10th Jun2022

ກົມຄຸມຄັງ-ດັດສ້າງ ກະຊວງປ້ອງກັນຄວາມສະຫງົບ ປະກາດເລື່ອນຊັ້ນໃຫ້ນາຍຕຳຫຼວດ.

by somchan

ກົມຄຸມຄັງ-ດັດສ້າງ ກະຊວງປ້ອງກັນຄວາມສະຫງົບ ໄດ້ຈັດພິທີປະກາດເລື່ອນຊັ້ນໃຫ້ນາຍຕຳຫຼວດ ໃນວັນທີ 10 ມິຖຸນາ ນີ້ ໂດຍການເປັນປະທານຂອງ ພົຈວ ສົມລິດ ດາວຮຸ່ງສຸລີ ຫົວໜ້າກົມຄຸມຂັງ-ດັດສ້າງ, ມີຄະນະພັກ, ກົມ, ກອງ ອ້ອມຂ້າງກົມຄຸມຂັງ-ດັດສ້າງ ພ້ອມດ້ວຍພະນັກງານທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັທ ບຸນລ້ຽງ ໄຊປັນຍາ ຫົວໜ້າພະແນກການເມືອງ ກົມຄຸມຂັງ-ດັດສ້າງໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕຳຫຼວດຄຸມຂັງ-ດັດສ້າງ, ຜູ້ທີ່ມີຜົນງານໃນການເຄື່ອນໄຫວເຮັດວຽກງານວິຊາສະເພາະຕົວຈິງໃນໄລຍະຜ່ານມາ ແລະ ມີມາດຖານເງື່ອນໄຂຂອງການເລື່ອນຊັ້ນ ຕາມລະບຽບກົດໝາຍຂອງກຳລັງປ້ອງກັນຄວາມສະຫງົບປະຊາຊົນ ໃນນີ້ ເລື່ອນຊັ້ນຂັ້ນນາຍພັນ 19 ສະຫາຍ ແລະ ເລື່ອນຊັ້ນຂັ້ນນາຍຮ້ອຍ 33 ສະຫາຍ.

Off

Comments are closed.