວຽກງານອື່ນໆ.

ໃນໂອກາດທີ່ມີຄວາມໝາຍສຳຄັນດັ່ງກ່າວນີ້ ພົຈວ ສົມພົງ ຂຳວິລຸນ ຫົວຫນ້າກອງບັນຊາການປ້ອງກັນສູນກາງໄດ້ຕາງໜ້າໃຫ້ແກ່ຄະນະພັກ, ພະນັກງານຫລັກແຫ່ລງກອງບັນຊາການປ້ອງກັນສູນກາງ ໄດ້ສະແດງຄວາມຂອບໃຈ ແລະ ດີໃຈ ທີ່ທາງກຸ່ມບໍລິສັດພົງສະຫວັນຈຳກັດຜູ້ດຽວ ທີ່ເຫັນໄດ້ຄວາມໝາຍຄວາມວາຄັນຕໍ່ວຽກງານວິຊາສະເພາະໃນກຳລັງປ້ອງກັນຄວາມສະຫງົບ ປ້ອງກັນສູນກາງ ໃນການຈັດຕັ້ງປະຕິບັດໜ້າທີ່ຮັບໃຊ້ການນຳພັກ-ລັດ ແລະ ປ້ອງກັນຜູ້ນຳພັກ-ລັດ ແລະ ວຽກງານອື່ນໆ. ເຊິ່ງວັດຖຸອຸປະກອນທີ່ນຳມາມອບອຸປະຖຳໃຫ້ໃນຄັ້ງນີ້ຈະນຳໄປປະກອບສ່ວນເຂົ້າໃນການຈັດຄັ້ງປະຕິບັດເຮັດໜ້າທີ່ວຽກງານວິຊາສະເພາະທີ່ຈຳເປັນໃຫ້ໄດ້ຮັບໝາກຜົນສູງສຸດ.

ພ້ອມນີ້ກອງບັນຊາການປ້ອງກັນສູນກາງ ຍັງໄດ້ມອບໃບກຽດຕິຄຸນໃຫ້ແກ່ ກຸ່ມບໍລິສັດພົງສະຫວັນຈຳກັດຜູ້ດຽວ .ໃຫ້ກຽດມອບໂດຍ ພົຈວ ສົມພົງ ຂຳວິລຸນ ຫົວຫນ້າກອງບັນຊາການປ້ອງກັນສູນກາງ.

Off

Comments are closed.