10th Jun2022

3 ພາກສ່ວນ ປະກາດເລື່ອນຊັ້ນໃຫ້ພະນັກງານ-ນັກຮົບ.

by somchan

ກົມສື່ສານ, ກອງບັນຊາການປ້ອງກັນທີ່ຕັ້ງ, ວິທະຍາຄານຕໍາຫຼວດປະຊາຊົນ ກະຊວງ ປກສ ໄດ້ຈັດພິທີປະກາດເລື່ອນຊັ້ນໃຫ້ພະນັກງານທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂໃນການເລື່ອນຊັ້ນ ໃນວັນທີ 7 ແລະ ວັນທີ 10 ມິຖຸນາ 2022, ເຂົ້າຮ່ວມ ແລະ ປະດັບຊັ້ນໂດຍ ພົຈວ ແສງປະເສີດ ສຸທໍາມະວົງ ຫົວໜ້າກົມສື່ສານ, ພົຈວ ໄຊສີ ແກ້ວສະຫງ່າ ຫົວໜ້າກອງບັນຊາການປ້ອງກັນທີ່ຕັ້ງ, ພັອ ຄໍາເພັດ ສາລີວອນ ຮອງຫົວໜ້າອໍານວຍການວິທະຍາຄານຕໍາຫຼວດປະຊາຊົນ, ມີຄະພັກ-ຄະນະບັນຊາ, ພະນັກງານ-ນັກຮົບຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.

ໃນພິທີ ຄະນະຮັບຜິດຊອບໄດ້ຮັບຜ່ານຂໍ້ຕົກລົງວ່າດ້ວຍການເລື່ອນຊັ້ນໃຫ້ນາຍ ແລະ ພົນຕໍາຫຼວດ ເພື່ອປະຕິບັດນະໂຍບາຍຂອງພັກ-ລັດ ທີ່ມີຕໍ່ນາຍ ແລະ ພົນຕໍາຫຼວດ ຜູ້ທີ່ມີຜົນສໍາເລັດໃນການປະຕິບັດໜ້າທີ່ວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນທີ່ກໍານົດໄວ້ໃນກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ; ໃນນີ້ ກົມສື່ສານ ມີພະນັກງານໄດ້ຮັບເລື່ອນຊັ້ນ ຈໍານວນ 4 ສະຫາຍ ຍິງ 1 ສະຫາຍ ມີ ເລື່ອນຊັ້ນ ພັຕ ຂຶ້ນຊັ້ນ ພັທ  1 ສະຫາຍ, ຮ້ອຍໂທ ຂຶ້ນຊັ້ນ ຮ້ອຍເອກ 1 ສະຫຍາ ແລະ ເລື່ອນຊັ້ນ ວາທີ ຂຶ້ນຊັ້ນ ຮ້ອຍຕີ  2 ສະຫາຍ; ກອງບັນຊາການປ້ອງກັນທີ່ຕັ້ງ ມີພະນັກງານໄດ້ຮັບເລື່ອນຊັ້ນ  50 ສະຫາຍ ຍິງ 8 ສະຫາຍ, ໃນນີ້; ເລື່ອນຊັ້ນ ພັຕ ຂຶ້ນຊັ້ນ ພັທ 1 ສະຫາຍ, ຮ້ອຍເອກ ຂຶ້ນ ພັຕ 8 ສະຫາຍ ຮ້ອຍໂທ ຂຶ້ນຊັ້ນ ຮ້ອຍເອກ 29 ສະຫາຍ ຍິງ 6 ສະຫາຍ, ສິບເອກ ຂຶ້ນຊັ້ນ ວາທີ 6 ສະຫາຍ, ສິບໂທ ຂຶ້ນເປັນຊັ້ນ ສິບເອກ 5 ສະຫາຍ ຍິງ 2 ສະຫາຍ ແລະ ສິບຕີ ຂຶ້ນເປັນຊັ້ນ ສິບໂທ 1 ສະຫາຍ; ວິທະຍາຄານຕໍາຫຼວດປະຊາຊົນ ມີພະນັກງານໄດ້ຮັບເລື່ອນຊັ້ນ  31 ສະຫາຍ ຍິງ 5 ສະຫາຍ, ໃນນີ້ ເລື່ອນຊັ້ນ ພັຕ ຂຶ້ນຊັ້ນ ພັທ ຈໍານວນ 6 ສະຫາຍ, ຮ້ອຍເອກ ຂຶ້ນຊັ້ນ ພັຕ 7 ສະຫາຍ ແລະ ເລື່ອນຊັ້ນ ຮ້ອຍໂທ ຂຶ້ນຊັ້ນ ຮ້ອຍເອກ  18 ສະຫາຍ ຍິງ 5 ສະຫາຍ.

ໂອກາດດັ່ງກ່າວ ຄະນະປະທານຍັງໄດ້ໂອ້ລົມຕໍ່ພະນັກງານ-ນັກຮົບຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ ເຊິ່ງໄດ້ສະແດງຄວາມຍ້ອງຍໍຊົມເຊີຍ ແລະ ເໜັ້ນໜັກໃຫ້ເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ມີຄວາມຈົ່ງຮັກພັກດີຕໍ່ພັກ-ລັດ, ຕໍ່ກໍາລັງປ້ອງກັນຄວາມສະຫງົບ ແລະ ເພື່ອນມິດສະຫາຍ, ມີຄວາມຮັກແພງຄວາມສາມັກຄີພາຍໃນກຳລັງ, ສືບຕໍ່ເຮັດວຽກງານ-ວິຊາສະເພາະທີ່ໄດ້ຮັບມອບໝາຍໃຫ້ສຳເລັດ ແລະ ສືບຕໍ່ພັດທະນາຕົນເອງໃນທຸກໆດ້ານເພື່ອສ້າງໃຫ້ໄດ້ພະນັກງານສືບທອດປ່ຽນແທນທີ່ດີ ແລະ ມີຄຸນນະພາບໃນສະເພາະໜ້າ ແລະ ຍາວນານ.

 

Off

Comments are closed.